Jason Sanjay: ఆమెతో లవ్ బ్రేకప్…బయటపడిన విజయ్ కొడుకు జాసన్ సంజయ్ ప్రేమ కథ..!
Jason Sanjay: జాసన్ సంజయ్ దర్శకుడిగా తన తొలి అడుగు వేసిన ‘సిగ్మా’ ప్రస్తుతం వార్తల్లో నిలుస్తోంది. విజయ్ కుమారుడిగా ఇప్పటికే మంచి గుర్తింపు తెచ్చుకున్న ఆయన, ఈ సినిమాతో తనకంటూ ప్రత్యేక గుర్తింపు తెచ్చుకోవాలని ప్రయత్నిస్తున్నారు. సినిమా ప్రమోషన్స్‌లో భాగంగా సందీప్ కిషన్‌తో కలిసి ఓ ప్రత్యేక వ్లాగ్‌లో పాల్గొన్న జాసన్, తన వ్యక్తిగత జీవితం, కాలేజ్ రోజులు, సినిమాలపై తన ఆసక్తి, విదేశాల్లో ఫిల్మ్ మేకింగ్ చదివిన అనుభవం గురించి ఆసక్తికర విషయాలు పంచుకున్నారు.
Jason Sanjay: తమిళ స్టార్ హీరో విజయ్ కుమారుడు జాసన్ సంజయ్ ఇటీవల దర్శకుడిగా కోలీవుడ్‌లోకి అడుగుపెట్టాడు. సిగ్మా సినిమాతో ఆయన డైరెక్టర్‌గా తన కెరీర్‌ను ప్రారంభించాడు. ఈ సినిమా ప్రమోషన్స్‌లో భాగంగా జాసన్ సంజయ్ హీరో సందీప్ కిషన్‌తో కలిసి వి.జే. సిద్ధు వ్లాగ్‌లో పాల్గొన్నారు. ఈ సందర్భంగా తన వ్యక్తిగత జీవితానికి సంబంధించిన ఒక ఆసక్తికరమైన విషయాన్ని జాసన్ బయటపెట్టాడు.
వ్లాగ్‌లో జరిగిన రూఫ్‌టాప్ పార్టీ సందర్భంగా జాసన్ సంజయ్ తన కాలేజ్ ప్రేమ గురించి మాట్లాడాడు. తాను జీవితంలో ఒక్కసారి మాత్రమే ప్రేమలో పడ్డానని చెప్పాడు. అది తన కాలేజ్ రోజుల్లో జరిగిన ప్రేమ అని వెల్లడించాడు. ఆ సంబంధం సుమారు ఏడాదిన్నర పాటు కొనసాగిందని జాసన్ చెప్పాడు.
అయితే ఆ తర్వాత ఇద్దరూ విడిపోవాల్సి వచ్చిందట. తమ బ్రేకప్ విషయంలో ఎవరి తప్పు లేదని, ఇద్దరూ కలిసి మాట్లాడుకుని ఆ నిర్ణయం తీసుకున్నామని జాసన్ స్పష్టం చేశాడు. ముఖ్యంగా తాను విదేశాల్లో ఫిల్మ్ మేకింగ్ చదువుతున్న సమయంలో దూరం తమ మధ్య సమస్యగా మారిందని తెలిపాడు. లాంగ్ డిస్టెన్స్ రిలేషన్‌షిప్ వల్ల ఒంటరిగా అనిపించేదని జాసన్ చెప్పాడు. ఆ సమయంలో బ్రేకప్ బాధ నుంచి బయటపడేందుకు ప్రముఖ సంగీత దర్శకుడు యువన్ శంకర్ రాజా ప్రేమ పాటలు వినేవాడినని చెప్పాడు. ఈ విషయం తనకు సంగీతం ఎంత దగ్గరగా ఉందో కూడా తెలియజేస్తుంది.
బ్రేకప్ సమయంలో సోషల్ మీడియాలో కూడా యాక్టివ్‌గా ఉండాలని అనిపించలేదని జాసన్ తెలిపాడు. ముఖ్యంగా ఇన్‌స్టాగ్రామ్‌లో స్టోరీలు పెట్టడం కూడా కావాలని మానేశానని చెప్పాడు. తాము మళ్లీ కలిసినా, సోషల్ మీడియా పోస్టుల వల్ల పరిస్థితి మరింత క్లిష్టంగా మారకూడదనే ఉద్దేశంతో దూరం పాటించామని వివరించాడు. తన బ్రేకప్ జరిగి కొన్ని సంవత్సరాలు అవుతున్నాయని జాసన్ చెప్పాడు. ఇప్పుడు ఆ విషయం గురించి తాను పూర్తిగా ఓకే అని తెలిపాడు. ఇద్దరూ తమ జీవితాల్లో ముందుకు వెళ్లిపోయామని చెప్పాడు. ప్రేమ తర్వాత తన దృష్టి మొత్తం సినిమా తీయడంపైనే పెట్టానని వెల్లడించాడు.
జాసన్ సంజయ్ 2018 నుంచి 2020 వరకు కెనడాలోని టొరంటో ఫిల్మ్ స్కూల్‌లో చదువుకున్నాడు. ఆ తర్వాత 2020 నుంచి 2022 వరకు లండన్‌లోని సెంట్రల్ ఫిల్మ్ స్కూల్‌లో ఫిల్మ్ మేకింగ్ నేర్చుకున్నాడు. ఇక ఆయన దర్శకత్వం వహించిన సిగ్మా సినిమాలో సందీప్ కిషన్, ఫారియా అబ్దుల్లా, రాజు సుందరం తదితరులు నటించారు. లైకా ప్రొడక్షన్స్ నిర్మించిన ఈ సినిమా అక్టోబర్ 2న ప్రేక్షకుల ముందుకు వచ్చింది. విజయ్ చివరి సినిమాగా తెరకెక్కుతున్న జన నాయకన్తో క్లాష్ కాకుండా సిగ్మా విడుదల తేదీని మార్చారు. అయితే సినిమాకు ఆశించిన స్థాయిలో స్పందన రాలేదని తెలుస్తోంది.
