కేంద్ర ప్రభుత్వ ఉద్యోగం మీ లక్ష్యమా? సుప్రీం కోర్టులో 250 జాబ్స్ భర్తీకి నోటిఫికేషన్ విడుదల!

కేంద్ర ప్రభుత్వ కొలువు కోసం ఎదురు చూస్తున్నారా? అయితే, దేశ అత్యున్నత న్యాయస్థానం సుప్రీం కోర్టు భారీ గుడ్‌న్యూస్‌ చెప్పింది. జూనియర్‌ కోర్టు అసిస్టెంట్‌ పోస్టులు మొత్తం 250 భర్తీ చేయనుంది. ఆసక్తి ఉన్న అభ్యర్థులు అధికారిక నోటిఫికేషన్‌ క్షుణ్నంగా చదువుకోవాలి. ఆ తర్వాత దరఖాస్తు చేసుకోవచ్చు. ఈ పోస్టులు గ్రూప్‌ బీ నాన్‌ గెజిటెడ్‌ కేటిగిరీ పే లెవల్‌ 6 ఆధారంగా జీతాలు ఉంటాయి.

సుప్రీం కోర్టు జేసీఏ రిక్రూట్మెంట్‌ 2026 అక్టోబర్‌ 7వ తేదీ నుంచి ఈ దరఖాస్తుల స్వీకరణ జరుగనుంది. అధికారిక వెబ్‌సైట్‌ www.sci.gov.in క్షుణ్నంగా చదివి దరఖాస్తు చేసుకోవచ్చు. ఈ పోస్టులకు ఎంపిక ప్రక్రియ అబ్జెక్టివ్‌ టెస్ట్, టైపింగ్‌ స్పీడ్‌, డిస్క్రీప్టివ్‌ రాత పరీక్ష, ఇంటర్వ్యూ ఆధారంగా ఎంపిక చేస్తారు.

సుప్రీం కోర్టు జూనియర్‌ కోర్టు అసిస్టెంట్‌ నోటిఫికేషన్‌ 2026..
సుప్రీం కోర్టు జూనియర్‌ కోర్టు అసిస్టెంట్‌ 250 ఖాళీలను భర్తీ చేయనున్నారు. ఎంపికైన అభ్యర్థులకు బేసిక్‌ పే రూ.35,400 నుంచి ప్రారంభ వేతనం లభిస్తుంది. ఇక ఎంపిక ప్రక్రియ అబ్జెక్టివ్‌ టైప్‌ టెస్ట్‌, టైపింగ్‌ టెస్ట్‌, డిస్క్రిప్టీవ్‌ రాత పరీక్ష, ఇంటర్వ్యూ ఆధారంగా ఎంపిక చేస్తారు.

ఆన్‌లైన్‌ అప్లికేషన్‌ 2026 అక్టోబర్‌ 7 నుంచి 28వ తేదీ వరకు దరఖాస్తు చేసుకోవచ్చు. అధికారిక నోటిఫికేషన్‌ అర్హత, పోస్టుల వివరాలు పొందుపరిచారు.

అర్హత వివరాలు..
ఈ పోస్టులకు దరఖాస్తు చేసుకునేవారు ఏదైనా గుర్తింపు పొందిన యూనివర్శిటీ నుంచి డిగ్రీ పట్టా పొంది ఉండాలి. కంప్యూటర్‌ పరిజ్ఞానం కలిగి ఉండాలి. టైపింగ్‌ స్పీడ్‌ నిమిషానికి 35 పదాలు టైప్‌ చేయాలి. వయస్సు సెప్టెంబర్‌ 1వ తేదీ నాటికి 18 ఏళ్ల నుంచి గరిష్టంగా 30 ఏళ్ల మధ్య ఉండాలి. ఇక ఎస్సీ, ఎస్టీ, ఓబీసీ వారికి ఏజ్‌ రిలాక్సేషన్‌  కూడా లభిస్తుంది.

సుప్రీం కోర్టు జూనియర్‌ అసిస్టెంట్‌ పోస్టులకు దరఖాస్తు చేయాలంటే కేవలం ఆన్‌లైన్‌లో మాత్రమే దరఖాస్తు చేసుకోవచ్చు. జనరల్‌, అన్‌రిజర్వ్‌డ్‌ రూ.1500, ఎస్సీ, ఎస్టీ, ఓబీసీ (నాన్‌ క్రిమీలేయర్‌), ఎక్స్‌ సర్వీస్‌మెన్‌, దివ్యాంగులకు రూ.750 చెల్లించాలి.