Bollywood Actor: డ్యాన్స్ ఫ్లోర్ నుంచి సినిమా తెర వరకు.. ఈ హిందీ నటుడి ప్రయాణం స్ఫూర్తిదాయకం!

Bollywood Actor: సుసోవన్ సోను రాయ్ హౌరాలో జన్మించారు. ఆయన బాల్యం కోల్‌కతా, గువాహటి ప్రాంతాల్లో గడిచింది. చిన్న వయసులోనే ప్రమాదంలో తండ్రిని కోల్పోవడంతో కుటుంబంలో ఎన్నో కష్టాలు ఎదురయ్యాయి. తల్లి సహాయంతో ఆయన జీవితంలో ముందుకు సాగారు. కష్టాలు ఎదురైనా తన లక్ష్యాన్ని మాత్రం వదులుకోలేదు. 2016లో డమ్ డమ్ మోతీజీల్ రవీంద్ర మహావిద్యాలయం నుంచి కామర్స్‌లో డిగ్రీ పూర్తి చేశారు.

డ్యాన్స్‌తో ప్రారంభమైన ప్రయాణం

సుసోవన్‌కు చిన్నప్పటి నుంచే డ్యాన్స్‌పై ఆసక్తి ఉండేది. దీంతో ఆయన ఒక డ్యాన్స్ ఇన్‌స్టిట్యూట్‌లో చేరి దాదాపు రెండేళ్ల పాటు వెస్ట్రన్ డ్యాన్స్ నేర్చుకున్నారు. ముఖ్యంగా పాప్ డ్యాన్స్‌పై ఎక్కువ ఆసక్తి చూపించారు. స్టేజ్ షోలు, సాంస్కృతిక కార్యక్రమాల్లో పాల్గొంటూ తన ప్రతిభను మెరుగుపరుచుకున్నారు.

ఆ తర్వాత నటనపై దృష్టి పెట్టిన ఆయన ముంబైలో అవకాశాల కోసం ప్రయత్నించారు. అనంతరం కోల్‌కతాకు తిరిగి వచ్చి నటనలో శిక్షణ పొందారు. 2016 నుంచి 2018 వరకు దర్శకుడు, నిర్మాత పిజుష్ సాహా నిర్మాణ సంస్థలో పనిచేస్తూ సినిమా పరిశ్రమ గురించి అనేక విషయాలు నేర్చుకున్నారు.



బుల్లితెరపై గుర్తింపు

2019లో 'ఆనందమయీ మా' అనే బెంగాలీ సీరియల్‌తో సుసోవన్ బుల్లితెరపై అడుగుపెట్టారు. ఇందులో వైష్ణవ భక్తుడి పాత్రలో కనిపించారు. ఆ తర్వాత 'మోహోర్', 'కొరాపాఖి', 'జమునా ధాకి', 'టిట్లీ', 'ఖేల్‌ఘర్' వంటి సీరియళ్లలో నటించారు. కొన్ని సీరియళ్లలో ప్రతినాయకుడి పాత్రల్లోనూ కనిపించి ప్రేక్షకులను ఆకట్టుకున్నారు.

మోడలింగ్, సినిమాల్లోనూ అడుగులు

కరోనా సమయంలో టెలివిజన్ షూటింగులు తగ్గడంతో ఆయన మోడలింగ్ వైపు అడుగులు వేశారు. 2023లో హాలిడే ఇన్ హోటల్, డాబర్, అమెజాన్, బిగ్ బజార్ వంటి ప్రముఖ బ్రాండ్ల ప్రకటనల్లో కనిపించారు. 2025లో కోల్‌కతాలో జరిగిన 'ఎథ్నిక్ ఎలిగెన్స్' అందాల పోటీల్లో ఫస్ట్ రన్నరప్‌గా నిలిచారు.

ఇక 'టేక్ కేర్ భలోబాషా' అనే బెంగాలీ సినిమాలో జాయ్ పాత్రలో నటించారు. ప్రస్తుతం సోషల్ మీడియాలోనూ అభిమానులతో టచ్‌లో ఉంటున్నారు. పట్టుదల, కృషితో విభిన్న రంగాల్లో తన ప్రయాణాన్ని కొనసాగిస్తున్న సుసోవన్, భవిష్యత్తులో మరిన్ని అవకాశాలను అందుకోవాలని ఆశిస్తున్నారు.

Read More: HBD Prabhas: ఇండియన్ బాక్సాఫీసు రారాజు రెబల్ స్టార్ ప్రభాస్.. 24 ఏళ్ల సినీ ప్రయాణం, అత్యధిక కలెక్షన్స్ రికార్డు!

Read More: HBD Prabhas: కొన్ని సార్లు కటౌట్ చూసి నమ్మేయాలి డ్యూడ్.. దటీజ్ ప్రభాస్..