Tirupati: తిరుపతి జిల్లాలో చెడ్డీ గ్యాంగ్ కలకలం.. స్థానికుల భయాందోళనలు..

Cheddi gang hulchul in tiruchanur area Tirupati: రెండు తెలుగు రాష్ట్రాల్లో మరోసారి చెడ్డీ గ్యాంగ్ రాత్రి పూటచోరీలకు పాల్పడుతున్నారు. గత కొన్ని రోజులుగా పలు జిల్లాలలో చెడ్డీ గ్యాంగ్ చోరీలు వార్తలలో ఉంటున్నాయి. దీంతో పోలీసులు ప్రత్యేకంగా సూచనలు చేస్తున్నారు.  రాత్రి పూట ఇళ్ల బైట పడుకొవద్దని, ఇంటికి తాళాలు వేసి వెళ్లినప్పుడు బంగారం మొదలైనవాటి పట్ల జాగ్రత్తలు తీసుకొవాలని సూచిస్తున్నారు. 

అయితే.. ఏపీలోని ఆధ్యాత్మిక నగరమైన తిరుపతి జిల్లాలో చెడ్డీ గ్యాంగ్ సంచారం స్థానికులకు భయాందోళనలు   కల్గించేదిగా మారింది. ముఖ్యంగా  తిరుచానూరు పంచాయతీ పరిధిలోని కొత్తపాలెంలో అర్ధరాత్రి చెడ్డీ గ్యాంగ్ కదలికలు రికార్డు అయ్యాయి. దీంతో ప్రజలు వెంటనే సీసీ ఫుటేజీలో రికార్డు అయిన  కదలికలను గమనించి పోలీసులకు సమాచారం అందించారు. దీంతో పోలీసులు రంగంలోకి దిగి విచారణ చేపట్టారు. 

రాత్రి పూటగస్తీని ముమ్మరం చేశారు. ఇప్పటికే నాలుగు రోజుల క్రితం హైదరాబాద్‌లో, రెండు రోజుల క్రితం అనంతపురం జిల్లా ధర్మవరంలో కూడా చెడ్డీ గ్యాంగ్ రాత్రి పూట సంచారం చేసిన వీడియోలు వెలుగులోకి వచ్చాయి.

 తాజాగా తిరుచానూరు పరిధిలోనూ అనుమానాస్పద సంచారం కనిపించడంతో తిరుపతి పోలీసులు అప్రమత్తమయ్యారు. ముఖ్యంగా రాత్రి పూట గుంపులుగా బైటకు వెళ్లాలని, అనుమానస్పద వ్యక్తులు, కదలికలను గమనిస్తే వెంటనే 112 కు కాల్ చేసి పోలీసులకు సమాచారం ఇవ్వాలని కోరారు. వీధుల్లో, ఇంటి చుట్టు సీసీకెమెరాలను ఏర్పాటు చేసుకొవాలని తిరుపతి పోలీసులు సూచించారు.