Imran Khan Protest: ఆమిర్ ఖాన్ మేనల్లుడు ఇమ్రాన్ ఖాన్‌కు నోటీసులు..అక్టోబరు 28లోగా దేశం విడిచి వెళ్లాల్సిందే!

Imran Khan CJP Protest: ముంబైలోని ఆగస్ట్ క్రాంతి మైదాన్‌లో ఇటీవలే జరిగిన ప్రధాన ఎన్నికల కమిషనర్ జ్ఞానేష్ కుమార్‌కు వ్యతిరేకంగా నిరసన కార్యక్రమం జరిగింది.జ్ఞానేష్ కుమార్‌ తన పదవికి  రాజీనామా చేయాలని డిమాండ్ చేస్తూ గత శనివారం ముంబైలో నిరసన కార్యక్రమం జరిగింది. ఈ నిరసన కార్యక్రమలో బాలీవుడ్ హీరో అమిర్ ఖాన్ మేనల్లుడు అయిన ఇమ్రాన్ ఖాన్ పాల్గొన్నాడు.

సీఈసీకి వ్యతిరేకంగా జరిగిన నిరసన కార్యక్రమంలో నటుడు ఇమ్రాన్ ఖాన్‌తో పాటు ఆయన భార్య, నటి లేఖా వాషింగ్టన్, అతని కజిన్ సిస్టర్ జైన్ మేరీ ఖాన్ (అడివిశేష్ చిత్రం 'డెకాయిట్'లో నటి) కూడా పాల్గొన్న సంగతి తెలిసిందే. అయితే ఈ నిరసన కార్యక్రమంలో పాల్గొన్న కారణంగా ముంబై పోలీసులు ఈ ముగ్గుర్ని అదుపులోకి తీసుకున్నారు.

దేశం విడిచి వెళ్లాలని నోటీసు..
సీఈసీకి వ్యతిరేకంగా జరిగిన నిరసన కార్యక్రమంలో నటుడు ఇమ్రాన్ ఖాన్, లేఖా వాషింగ్టన్, జైన్ మేరీ ఖాన్‌ను అదుపులోకి తీసుకున్నా..తాజాగా మరోసారి నటుడు ఇమ్రాన్ ఖాన్ ఓ కీలక నోటీసు జారీ చేశారు. పోలీసులు అందించిన సమాచారం ప్రకారం.. ఇమ్రాన్ ఖాన్ అక్టోబర్ 28వ తేదీ లోగా భారత్‌ను విడిచి వెళ్లాలని ముంబై పోలీసులు ఆ నోటీసుల్లో పేర్కొన్నారు.

పౌరసత్వ వివాదం, ఇమ్మిగ్రేషన్ చర్యలు..
నటుడు ఇమ్రాన్ ఖాన్ భారత పౌరుడు కానప్పటికీ.. ఆయన అమెరికాలో జన్మించి అక్కడి పౌరసత్వం ఉన్నా.. భారతదేశంలో జరుగుతోన్న నిరసన కార్యక్రమంలో పాల్గొన్నారనే ఆరోపణల నేపథ్యంలో ఈ చర్యలకు పాల్పడ్డారు. విదేశీ పౌరుడై ఉండి భారత్‌ నిరసనలో పాల్గొన్నందున, ఇమ్మిగ్రేషన్ చట్టంలోని సంబంధిత నిబంధనల కింద ఆయనపై ముంబై పోలీసులు దేశం విడిచి వెళ్లాలని నోటీసులు జారీ చేసినట్లు తెలుస్తోంది.

అయితే, నటుడు ఇమ్రాన్ ఖాన్‌కు భారత పౌరసత్వం లేదనే వార్తలకు సంబంధించి స్వతంత్రంగా ఎలాంటి అధికారిక ధృవీకరణ లేదు. ఏది ఏమైనా ముంబై పోలీసులు జారీ చేసిన నోటీసుల ప్రకారం.. నటుడు ఇమ్రాన్ ఖాన్ అక్టోబర్ 28 లోగా దేశం విడిచి వెళ్లాల్సి ఉంది.