బరువు తగ్గాలనుకుంటున్నారా?.. సాయంత్రం ఆకలేస్తే తినే 10 'జీరో గిల్ట్' హెల్తీ స్నాక్స్ ఇవే!

Weight loss snacks: బరువు తగ్గేందుకు ప్రయత్నిస్తున్న  చాలా మంది చేసే మొదటి పని స్నాక్స్ కు దూరంగా ఉంటారు. బరువు తగ్గాలంటే స్నాక్స్ కు పూర్తిగా దూరంగా ఉండాల్సిన అవసరం లేదంటున్నారు పోషకాహార నిపుణులు. భోజనానికి మధ్య ఎక్కువ సమయం గ్యాప్ ఉన్నట్లయితే.. అది తీవ్రమైన ఆకలికి దారితీస్తుంది. దీంతో తర్వాతి భోజనంలో కంట్రోల్ తప్పి అతిగా తినే ప్రమాదం ఉంటుంది. ఫలితంగా ఇది బరువు పెరిగేందుకు కారణం అవుతుంది. అందుకే ఆకలిని అదుపులో ఉంచుకుంటూనే.. శరీరానికి అవసరమైన పోషకాలు అందిస్తూ.. బరువు తగ్గేందుకు సహాయపడే సరైన స్నాక్స్ ను ఎంచుకోవడం ముఖ్యం. బరువు తగ్గే క్రమంలో ఆకలిని కంట్రోల్ చేసేందుకు సహాయపడే పది రకాల హెల్తీ స్నాక్స్  గురించి తెలుసుకుందాం.

1. మిక్స్‌డ్ నట్స్: బాదం, వాల్‌నట్స్ వంటి నట్స్‌లో పోషకాలు పుష్కలంగా ఉంటాయి. అనుకోకుండా వీటిని ఎక్కువగా తినే ప్రమాదం ఉంటుంది. కాబట్టి మొదట కొద్దికొద్దిగా తినే అలవాటు చేసుకోవాలి.  

2. డార్క్ చాక్లెట్: మీకు స్వీట్ తినాలనిపించినప్పుడు.. డార్క్ చాక్లెట్ తినడం బెటర్. అయితే దీన్ని రెండు పీసుల కంటే ఎక్కువగా తినకూడదని నిపుణులు సూచిస్తున్నారు.

3. పీనట్ బటర్: పీనట్ బటర్‌లో ఆరోగ్యకరమైన కొవ్వులు ఉంటాయి. అయితే ఇందులో కేలరీలు ఎక్కువగా ఉంటాయి. మరీ ఎక్కువ తినకుండా  జాగ్రత్తలు తీసుకోవాలి.

4. ప్రోటీన్ బార్: మీరు పనిలో బిజీగా ఉన్నప్పుడు లేదా బయటకు వెళ్తున్నప్పుడు ప్రోటీన్ బార్‌లు ఒక బెస్ట్ ఆప్షన్ అని చెప్పాలి. కొనుగోలు చేసే ముందు మీరు లేబుల్‌ను చెక్ చేయాలి. మీరు అదనంగా చేర్చిన చక్కెర పరిమాణాన్ని చెక్ చేయాలి.

5. పుచ్చకాయ: వేసవిలో పుచ్చకాయ ఒక మంచి, సేద తీర్చే చిరుతిండి. ఇందులో నీటి శాతం ఎక్కువగా ఉండి, శరీరాన్ని హైడ్రేటెడ్‌గా ఉంచుతుంది. అయితే, ఇది మిమ్మల్ని ఎక్కువ సేపు కడుపు నిండినట్లుగా ఉంచకపోవచ్చు.

6. వేయించిన పనీర్ కెచప్: మిమ్మల్ని కొంతసేపు కడుపు నిండుగా ఉంచే స్నాక్ కావాలంటే, మీరు పనీర్ కెచప్‌ను తేలికగా వేయించుకోవచ్చు. ఆకలిని నియంత్రించడంలో పనీర్ చాలా ఉపయోగకరంగా ఉంటుందని నిపుణులు చెబుతున్నారు. అయితే అధిక మోతాదులో తినకుండా చూసుకోవాలి.

7. కూరగాయలు... శనగల పేస్ట్: దోసకాయ, క్యారెట్ వంటి కూరగాయల ముక్కలను శనగల పేస్ట్ (హుమ్మస్)తో కలిపి తినవచ్చు. దీనివల్ల మీకు కూరగాయల నుండి ఫైబర్, శనగల పేస్ట్ నుండి ప్రొటీన్,ఆరోగ్యకరమైన కొవ్వులు లభిస్తాయి. ఈ తేలికపాటి స్నాక్ కొంతసేపు ఆకలిని అదుపులో ఉంచడానికి సహాయపడుతుంది.

8. మర్మరా చాట్: మర్మరాతో చేసిన చాట్‌ను ఎక్కువ కేలరీలు చేరకుండానే అధిక పరిమాణంలో తినవచ్చని చెబుతున్నారు. దీనికి కూరగాయలు కలపడం వల్ల ఇది మరింత పోషకమైనదిగా మారుతుంది.

9. కాల్చిన చిలగడదుంప: చిలగడదుంపలలో కార్బోహైడ్రేట్లు ఉంటాయి. మీకు తీపి తినాలని అనిపించినప్పుడు..  ఇవి మంచి ప్రత్యామ్నాయంగా ఉంటాయని నిపుణులు సూచిస్తున్నారు.

10.  ఈ జాబితాలో మసాలా మజ్జిగ ఉంది. దీనిలోని ప్రొటీన్ మిమ్మల్ని ఎక్కువ సేపు కడుపు నిండుగా ఉంచుతుందని నిపుణులు చెబుతున్నారు.