• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /లైఫ్‌స్టైల్
  • /కష్టపడి పనిచేసే వారి సొమ్ముపై ఆశపడితే నష్టం తప్పదని చెబుతున్న పిసినారి వ్యాపారి కథ..!!

కష్టపడి పనిచేసే వారి సొమ్ముపై ఆశపడితే నష్టం తప్పదని చెబుతున్న పిసినారి వ్యాపారి కథ..!!

Moral Story: కష్టపడి పనిచేసే వారి శ్రమను దోచుకోవాలని, అబద్ధాలతో ఇతరులను మోసం చేయాలని చూస్తే, ఆ మోసమే తిరిగి మనకు భారీ నష్టాన్ని మిగులుస్తుంది.

Written ByBhoomi
Published: Nov 17, 2026, 14:24 IST|Updated: Nov 17, 2026, 14:26 IST
joinshare
కష్టపడి పనిచేసే వారి సొమ్ముపై ఆశపడితే నష్టం తప్పదని చెబుతున్న  పిసినారి వ్యాపారి కథ..!!
Image Credit: Moral Story

About the Author

Bhoomi

Bhoomi

మాధవి లగిశెట్టి (భూమి).. జీ తెలుగు డిజిటల్ మీడియాలో సబ్ ఎడిటర్ పనిచేస్తున్నారు. ఇక్కడ బిజినెస్, స్పోర్ట్స్, క్రైమ్, రాజకీయ వ్యవహారాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Moral Story: ఆనందపురం అనే గ్రామంలో సుబ్బయ్య అనే ఒక  పశువుల వ్యాపారి ఉండేవాడు. అతనికి ఆస్తికి లోటు లేకపోయినా విపరీతమైన పిసినారితనం, ఇతరులను మోసం చేసే స్వభావం ఉండేవి. ఒకరోజు తన ఇంటి పనులు, పశువుల సంరక్షణ చూసుకోవడానికి సోము అనే ఒక అమాయకపు యువకుడిని పనిలో పెట్టుకున్నాడు.

పనిలో చేర్చుకునే ముందే సుబ్బయ్య ఒక విచిత్రమైన షరతు పెట్టాడు. "చూడు సోమూ! నీకు నెలకు ఐదు వేల రూపాయలు వేతనంగా ఇస్తాను. అయితే, నెల పూర్తయ్యాక నేను అడిగే నాలుగు ప్రశ్నలకు నువ్వు సరిగ్గా బదులు చెప్పాలి. అప్పుడే నీకు జీతం దక్కుతుంది" అన్నాడు. యజమాని మనసులోని కుట్రను గ్రహించలేని సోము, కేవలం ప్రశ్నలే కదా అని సరేనంటూ ఒప్పుకున్నాడు.

ఆ నెలంతా సోము విశ్రాంతి లేకుండా, రెక్కలు ముక్కలయ్యేలా కష్టపడి పనిచేశాడు. నెల ముగిసిన రోజు సాయంత్రం సుబ్బయ్య అతడిని తన దగ్గరకు పిలిచాడు. "సోమూ! నీ జీతం లెక్క తేల్చే సమయం వచ్చింది. నేను అడిగే నాలుగు ప్రశ్నలకు సరైన జవాబులు చెప్పి నీ డబ్బు తీసుకో" అన్నాడు. ఇద్దరూ ఇంటి ఆవరణలో వేసిన వెచ్చని మంట దగ్గర కూర్చున్నారు.

అక్కడికి కొద్ది దూరంలోనే ఒక మార్జాలం (పిల్లి) వెచ్చదనం కోసం ముడుచుకుని పడుకుని ఉంది. సుబ్బయ్య దాన్ని వేలితో చూపిస్తూ, "అక్కడ ఉన్నదేమిటి?" అని మొదటి ప్రశ్న వేశాడు.

"అది పిల్లి కదా దొరా!" అన్నాడు సోము.

వెంటనే సుబ్బయ్య నవ్వుతూ, "తప్పు చెప్పావు.. దాన్ని ఆవు అనాలి" అని తన ఇష్టమొచ్చినట్లు సమాధానం చెప్పాడు.

ఆ తర్వాత తన ముందు మండుతున్న కట్టెల నిప్పును చూపిస్తూ, "ఇదేమిటి?" అని రెండో ప్రశ్న అడిగాడు.

"నిప్పు అయ్యా!" అని బదులిచ్చాడు సోము.

"మళ్లీ తప్పు.. దీన్ని కారం అనాలి" అన్నాడు సుబ్బయ్య.

ఆపైన పక్కనే ఉన్న మట్టి బిందెను చూపిస్తూ, "అది ఏమిటో చెప్పు?" అన్నాడు.

"నీళ్ల బిందె కదయ్యా!" అన్నాడు సోము.

