• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Telugu
  • వార్తలు
  • ఫోటోలు
  • వీడియోలు
  • ఆంధ్రప్రదేశ్

  • తెలంగాణ

Add Zee Business As A Preferred Source
App
  • Live TV
  • ఆంధ్రప్రదేశ్
  • తెలంగాణ
  • జాతీయం
  • అంతర్జాతీయం
  • క్రీడలు
  • వినోదం
  • జీవనశైలి
  • ఆధ్యాత్మికం
  • జీ తెలుగు న్యూస్
  • /లైఫ్‌స్టైల్
  • /Pesara Kattu Recipe: పెసర కట్టు ఇలా చేసుకోండి.. రుచితో పాటు కడుపుకు హాయినిచ్చే సంప్రదాయ వంటకం

Pesara Kattu Recipe: పెసర కట్టు ఇలా చేసుకోండి.. రుచితో పాటు కడుపుకు హాయినిచ్చే సంప్రదాయ వంటకం

Pesara Kattu Recipe: పెసరపప్పుతో చేసే పెసర కట్టు ఎంతో రుచిగా ఉండటమే కాకుండా తయారు చేయడం కూడా చాలా సులభం. ఆంధ్ర స్టైల్‌లో అల్లం, వెల్లుల్లి, ఆవాలు, జీలకర్రతో తాలింపు పెట్టి చేసుకునే ఈ సంప్రదాయ వంటకాన్ని వేడి అన్నంలో నెయ్యితో కలిపి తింటే అదిరిపోతుంది.

Written ByVishnu Priya
Published: Sep 29, 2026, 11:08 IST|Updated: Sep 29, 2026, 11:15 IST
joinshare
Pesara Kattu Recipe: పెసర కట్టు ఇలా చేసుకోండి.. రుచితో పాటు కడుపుకు హాయినిచ్చే సంప్రదాయ వంటకం

About the Author

Vishnu Priya

Vishnu Priya

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.  
Read More

ట్రెండింగ్

  • వార్తలు
  • ఫోటోలు
  • వీడియోలు
పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

పాలకుడి ముఖం మారితే.. అధికార స్వభావం మారుతుందా..? సోషల్ మీడియాలో పోస్ట్ వైరల్..!

2

బయట ఫుడ్ తినకపోయినా ఫ్యాటీ లివర్ వస్తోందా? ఇంట్లో చేసే ఈ 5 పొరపాట్లే అసలు కారణమా?

3

Congress: సంక్రాంతి తర్వాత 'ప్రజా బలం' చేపడతాం.. నాయకులు గ్రామాలకు వెళ్లండి: రేవంత్‌ రెడ్డి

4

Revanth Reddy: 'ఎమ్మెల్యేలు అనిరుధ్, రాజగోపాల్ రెడ్డిలను ఈసారి క్షమించేద్దాం: రేవంత్ రెడ్డి

5

Kishan Reddy: రెబల్ స్టార్ ప్రభాస్‌తో భేటీ అయిన కేంద్ర మంత్రి కిషన్ రెడ్డి.. అసలు కారణం ఏమిటంటే..?..

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

Pesara Kattu Recipe: మన తెలుగు ఇళ్లలో తరతరాలుగా చేసుకుంటున్న సంప్రదాయ వంటల్లో పెసర కట్టు కూడా ఒకటి. ముఖ్యంగా ఎండలు ఎక్కువగా ఉన్న సమయంలో శరీరానికి చలువగా ఉండే ఆహారం తీసుకోవాలని పెద్దలు చెబుతుంటారు. అలాంటి సమయంలో పెసర కట్టు మంచి ఎంపికగా ఉంటుంది. ఇది రుచిగా ఉండటంతో పాటు తయారు చేయడం కూడా చాలా సులభం.

పెసర కట్టు, పెసరపప్పు చారు ఒకటే అని చాలామంది అనుకుంటారు. కానీ రెండింటి తయారీ విధానంలో తేడా ఉంటుంది. సాధారణంగా పెసరపప్పు చారులో చింతపండు లేదా ఇతర రసం పదార్థాలు ఉపయోగిస్తారు. పెసర కట్టులో మాత్రం చింతపండు వేయరు. పెసరపప్పును మెత్తగా ఉడికించి, అందులో తాలింపు కలిపి తయారు చేస్తారు.

కావాల్సిన పదార్థాలు

పెసర కట్టు తయారు చేసుకోవడానికి ఒక చిన్న కప్పు పెసరపప్పు తీసుకోవాలి. అలాగే ఒక ఇంచు అల్లం, కొద్దిగా పసుపు, రుచికి సరిపడా ఉప్పు అవసరం. తాలింపు కోసం ఒకటి లేదా రెండు చెంచాల నూనె, వెల్లుల్లి రెబ్బలు, అర చెంచా జీలకర్ర, అర చెంచా ఆవాలు, ఎండుమిర్చి, కరివేపాకు తీసుకోవాలి. పులుపు ఇష్టపడేవారు చివర్లో కొద్దిగా నిమ్మరసం కూడా కలుపుకోవచ్చు.

తయారీ విధానం

ముందుగా పెసరపప్పును నీటితో బాగా కడిగి కుక్కర్‌లో వేయాలి. అందులో ఒక పెద్ద గ్లాసు నీరు, తరిగిన అల్లం, పసుపు వేసి ఉడికించాలి. కుక్కర్‌లో నాలుగు నుంచి ఐదు విజిల్స్ వచ్చే వరకు ఉడికిస్తే పప్పు బాగా మెత్తగా అవుతుంది.

ఆవిరి పూర్తిగా వెళ్లిన తర్వాత కుక్కర్ తెరిచి పప్పును గరిటెతో మెత్తగా చేసుకోవాలి. ఇప్పుడు మరో గ్లాసు నీరు, ఉప్పు వేసి బాగా కలపాలి. మీడియం మంటపై సుమారు ఐదు నిమిషాలు మరిగించాలి. ఇది మరీ చిక్కగా లేదా నీళ్లలా పల్చగా కాకుండా మధ్యస్థంగా ఉండేలా చూసుకోవాలి.

తర్వాత చిన్న పాన్‌లో నూనె వేడి చేసి వెల్లుల్లి వేయాలి. వెల్లుల్లి కొద్దిగా వేగిన తర్వాత ఆవాలు, జీలకర్ర, ఎండుమిర్చి, కరివేపాకు వేసి తాలింపు సిద్ధం చేసుకోవాలి. ఈ తాలింపును పెసర కట్టులో వేసి మరో నిమిషం మరిగించి స్టవ్ ఆఫ్ చేయాలి.

కాస్త గోరువెచ్చగా అయిన తర్వాత నిమ్మరసం కలుపుకోవచ్చు. వేడి అన్నంలో నెయ్యి వేసుకుని ఈ పెసర కట్టుతో తింటే రుచి అదిరిపోతుంది. వడియాలు లేదా చల్లమిరపకాయలతో కలిపి తింటే మరింత రుచిగా ఉంటుంది.

Read More: పరగడుపున నానబెట్టిన అంజీర్ తింటున్నారా? మీ శరీరంలో జరిగే ఊహించని మార్పులు ఇవే!

Read More: మొలకెత్తిన మెంతులు.. ఆరోగ్యానికి అమృతంతో సమానం.. ఇవి తెలిస్తే ఒక్క గింజ కూడా వదలరు!

Add Zee News as a Preferred Source
TAGS:
Health
Telugu News