Hyderabad: హైదరాబాద్ లో దారుణం.. దుకాణంలో ఉన్న మహిళపై కత్తితో దాడి.. అసలేం జరిగిందంటే..?

Woman found murder after argument in azampura Hyderabad: తెలంగాణలో ఇటీవల తరచుగా హత్యలు,  దోపిడిలకు చెందిన ఘటనలు ఎక్కువగా వార్తలలో ఉంటున్నాయి. ముఖ్యంగా  హైదరాబాద్ లో ఇటీవల శాంతి భద్రత పూర్తిగా ప్రశ్నార్థకంగా మారిందా అన్న అనుమానం కల్గుతుంది. ఈ క్రమంలో  తరచుగా పట్టపగలే హత్యలు, దోపిడిల ఘటనలు వార్తలలో  ఉంటున్నాయి. ఇప్పటికే అపోసిషన్ పార్టీలు తరచుగా సీఎం రేవంత్ పై తీవ్ర విమర్శలు చేస్తున్నాయి.  ఈ నేపథ్యంలో హైదరాబాద్ లో అజంపురాలో కత్తిపోట్ల ఘటనతో ఒక్కసారిగా స్థానికంగా తీవ్ర ఉద్రిక్తత నెలకొంది. 

హైదరాబాద్‌లోని అజంపురా ప్రాంతంలో తహేరా బాను (36) అనే వివాహిత దారుణ హత్యకు గురైంది. ఒక వ్యక్తి దుకాణంకు వచ్చి ఆమెతో వాగ్వాదంకు దిగాడు.  దబీర్‌పురా ప్రాంతానికి చెందిన తహేరా బాను అజంపురాలోని సైఫా మసీదు సమీపంలో ఉన్న మాన్హా హోల్‌సేల్ స్టోర్‌లో పనిచేస్తోంది. ఈ క్రమంలో దుకాణంకు వచ్చిన వ్యక్తి ఆమెతో వాగ్వాదంకు దిగాడు. 

అది కాస్త తారాస్థాయికి చేరడంతో అతను ఆమెపై కత్తితో దాడి చేశాడు. దీంతో ఆమె రక్తపు మడుగులో పడిపోయింది. ఆతర్వాత హత్యకు పాల్పడిన వ్యక్తి అక్కడి నుంచి పారిపోయాడు. వెంటనే స్థానికులు అంబులెన్స్ కు సమాచారం అందించారు. గాయపడ్డ మహిళను సిబ్బంది ఆమెను హుటా హుటీన కేర్ ఆస్పత్రికి తరలించారు.  దీంతో సదరు మహిళ తీవ్ర రక్తస్రావం కావడంతో చికిత్స పొందుతూ మరణించింది. అనంతరం మృతదేహాన్ని పోస్ట్ మార్టం కోసం వైద్యులు ఉస్మానియా జనరల్ ఆసుపత్రికి తరలించారు. 

ఈ ఘటనపై చాదర్‌ఘాట్ పోలీసులు కేసు నమోదు చేసుకుని విచారణ చేపట్టారు. అసలు హత్యకు దారితీసిన కారణాలు, దాడి వెనుక ఉద్దేశం, నిందితుడికి సంబంధించిన పూర్తి వివరాలు ఇంకా తెలియాల్సి ఉంది. ఈ ఘటనతో స్థానికంగా తీవ్ర ఉద్రిక్తత నెలకొంది.