"ఇది కూడా తప్పే.. దాన్ని నది అని పిలవాలి" అంటూ లోలోపలే మురిసిపోయాడు సుబ్బయ్య.

చివరిగా తల పైకెత్తి ఇంటి పైకప్పు వైపు చూస్తూ, "పైన ఉన్నదేంటి?" అని నాలుగో ప్రశ్న వేశాడు.

"ఇంటి కప్పు అయ్యా!" అన్నాడతను.

"అన్నీ తప్పులే చెబుతున్నావు.. దాన్ని ఆకాశం అనాలి" అంటూ సుబ్బయ్య లేచి నిలబడ్డాడు.

నివ్వెరపోయిన సోము, "అయ్యా! మరి నా నెల జీతం సంగతి?" అని అడిగాడు.

అందుకు సుబ్బయ్య వెటకారంగా, "ముందే ఒప్పందం చేసుకున్నాం కదా! నా ప్రశ్నలకు సరైన సమాధానాలు చెబితేనే జీతమిస్తానని. ఈ నెల ఎలాగూ నువ్వు ఓడిపోయావు కాబట్టి డబ్బులు రావు. నీకు ఇష్టమైతే ఇదే నిబంధనతో మరో నెల పని చేసి అదృష్టం పరీక్షించుకో" అని చెప్పి అక్కడి నుండి తోటకు వెళ్లిపోయాడు.

అవమానంతో రగిలిపోయిన సోము, "అలాగే అయ్యా! మీ భాషలోనే మీ ప్రశ్నలకు సరైన సమాధానం చెప్పాకే ఇక్కడి నుండి కదులుతాను" అని మనసులో నిశ్చయించుకున్నాడు.

సుబ్బయ్య తోటకు వెళ్లగానే, సోము ఆ పిల్లి తోకకు నూనెలో ముంచిన పాత గుడ్డను కట్టి, దానికి నిప్పు అంటించి పశువుల పాక పైకప్పు మీదకు వదిలాడు. ఎండు గడ్డితో కప్పిన పాక కావడంతో క్షణాల్లో మంటలు అంటుకుని పైకప్పు అంతా వ్యాపించాయి. అప్పుడు సోము ఆ మట్టి బిందెలోని నీటిని తన దోసిలితో నోట్లో పోసుకుని, మంటల వైపు ఊదడం మొదలుపెట్టాడు.

పెద్ద ఎత్తున లేస్తున్న మంటలను చూసి భయంతో పరుగున వచ్చిన సుబ్బయ్య భార్య, "ఏం చేస్తున్నావు పిచ్చివాడా! నోటితో నీళ్లు ఊస్తే ఇంత పెద్ద మంటలు ఆరుతాయా? వెంటనే తోటలోకి పరుగెత్తి మీ అయ్యగారిని పిలుచుకురా" అని అరిచింది.

సోము పరుగుపరుగున తోటలోకి వెళ్లి సుబ్బయ్య ముందు నిలబడి, "దొరా! ఒక ఘోరం జరిగిపోయింది. మన ఆవు కారాన్ని తీసుకుని ఆకాశం పైకి ఎక్కింది. దాంతో ఆకాశం మొత్తం కారం మయమైంది. నదిలో ఉన్న నీళ్లన్నీ తెచ్చి పోసినా ఏమీ లాభం లేకపోయింది. ఇక నేను సెలవు తీసుకుంటున్నాను" అని చెప్పి తన ఊరి దారి పట్టాడు.

సోము చెప్పిన వింత మాటలకు అర్థం తెలియక సుబ్బయ్య అయోమయంతో తోటలోనే ఉండిపోయాడు. సాయంత్రం ఇంటికి తిరిగి వచ్చాక, కాలి బూడిదైన పశువుల పాకను చూసి అసలు విషయం గ్రహించి తల బాదుకున్నాడు. అందుకే కష్టపడి పనిచేసే వారి శ్రమను దోచుకోవాలని, అబద్ధాలతో ఇతరులను మోసం చేయాలని చూస్తే, ఆ మోసమే తిరిగి మనకు భారీ నష్టాన్ని మిగులుస్తుంది.

ఆఫీసులు ఖాళీ.. బడులకు తాళాలు.. సామూహిక సెలవులో లక్షన్నర మంది ఉద్యోగులు..!!

 

చదువే తలరాతను మార్చే ఆయుధం.. విద్యార్థులు తప్పక తెలుసుకోవాల్సిన కీలక విషయాలు!

 

మళ్లీ పతనమైన బంగారం ధర.. తులం 10 గ్రాముల పసిడి ధర ఎంతంటే..?

Add Zee News as a Preferred Source
TAGS:
Moral Stories
Motivational Stories
Telugu News