కుప్పకూలిన బంగారం, వెండి ధరలు.. నేటి ధరలు ఎలా ఉన్నాయంటే..?
Gold Rate: బంగారం, వెండి కొనాలనుకునేవారికి బిగ్ గుడ్ న్యూస్. గత కొంత కాలంగా భారీగా తగ్గుతున్న బంహగారం ధర తాజాగా మరోసారి భారీగా పతనం అయ్యింది. హైదరాబాద్ బులియన్ మార్కెట్లో బంగారం ధరలు 24 క్యారెట్ల 10 గ్రాముల బంగారం ధర ఏకంగా రూ. 5,120 తగ్గింది.
Gold Rate: బంగారం, వెండి కొనాలనుకునేవారికి బిగ్ గుడ్ న్యూస్. గత కొంత కాలంగా భారీగా తగ్గుతున్న బంహగారం ధర తాజాగా మరోసారి భారీగా పతనం అయ్యింది. హైదరాబాద్ బులియన్ మార్కెట్లో బంగారం ధరలు 24 క్యారెట్ల 10 గ్రాముల బంగారం ధర ఏకంగా రూ. 5,120 తగ్గింది. దీంతో రూ. 1, 25, 570కి చేరుకుంది. 22 క్యారెట్ల పది గ్రాముల బంగారం ధర రూ. 4,700 తగ్గింది. దీంతో 22 క్యారెట్ల 10 గ్రాముల బంగారం ధర రూ. 1, 15, 100 వద్ద ట్రేడ్ అవుతోంది. అటు కిలో వెండి ధర రూ. 5000 మేర పడిపోయింది. దీంతో కిలో వెండి ధర రూ. 1,75,000 పలుకుతోంది. ప్రాంతాలను బట్టి ధరల్లో స్వల్ప మార్పు ఉండే అవకాశం ఉంటుంది. ఈ ధరపై 3శాతం జీఎస్టీ కూడా ఉంటుంది. మేకింగ్ ఛార్జీలు, తరుగు ఇతర ఖర్చులు కూడా ఉంటాయి.
బంగారం ధరలు తగ్గడానికి ముఖ్య కారణంగా అంతర్జాతీయ మార్కెట్లో చోటుచేసుకుంటున్న పరిణామాలే కారణమని మార్కెట్ విశ్లేషకులు విశ్లేషిస్తున్నారు. 15 రోజుల వ్యవధిలో దాదాపు 17వేల వరకు తగ్గడం గమనార్హం. పెళ్లిళ్లు ఇతర శుభకార్యాల కోసం ఆభరణాలు కొనాలనుకునేవారు ఈ తగ్గుదాలపై మరింత ఆసక్తి చూపిస్తారు.
అయితే.. ప్రపంచవ్యాప్తంగా ఉన్న కేంద్ర బ్యాంకులు బంగారాన్ని కొనుగోలు చేస్తున్నాయి. భౌగోళిక రాజకీయ ఉద్రిక్తతలు కొనసాగుతున్నాయి. వెండి మార్కెట్ వరుసగా 6వ సంవత్సరం కూడా సరఫరా కొరతను ఎదుర్కొంటోంది. మరి, బంగారం, వెండికి బలమైన మౌలిక అంశాలు ఉన్నప్పటికీ ధరలు ఎందుకు ఇంత వేగంగా పడిపోతున్నాయి? బుల్లిష్ మార్కెట్ సంకేతాల కంటే పెద్ద పాత్ర పోషించే ఇతర అంశాలు ఉన్నాయి.
ప్రస్తుతం బంగారం, వెండి ధరలపై అతిపెద్ద ప్రభావం చూపుతున్నది యూఎస్ ఫెడరల్ రిజర్వ్ ద్రవ్య విధానంపై మారుతున్న అంచనాలే. గతంలో, యూఎస్ వడ్డీ రేట్లు తగ్గుతాయని మార్కెట్ అంచనా వేసింది. ఒకవేళ అలా జరిగి ఉంటే, బంగారం వంటి వడ్డీ లేని ఆస్తులలో పెట్టుబడి పెరిగి ఉండేది. అయితే, యూఎస్ ద్రవ్యోల్బణంపై ఆందోళనలు, ఫెడరల్ రిజర్వ్ అధికారుల కఠినమైన వ్యాఖ్యలు మార్కెట్ దృక్పథాన్ని మార్చేశాయి. నవంబర్లో యూఎస్ ఫెడరల్ రిజర్వ్ అధికారుల వ్యాఖ్యల తర్వాత, డిసెంబర్లో వడ్డీ రేట్ల పెంపునకు అవకాశం బలపడింది. వడ్డీ రేట్లలో 25 బేసిస్ పాయింట్ల పెరుగుదల సంభావ్యత దాదాపు 92శాతానికి చేరుకుంది. ఇది భారత మార్కెట్పై కూడా ప్రభావం చూపుతోంది. యూఎస్ వడ్డీ రేట్లు పెరుగుతాయని అంచనా వేసినప్పుడు, డాలర్-ఆధారిత యూఎస్ బాండ్లు పెట్టుబడిదారులకు మరింత ఆకర్షణీయంగా మారతాయి. ఇది బంగారం, వెండికి డిమాండ్ను తగ్గిస్తుంది.
అంతర్జాతీయ మార్కెట్లో బంగారం, వెండి అమెరికా డాలర్లలో వర్తకం చేస్తారు. డాలర్ బలపడే కొద్దీ, ఈ లోహాలను ఇతర కరెన్సీలలో కొనడం మరింత ఖరీదైనదిగా మారుతుంది. ఇది ప్రపంచవ్యాప్త డిమాండ్పై ఒత్తిడిని పెంచుతుంది. నవంబర్లో, డాలర్ సూచీ 19 నెలల గరిష్ఠ స్థాయికి చేరుకుంది. అదే సమయంలో, 10 సంవత్సరాల అమెరికా ట్రెజరీ బాండ్లపై రాబడి కూడా గణనీయంగా పెరిగింది. ఈ ప్రభావం వల్ల బంగారంలో పెట్టుబడి పెట్టే వారు లాభపడుతున్నారు.
Also Read: