రేషన్ షాపులో భారీ నాగుపాము.. చాకచక్యంగా పట్టుకున్న స్నేక్ క్యాచర్!

Cobra Rescued From Ration Shop: నిత్యం ప్రజల రాకపోకలతో రద్దీగా ఉండే ఓ ప్రభుత్వ రేషన్ దుకాణంలో భారీ నాగుపాము ప్రత్యక్షమై తీవ్ర ఆందోళనకు గురిచేసింది.. వేములవాడ అర్బన్ మండల పరిధిలోని చింతల్తానా గ్రామంలో శనివారం ఈ ఘటన వెలుగు చూసింది రేషన్ బియ్యం నిల్వ ఉంచిన గదిలో అత్యంత ప్రమాదకరమైన కోడెనాగు దర్శనం ఇవ్వడంతో అక్కడున్న వారంతా పరుగులు తీశారట. అసలు ఆ పాము అక్కడికి ఎలా వచ్చింది? అక్కడ ఏం జరిగింది? దీనికి సంబంధించిన పూర్తి వివరాలు మనం ఇప్పుడు తెలుసుకుందాం..

గ్రామంలోని ప్రభుత్వ రేషన్ దుకాణాన్ని రోజులాగే తెరిచిన సమయంలో.. సరుకులు నిలువ ఉంచిన సమీపంలో కదలికలు కనిపించాయి.. అనుమానం వచ్చి పరిశీలించగా.. అక్కడ బుసలు కొడుతూ నక్కిన ఒక భారీ నాగుపాము కనిపించింది. విషయం తెలుసుకున్న వెంటనే రేషన్ కోసం అక్కడికి వచ్చిన వినియోగదారులు భయంతో పరుగులు తీశారు. అయితే వెంటనే అప్రమత్తమైన స్థానికులు ఆ పామును అక్కడి నుంచి తరిమేసేందుకు ప్రయత్నించారు. కానీ అది అక్కడి నుంచి వెళ్లిపోకపోవడంతో స్నేక్ క్యాచర్కు సమాచారం అందించారు..

గ్రామస్తులు తక్షణమే స్థానిక స్నేక్యాచార్ జగదీష్ కు సమాచారం అందించగా వెంటనే ఆయన అక్కడికి చేరుకున్నారు ఘటనా స్థలానికి చేరుకొని బియ్య బస్తాల్లో నక్కి ఉన్న నాగుపామును గుర్తించి.. ఆ పామును పట్టుకునే ప్రయత్నం చేశాడు. అయితే, ఆ పామును పట్టుకునే క్రమంలో స్నేక్ క్యాచర్ పై పలుసార్లు దాడి చేసే ప్రయత్నం కూడా చేసింది. కానీ అతను ఎంతో నైపుణ్యం కలిగి ఉండడంతో దాడి నుంచి తప్పించుకొని చాకచక్యంగా పామును రెస్క్యూ చేశాడు. అంతేకాకుండా ఆ పాము అతని వెంట తీసుకువచ్చిన ఒక డబ్బాలో బంధించి అక్కడి నుంచి తరలించాడు. దీంతో రేషన్ షాప్ కి వచ్చిన వారంతా ఊపిరి పీల్చుకున్నారు..

పామును పట్టుకున్న అనంతరం జగదీష్ మాట్లాడుతూ.. పాములు చలికాలంలో ఎక్కువగా ఆహారంతో పాటు వెచ్చదనం కోసం తరచుగా ఇలాంటి గోదాముల్లోకి.. బస్తాలు ఎక్కువగా ఉండే ప్రాంతాల్లోకి వచ్చి అందులో నక్కుతాయని తెలిపారు.. ఎవరు భయపడాల్సిన అవసరం లేదని.. పట్టుకున్న ఆ పామును అటవీ ప్రాంతంలో వదిలిపెట్టారని వెల్లడించారు.. పాముతో పాటు అక్కడికి వచ్చిన వారికి ఎలాంటి నష్టం కలగకుండానే దానిని పట్టుకున్నారని అతను తెలిపారు. ఇప్పుడు ఈ పాము కు సంబంధించిన వీడియో, అతను రిస్క్యూ చేస్తున్న సందర్భంలో తీసిన షార్ట్ వీడియోలు సోషల్ మీడియాలో వైరల్ అవుతున్నాయి.