‘రూపాయనమ:’ డబ్బు నేపథ్యంలో సాగే ఎంగేజింగ్ మనీ డ్రామా..

రివ్యూ:రూపాయనమ: (Rupayanamaha)
నటీనటులు: అరవింద్ పండ్రాతే, వేణు పోల్సాని, క్రాక్ శ్రీమణి, డి. అనుదీప్, శ్రావణి మల్కాని, విషన్ శ్రీ, కావ్యశ్రీ మాదిశెట్టి తదితరులు
సినిమాటోగ్రఫీ: జింకా వరుణ్ నాయుడు
ఎడిటింగ్: రవితేజ గిరిజాల
సంగీతం: రిషి ఎం
బ్యానర్: చిత్ర వేద ప్రొడక్షన్స్
ప్రొడ్యూసర్: పావని సాగి
డైరెక్షన్: అరవింద్ రెడ్డి

కథ విషయానికొస్తే..

హరి నారాయణ తన తల్లి, భార్య, కూతురితో కలిసి గ్రామంలో నార్మల్ లైఫ్ లీడ్ చేస్తుంటాడు.  ఆర్ధికంగా చితికిపోయిన అతనికి ఏకంగా కోటి రూపాయల లాటరీ రూపంలో అదృష్టం తలుపుతడుతుంది. దీంతో తమ సమస్యలన్ని తీరిపోతాయనుకున్న వారి జీవితంలో అనుకోని ట్విస్ట్ వచ్చి పడుతుంది. వారు కొన్న లాటరీ టికెట్ కనిపించకుండా పోతుంది. ఇల్లు మొత్తం వెతుకుతున్న సమయంలో ఓ అజ్ఞాతవ్యక్తి  నుంచి కాల్ వస్తుంది. మీరు వెతుకుతున్న లాటరీ టికెట్ తన దగ్గర ఉందన్నారు. రూ. 10 లక్షలు ఇస్తే ఆ లాటరీ టికెట్ ఇస్తానని చెబుతాడు. ఈ నేపథ్యంలో హరి నారాయణ ఏం చేశాడు. చివరకు హరి నారాయణ ఏం చేశాడు. చివరికి  అతనికి లాటరీ టికెట్ చేతికి అందిందా లేదా ఈ నేపథ్యంలో జరిగిన డ్రామానే మిగతా స్టోరీ.

కథనం, టెక్నికల్ విషయానికొస్తే..

తెలుగులో డబ్బు నేపథ్యంలో సాగే చిత్రాలు తెరకెక్కి ప్రేక్షకులను అలరించాయి. డబ్బు అంటేనే అందరికీ ఓ రకమైన పేరాశ. దర్శకుడు అరవింద్ రెడ్డి స్టోరీని పూర్తి గ్రామీన నేపథ్యంలో సహజసిద్ధంగా తెరకెక్కించాడు. ముఖ్యంగా ఊర్లో ఒక కుటుంబానికి మరో కుటుంబంతో అప్యాయత, అనురాగాలలను ఈ సినిమాలో చూపించే ప్రయత్నం బాగుంది. ముఖ్యంగా ఊర్లో ప్రజలు అమాయకత్వం, ఎలాంటి కపటత్వం లేకుండా స్వచ్ఛంగా సాగడం వంటివి అత్యంత సహజసిద్ధంగా ఉన్నాయి. అంతా కొత్తవాళ్లే అయిన ఎంతో నాచురల్‌గా యాక్ట్ చేశారు. కుటుంబ సమస్యలతో బాధపడే ఓ కామన్ మ్యాన్ పాతర్లో అరవింద్ పండ్రాతే తెరపై చక్కటి నటనను కనబరిచాడు. ముఖ్యంగా లాటరీ తగలడం. ప్రస్తుతం తెలుగు రాష్ట్రాల్లో ఎక్కడా లాటరీ లేదు.కొన్ని దశాబ్దాల క్రితమే వీటిని మన రాష్ట్ర ప్రభుత్వ నిషేధించింది.  కేరళం, గోవా వంటి కొన్ని రాష్ట్రాల్లోనే ఈ లాటరీ అనేది ఉంది. ముఖ్యంగా కోటి రూపాయల లాటరీని ఎవరో దొంగతనం చేయడం.. అది వారికి ఇవ్వాలంటే రూ. 10 లక్షలు ఇవ్వాలని బ్లాక్ మెయిల్ చేసే సీన్స్ ఆకట్టుకునేలా ఉన్నాయి.

ఎత్తుకు పై ఎత్తులతో సాగే డ్రామా కామన్ ఆడియన్స్‌ను ఆకట్టుకునేలా ఉన్నాయి. అంతా కొత్తవాళ్లే కావడం ఈ సినిమాకు మైనస్. సినిమా ప్రథమార్ధం స్లో నేరేషన్.. ఇంట్లో లాటరీ టికెట్ కోసం ఇంట్లో వాళ్లు వెతకడం వంటి సీన్స్ ల్యాగ్ అనిపిస్తాయి. లో బడ్జెట్‌లో ఉన్న పరిమితులతో తీసిన ఈ సినిమా మెప్పిస్తుంది.

జింకా వరుణ్ నాయుడు కెమెరా పనితనం గ్రామీణ లొకేషన్ల సహజ సిద్ధంగా ఉన్నాయి. రిషి ఎం అందించిన నేపథ్య సంగీతం కథలో భావోద్దేగాన్ని తెలిపేలా ఉంది. రవితేజ గిరిజాల ఎడిటింగ్ కథను సూటిగా నడిపించడంలో సహాయ పడింది.

మొత్తంగా రూపాయనమ: అనేది డబ్బు చుట్టూ తిరిగే స్టోరీ. పల్లెటూరి స్వచ్ఛమైన హాస్యంతో తెరకెక్కిన ఈ సినిమా ఎలాంటి అసభ్యతకు తావు లేకుండా ఉండటం ప్రేక్షకులకు ఉన్నంతలో కాస్త ఊరట అని చెప్పాలి.

పంచ్ లైన్: ‘రూపాయనమ:’ మెప్పించే మనీ క్రైమ్ డ్రామా..

రేటింగ్: 2.75/5