Actress Radha: ఏకంగా రూ. 46 కోట్ల చీటింగ్.. సొంత అక్క, తమ్ముడిపై ఫిర్యాదు చేసిన నటి రాధ..

Actress radha files police complaint against her sister and brother: తమిళ చిత్ర పరిశ్రమంలో షాకింగ్ ఘటన వెలుగులోకి వచ్చింది . నటీమణులు అంబికా, రాధ అక్కాచెల్లెళ్లు. వీరు 80వ దశకంలో తమిళ చిత్రసీమలో అనేక విజయవంతమైన చిత్రాలలో నటించి తమకంటూ మంచి ఫాలోవింగ్ సొంతం చేసుకున్నారు. అయితే.. నటి రాధ ఏకంగా తన అక్కా, సోదరుడిపై ఏకంగా రూ. 46 కోట్ల చెక్ మోసం అంశంలో చెన్నై పోలీసులకు ఫిర్యాదు చేయడం సంచలనంగా మారింది.

వేపెరిలోని చెన్నై పోలీస్ కమిషనర్ కార్యాలయంలోకి వెళ్లి రాధ స్వయంగా ఫిర్యాదును సమర్పించారు. ఫిర్యాదుదారు రాధ చెప్పిన దాని ప్రకారం, అక్కాచెల్లెళ్లు కలిసి నివసిస్తున్నప్పుడు రాధకు చెందిన ఐదు చెక్కులను అంబిక, వారి సోదరుడు దుర్వినియోగం చేశారని ఆరోపించారు.  

గతంలో తన వ్యాపారాల కోసం ఏఆర్ఎస్ గార్డెన్ స్టూడియో పేరుతో ఒక కరెంట్ అకౌంట్ ను నిర్వహిస్తున్నట్లు చెప్పారు. దాని కరెంట్ బిల్లులు, నిర్వహణ, ఇతర వాటి కోసం ముందుగానే కొన్నిచెక్ లపై సంతకాలు చేసి ఖాళీ చెక్కులను గదిలోపెట్టానని చెప్పారు. అయితే..తన బిజినెస్ పేరును ఆర్ ఆర్ గార్డెన్స్ గా మార్చి, కొత్త చెక్ బుక్ తీసుకున్నట్లు చెప్పారు. 

 పాత చెక్ వాడటం ఆపేశానని చెప్పారు. ఇటీవల సెప్టెంబర్ 17న తాను సంతకం చేసిన చెక్ నుంచి ఏకంగా రూ. 46కోట్లు డబ్బులు డ్రా అయిన విషయంను గుర్తించినట్లు చెప్పారు. అంత పెద్ద మొత్తంలో తన అక్కలేదా తమ్ముడితో తాను వ్యాపారం చేయలేదని, డబ్బులు కూడా ఇవ్వాల్సి లేదని నటి రాధ చెప్పుకొచ్చారు. 

Read more: Roja: హీరో వెంకటేష్‌తో నాకున్న గొడవ ఇదే.!. అసలు నిజం బైటపెట్టిన వైసీపీ ఫైర్ బ్రాండ్ రోజా..!

అంతే కాకుండా గతంలో తనకు కుటుంబం నుంచి న్యాయంగా దక్కాల్సిన డబ్బులు,బంగారం సైతం తనకు రాకుండా చేశారని నటి రాధ తన ఫిర్యాదులో పోలీసులకు వివరించారు. ఈ మేరకు కేసు నమోదు చేసుకున్న పోలీసులు విచారణ చేపట్టారు.  ఈ ఘటన తమిళ ఇండస్ట్రీలో సంచలనంగా మారింది.