ప్రధాని మోడీపై CJP అధినేత అభిజిత్ దీప్కే సంచలన వ్యాఖ్యలు..

CJP Dharna Againast CEC Resignation:‘సర్’ ప్రక్రియకు వ్యతిరేకంగా కేంద్ర ఎన్నికల కమిషన్  జ్ఞానేశ్‌ కుమార్‌కు రాజీనామా చేయాలంటూ సీజేపీ పిలుపు నిచ్చింది. ఈ నేపథ్యంలో   సీజేపీ నిరసనకు సుమారు 7వేల మంది వస్తారని ఢిల్లీ పోలీసులు అంచనా వేస్తున్నారు. నిరసన నేపథ్యంలో పోలీసులు సంయమనం పాటించాలని అధికారులు ఆదేశాలు జారీ చేశారు.  రెచ్చగొట్టే చర్యలకు స్పందించకుండా ప్రశాంతంగా విధులు నిర్వహించాలని ఉన్నతాధికారులు ఆదేశించారు. అనుమతి లేని సమావేశాలను ఎట్టి పరిస్థితుల్లోనూ అనుమతించబోమని పోలీసులు స్పష్టం చేశారు. ఆంక్షలను ఉల్లంఘించి నిరసనకు వచ్చిన వారిని అదుపులోకి తీసుకుని, ముందుగా నిర్ణయించిన నిర్బంధ కేంద్రాలకు తరలించాలని ఆదేశించారు.

రైల్వే స్టేషన్‌ పరిసరాల్లో డ్రోన్లతో కొనసాగుతున్న నిఘా ..
పోలీసులను రెచ్చగొట్టడం లేదా ఘర్షణలకు కారణమయ్యే ప్రయత్నాలు చేసే వ్యక్తులపైరి పరిస్థితులను బట్టి చర్యలు తీసుకునే అవకాశం ఉందని అధికారులు తెలిపారు.సీజేపీ నిరసన నేపథ్యంలో న్యూఢిల్లీ రైల్వే స్టేషన్‌ వద్ద భద్రతను కట్టుదిట్టం చేశారు. రైల్వే స్టేషన్‌ పరిసరాల్లో డ్రోన్లతో నిఘా కొనసాగుతోంది. స్టేషన్‌ పరిసరాల్లో భద్రతా కవాతులు నిర్వహిస్తూ, అనుమానాస్పద కదలికలపై నిఘా పెట్టారు. మరోవైపు.. జంతర్‌మంతర్‌ వైపు వస్తున్న సీజేపీ మద్దతుదారులను పోలీసులు అదుపులోకి తీసుకున్నారు.

ప్రధాని మోడీ భయపడుతున్నారన్న దీప్కే.. 
ప్రధాని నరేంద్ర మోదీ దేశంలోని యువతను, ప్రజలను చూసి ఎందుకు భయపడుతున్నారని ప్రశ్నించారు అబిజిత్ దీప్కే. రైలు సేవలను, మెట్రో కార్యకలాపాలను ఎందుకు నిలిపివేశారని ఆయన ప్రశ్నించారు. ఇంటర్నెట్ నిలిపివేత, రహదారుల దిగ్బంధం వంటి చర్యలను ఆయన విమర్శించారు. జమ్మూ కాశ్మీర్ నుంచి సైన్యాన్ని, నక్సల్స్ ప్రభావిత ప్రాంతాల నుంచి CRPF బలగాలను ఢిల్లీకి ఎందుకు తీసుకొచ్చారన్నారని ప్రశ్నించారు. దేశ ప్రజలపైనే యుద్ధం చేయాలనుకుంటున్నారా అని ప్రధాన మంత్రి మోడీ, కేంద్ర హోంమంత్రి అమిత్ షాను ప్రశ్నించారు. జ్ఞానేశ్ కుమార్ కోసం ప్రజలపై పోలీసు, సైనిక బలగాలను ప్రయోగిస్తున్నారని ఆరోపించారు.

అరెస్ట్ చేసినా వెనకాడం..
మరోవైపు ఢిల్లీ విమానాశ్రయంలో తనను అరెస్టు చేసినా లేదా అదుపులోకి తీసుకున్నా సిద్ధంగా ఉన్నానని తెలిపారు అబిజిత్ దిప్కే.UAPA, NSA వంటి కఠినమైన చట్టాలను తనపై ప్రయోగించినా వెనక్కి తగ్గబోనని ప్రకటించారు. స్వేచ్ఛాయుత, నిష్పక్షపాత ఎన్నికల కోసం, దేశ ప్రజాస్వామ్యాన్ని కాపాడటం కోసం తమ పోరాటం కొనసాగుతుందని స్పష్టం చేశారు.