లవ్ & వార్ మూవీలో కెవ్వు కేక పుట్టిస్తున్న ఆలియా భట్ ఫస్ట్ లుక్..
Love & War Alia Bhatt Look Goes Viral: బాలీవుడ్‌లో సున్నితమైన ప్రేమ కథ చిత్రాలను తెరకెక్కించడంలో సంజయ్ లీలా భన్సాలీకి ప్రత్యేక స్థానం ఉంది. తాజాగా ఈయన నిజ జీవిత భార్యాభర్తలైన రణ్‌బీర్ కపూర్, ఆలియా భట్ హీరో, హీరోయిన్లుగా తెరకెక్కిస్తున్న చిత్రం ‘లవ్ అండ్ వార్’. ఈ చిత్రంలో విక్కీ కౌశల్ మరో కీలక పాత్రలో నటిస్తున్నాడు. ఇప్పటికే రణ్‌బీర్ కపూర్‌కు సంబంధించిన లుక్‌ను విడుదల చేసి ప్రమోషన్స్‌ను స్టార్ట్ చేసిన మేకర్స్ తాజాగా ఈ సినిమా నుంచి ఆలియా భట్ లుక్‌ను విడుదల చేశారు.
Love & War Alia Look: రణబీర్ కపూర్ ఫస్ట్ లుక్‌ను రిలీజ్ చేసిన ఒక రోజు గ్యాప్‌లోనే తాజాగా ‘లవ్ అండ్ వార్’ మూవీ నుంచి ఆలియా భట్‌ను విడుదల చేశారు. ఈ పోస్టర్‌లో అలియా ఇంతకుముందెన్నడూ కనిపించని గ్లామరస్ లుక్‌లో మెరిసింది. 2027లో అత్యంత ఆసక్తిగా ఎదురుచూస్తున్న చిత్రాల్లో ‘లవ్ & వార్’ ముందు వరుసలో ఉంటుంది. ఈ చిత్రంలో సంజయ్ లీలా భన్సాలీ తన గత చిత్రాలకు భిన్నమైన డిఫరెంట్ ప్రపంచాన్ని చూపించబోతున్నట్టు తెలుస్తుంది.
మేకర్స్ సామాజిక మాధ్యమాల్లో అలియా ఫస్ట్ లుక్ పోస్టర్‌ను విడుదల చేస్తే మంచి రెస్పాన్స్ వస్తోంది. ఇప్పటికే విడుదలైన ఈ పోస్టర్‌లో అలియా స్లిట్ స్కర్ట్, ప్రత్యేకమైన హెడ్‌పీస్‌తో కుర్చీలో కూర్చుని కాస్త వెరైటీగా కనిపిస్తోంది. ఆలియా లుక్, స్టైలింగ్, హావభావాలు రెట్రో ఫీల్‌ను అందించబోతున్నాయి. ఈ పాత్రలో అలియా పూర్తిగా కొత్త అవతార్‌లో కనిపించనుందని పోస్టర్ చూస్తే అర్థమవుతోంది.
సంజయ్ లీలా భన్సాలీ డైరెక్షన్‌లో తెరకెక్కుతున్న ‘లవ్ & వార్’లో రణబీర్ కపూర్, అలియా భట్, విక్కీ కౌశల్ లీడ్ రోల్లో యాక్ట్ చేస్తున్నారు. ఈ చిత్రం 2027 జనవరి 21న రిపబ్లిక్ వీకెండ్‌లో విడుదల చేశారు. ఈ సినిమాను హిందీతో పాటు తెలుగు, తమిళ భాషల్లో తమిళం, తెలుగు భాషల్లో ప్రపంచవ్యాప్తంగా విడుదల కానుంది.
ఆలియా భట్ విషయానికొస్తే.. పెళ్లి తర్వాత కూడా వరుసగా చిత్రాలు చేస్తోంది. పెళ్లి కి ముందు వీళ్లిద్దరు కలిసి ‘బ్రహ్మాస్త్ర’లో కలిసి నటించారు. ఆ తర్వాత వీరిద్దరు కలిసి నటిస్తోన్న చిత్రం ‘లవ్ అండ్ వార్’. ఈ సినిమాలో మరో హీరోగా బాలీవుడ్ న్యూ సెన్సేషన్ విక్కీ కౌశల్ కూడా నటిస్తున్నాడు. మొత్తంగా ముక్కోణపు ప్రేమ కథతో తెరకెక్కుతోన్న ఈ సినిమా బాక్సాఫీస్ దగ్గర ఎలాంటి ఫలితం అందుకుంటుందో చూడాలి.
