Chittoor: చిత్తూరులో అమానవీయం.. కూతురి నగ్న ఫోటోలు వైరల్ చేస్తానని అల్లుడి వేధింపులు.. వెలుగులోకి షాకింగ్ ఘటన..

Son in law threatening to mother in law in chittoor: ఆంధ్ర ప్రదేశ్ లోని చిత్తూరు జిల్లాలో దారుణ ఘటన వెలుగులోకి వచ్చింది. పుంగనూరు సమీపంలోని కొత్తపల్లికి చెందిన బిరుదాల ఈశ్వ‌ర్‌రెడ్డి (35) తుమ్మలగుంటలో నివసిస్తున్నాడు. ఇంట్లో గొడవలతో తన భార్యతో విడిపోయాడు.ఆ తర్వాత  రామానుజపల్లికి చెందిన కిన్నెర్లను రెండో పెళ్లి చేసుకున్నాడు. 

కిన్నెర సైతం మొదటి భర్తతో విడిపోయి త‌న‌ కుమార్తె (17)ను తీసుకొని వ‌చ్చి ఈశ్వ‌ర్‌రెడ్డితో క‌లిసి  ఉంటుంది. అయితే.. ఈశ్వర్ రెడ్డి కిన్నెరకూతురిపై కన్నేసి ఆమెపై అత్యాచారంకు పాల్పడ్డాడు. ఆ తర్వాత భార్య కిన్నెర ఫిర్యాదు మేరకు పోలీసులు పోక్సో కేసు నమోదు చేశారు. 

బెయిల్ పైన బైటకు వచ్చి తన భార్యతో పాటు అత్తపై దాడి చేశాడు. దీంతో అత‌డిపై మ‌రో కేసు న‌మోద‌యింది.  దీంతో కమలమ్మ కూతురిని దుబాయ్ కు పంపించివేసి తన మనవరాలితో ఉంటుంది. మరల బెయిల్ పైన బైటకు వచ్చిన ఈశ్వర్ రెడ్డి మరల అత్త వద్దకు వచ్చి తన భార్యను పిలిపించాలని చెప్పాడు. 

లేకుంటే.. కిన్నెర కూతురి మార్ఫింగ్ ఫోటోలు నెట్ లో పెడతానని బెదిరింపులకు దిగాడు. దీంతో క‌మ‌ల‌మ్మ మరోసారి ఫిర్యాదుతో పోలీసులు నిందితుడిపై ఫోక్సో న‌మోదు చేసి అరెస్ట్ చేసి విచారణ చేప‌ట్టారు.