Bigg Boss 10: ముకేశ్ చేయి పట్టుకుంటే ఆ ఫీలింగ్ వస్తుందట.. వర్షిణి షాకింగ్ కామెంట్స్!

Bigg Boss 10: త్రిగుణ్‌తో మాట్లాడుతున్న సమయంలో వర్షిణి తన చిన్ననాటి విషయాలను గుర్తు చేసుకుని భావోద్వేగానికి గురైంది. చిన్నప్పటి నుంచి తాను తన తల్లితోనే పెరిగానని చెప్పింది. తన జీవితంలో తండ్రి ప్రేమను పొందలేకపోయానని ఆమె బాధపడింది. తండ్రి చేయి పట్టుకుని నడిచిన జ్ఞాపకాలు కూడా తనకు లేవని చెప్పింది.

ఈ బాధ తనలో చాలా కాలంగా ఉందని వర్షిణి తెలిపింది. బిగ్‌బాస్ హౌస్‌లోకి వచ్చిన తర్వాత ఆ భావన మరింత ఎక్కువగా గుర్తుకు వస్తోందని చెప్పింది. ఈ కారణంగానే ముకేశ్‌తో తనకు ప్రత్యేకమైన అనుబంధం ఏర్పడిందని వివరించింది.

ముకేశ్ చేయి పట్టుకున్నప్పుడు తనలో ఉన్న భయం తగ్గినట్లు అనిపిస్తుందని వర్షిణి చెప్పింది. తాను మాట్లాడే విషయాలను ముకేశ్ ప్రశాంతంగా వింటాడని, అందుకే అతనితో తనకు మరింత సౌకర్యంగా అనిపిస్తుందని తెలిపింది. బయట నుంచి చూసేవారికి వీరిద్దరి మధ్య ఉన్న సాన్నిహిత్యం లవ్ ట్రాక్‌లా కనిపించవచ్చని కూడా ఆమె చెప్పింది. కానీ తనకు మాత్రం ఆ బంధం వెనుక వేరే భావన ఉందని స్పష్టం చేసింది.

ఇదిలా ఉంటే, హౌస్‌లో అపూర్వ గురించి దేబ్జానీ, వంశీ మధ్య చర్చ జరిగింది. అపూర్వ మాట్లాడే విధానం, బాడీ లాంగ్వేజ్‌ను దేబ్జానీ అనుకరిస్తూ సరదాగా సెటైర్లు వేసింది. హౌస్‌లో అందరికీ చిరాకు తెప్పించేలా ఒకరు ఉండటం సాధారణమేనని వంశీ అభిప్రాయపడ్డాడు.

మరోవైపు డేంజర్ జోన్‌లో  ఉన్న కంటెస్టెంట్ల కోసం బిగ్‌బాస్ ప్రత్యేక టాస్క్ నిర్వహించారు. ఇందులో జంటలుగా విడిపోయిన కంటెస్టెంట్లు పోటీ పడ్డారు. చరణ్, అపూర్వ ఈ టాస్క్‌ను ముందుగా పూర్తి చేసి మొదటి స్థానంలో నిలిచారు. అయితే రోహిత్, షాలిని చివరి స్థానంలో నిలవడం అందరినీ ఆశ్చర్యానికి గురిచేసింది. రోహిత్ గేమ్‌లో ఇది డౌన్‌ఫాల్‌కు సంకేతమా అనే చర్చ కూడా మొదలైంది.

Read More: Bigg Boss Telugu Wild Card Entry: ఈ వారం బిగ్‌బాస్‌లో డబుల్ ఎలిమినేషన్..హౌస్‌లోకి వైల్డ్ కార్డ్ ఎంట్రీలు..లిస్ట్ వచ్చేసింది!

Read More: బిగ్‌బాస్‌కు బిగ్ షాక్ .. నాగార్జునకు పోటీగా తేజ సజ్జ..