Pulivendula: జగన్ కంచుకోటలో టీడీపీ ప్రభంజనం.. చొక్కా మడతెట్టి ఖంగుతిన్న వైసీపీ అధినేత..
AP Local body Poll Results: ఏపీ రాజకీయాల్లో మరో సంచలన పరిణామం చోటు చేసుకుంది. మాజీ సీఎం జగన్ అడ్డాలో టీడీపీ విజయ కేతనం ఎగురవేసింది.
Big shock to ys Jagan in pulivendula local body polls: ఆంధ్ర ప్రదేశ్ లో ఇటీవల జరిగిన స్థానిక సంస్థలు ఏపీ రాజకీయాల్లో సంచలనంగా మారాయి. ముఖ్యంగా కూటమి వర్సెస్ వైసీపీ మధ్య సవాళ్లు, ప్రతిసవాళ్లతో ఈ ఎన్నికలు మరింత కాకరేపాయని చెప్పుకొవచ్చు. ఎన్నికల్లో పలుచోట్ల హింసాత్మక ఘటనలు జరిగాయి. ఈ క్రమంలో తమ డెవలప్ మెంట్ ను చూసి ఓటు వేయాలని ఏపీ సీఎం చంద్రబాబు పిలుపునిచ్చారు. మరోవైపు పులివెందులలో స్థానిక సంస్థల ఎన్నికలు ఒక రెంజ్ లో హీట్ ను పుట్టించాయి. ఓటింగ్ రోజు కూడా అనేక చోట్ల హింసాత్మక ఘటనలు జరిగాయి. అయితే పులివెందులలోని ఘటనల నేపథ్యంలో ఈసీ రీపోలింగ్ నిర్వహించింది.
ఈ రోజు పులివెందులలో జరిగిన ఎన్నికల ఓట్ల లెక్కింపు జరిగింది. దీనిలో టీడీపీ అభ్యర్థి వైసీపీపై ఘన విజయం సాధించింది. టీడీపీ అభ్యర్థి గీతా కుమారి తన సమీప వైసీపీ అభ్యర్థి ప్రమీలమ్మపై 13వేలకు పైగా ఓట్ల తేడాతో గెలుపొందారు.
అంతే కాకుండా.. మొత్తం 40 వార్డుల్లో వైసీపీ కేవలం మూడు చోట్లే గెలవగా మిగతా వార్డుల్లో కూటమి విజయఢంకా మోగించింది. మరోవైపు షర్ట్ మడతెట్టిన చోటే టీడీపీ ప్రభంజనం సృష్టించడం ఏపీ రాజకీయాల్లో హట్ టాపిక్ గా మారింది.
మరోవైపు పులివెందులలో ఎన్నికల ప్రక్రియ సజావుగా జరగలేదనే కారణంతో వైఎస్ జగన్ తన ఓటు హక్కును కూడా ఉపయోగించుకోలేదన్న విషయం తెలిసిందే. మొత్తంగా 40 వార్డులకు పోలింగ్ జరగ్గా, 34 టీడీపీ, 2 బీజేపీ, 3 వైసీపీ,1 జనసేన గెలుపొందాయి. మరోవైపు నామినేషన్ల ప్రక్రియలోనే టీడీపీ 20 స్థానాల్ని ఏకగ్రీవంగా కైవసం చేసుకున్న విషయం తెలిసిందే.
