'ఓస్కార్ మిస్సింగ్' టైటిల్తోనే సినిమాపై అంచనాలు..
Oskar Missing Movie Opening: తెలుగు సినీ ఇండస్ట్రీ అనేది ఓ పుష్పక విమానం వంటిది. ఇక్కడ ఎంత మంది వచ్చినా కొత్తవాళ్లు వస్తూనే ఉంటారు. ఈ కోవలో అంతా కొత్త వాళ్లతో తెరకెక్కుతోన్న చిత్రం ‘ఓస్కార్ మిస్సింగ్’. టైటిల్తోనే సినిమాపై అంచనాలు పెంచేశారు మేకర్స్. తాజాగా ఈ సినిమా పూజా కార్యక్రమాలతో ఘనంగా ప్రారంభమైంది.
Oskar Missing Movie Pooja Ceremony: శ్రీమతి మాత రాజేశ్వరి సమర్పణలో భూమాత ఆర్ట్స్ బ్యానర్ట్ పై తెరకెక్కుతోన్న చిత్రం ‘ఓస్కార్ మిస్సింగ్’. తెలుగులో ఇప్పటి వరకు రానటువంటి డిఫరెంట్ కాన్సెప్ట్తో ఈ సినిమా రాబోతుంది. రీసెంట్గా ఈ సినిమా పూజా కార్యక్రమాలతో ఘనంగా ప్రారంభమైంది. పసుపులేటి రాదా క్రిష్ణ, శివాని జంటగా తెరకెక్కుతోంది. చంద్రమౌళి పి.జి ఈ సినిమాతో మెగాఫోన్ పట్టుకుంటున్నారు. పవన్ మాత, నితిన్ మాత నిర్మాతలుగా వ్యవహరిస్తున్నారు.
ఓస్కార్ మిస్సింగ్ చిత్ర ప్రారంభం సందర్భంగా ఈ సినిమా మేకర్స్ ఈ మూవీ గురించి పలు ఆసక్తికర విషయాలను పంచుకున్నారు. ఈ సినిమా ఆద్యంతం పూర్తి కామెడీ ఎంటర్టైనర్గా ఉండబోతున్నట్టు ప్రకటించారు. ఇందులో కొన్ని నిజ జీవిత పాత్రలు ప్రేక్షకులను సర్ప్రైజ్ చేస్తాయని చెప్పుకొచ్చారు. మొత్తంగా హాస్యభరితంగా ప్రేక్షకులను కేవలం నవ్వించడమే ధ్యేయంగా ఈ సినిమాను తెరకెక్కించబోతున్నట్టు చిత్ర దర్శక నిర్మాతలు తెలిపారు.
‘ఓస్కార్ మిస్సింగ్’ చిత్రాన్ని కేవలం రెండు షెడ్యూల్స్ లో పూర్తి చేయనున్నట్టు తెలిపారు. ఇప్పటికే ఈ సినిమాకు సంబంధించిన ప్రీ ప్రొడక్షన్ వర్క్ మొత్తం పూర్తైయినట్టు తెలిపారు. ఇక డిసెంబర్ చివరికి షూటింగ్ ముగించుకుని త్వరగా విడుదల చేయనున్నట్టు తెలిపారు. ఈ సినిమాలో ఇతర ముఖ్యపాత్రల్లో అలీ, చిత్రం శ్రీను, రాము, దుర్గారావు, శోభ బిత్తిరి సత్తి, జబర్దస్త్ ఫణి నటిస్తున్నారు.