పీక్స్‌లో విజయ్ దేవరకొండ క్రేజ్.. రామ్ రాజ్ కాటన్స్ న్యూ బ్రాండ్ అంబాసిడర్‌గా ‘రౌడీ’..

Vijay Devarakonda Endorsements:  భారతీయ సంప్రదాయ వస్ర్త రంగంలో ప్రముఖ సంస్థ రామ్‌రాజ్‌ వెడ్డింగ్‌ కలెక్షన్‌ను విడుదల చేసింది. ఇక లగ్న వెడ్డింగ్‌ కలెక్షన్‌ బ్రాండ్‌ అంబాసిడర్‌గా ప్రముఖ నటుడు విజయ్‌ దేవరకొండను రామ్‌రాజ్‌ సంస్థ నియమించింది.  సంప్రదాయానికి దగ్గరగా ఉంటూనే నేటి ట్రెండ్‌కు తగ్గట్లుగా రామ్‌రాజ్‌ లగ్న వెడ్డింగ్‌ కలెక్షన్‌ తీసుకొచ్చినట్లు తెలిపారు. స్వచ్ఛమైన పట్టు వస్త్రాలు, ఆధునిక డిజైన్‌లు, స్టైలింగ్‌ మిశ్రమంగా కలెక్షన్లు ఉన్నాయి.  విజయ దేవర కొండను బ్రాండ్‌ అంబాసిడర్‌గా యాజమాన్యం ఆహ్వానించింది.

‘రామ్ రాజ్’వెడ్డింగ్‌ కలెక్షన్‌కు బ్రాండ్‌ అంబాసిడర్‌గా విజయ దేవరకొండ..

మొత్తంగా విజయ్ దేవరకొండ హీరోగా తన కంటూ ప్రత్యేక గుర్తింపు తెచ్చుకున్నారు. పలు చిత్రాల్లో తన నటనతో కేవలం తెలుగు ప్రేక్షకులనే కాదు.. ప్యాన్ ఇండియా ప్రేక్షకుల మెప్పు పొందారు. ఈ యేడాది తన తోటి నటి రష్మికను రాజస్థాన్‌లో సాంప్రదాయ బద్దంగా వివాహాం చేసుకున్నారు. ఈయన పెళ్లి వేడుక టాక్ ఆఫ్ ది ఇండస్ట్రీగా మారింది. ఇక పెళ్లి తర్వాత విజయ్, రష్మికలు తొలిసారి ‘రణబాలి’ చిత్రంలో కలిసి నటించారు.

‘రణబాలి’ మూవీతో పలకరించనున్న విజయ్,రష్మిక దంపతులు..

రాహుల్ సాంకృత్యాన్ దర్శకత్వం వహించిన ఈ సినిమా పూర్తిగా పీరియాడిక్ పేట్రియాటిక్ బ్యాక్ డ్రాప్‌లో తెరకెక్కింది. బ్రిటిష్ వారిపై తిరుగుబాటు చేసిన రణబాలి అనే యోధుడి కథతో రాబోతున్నారు. ఇప్పటికే ఈ సినిమాకు సంబంధించిన ప్రమోషన్స్‌ పీక్స్‌లో ఉన్నాయి. ఈ చిత్రాన్ని తెలుగుతో పాటు హిందీ, తమిళం, కన్నడ, మలయాళ భాషల్లో రిలీజ్ చేస్తున్నారు. ఓ రకంగా గత కొన్నేళ్లుగా సరైన సక్సెస్ లేని విజయ్ దేవరకొండకు ఈ సినిమా సక్సెస్ అనేది కీలకం అనే చెప్పాలి. పైగా తనకు గతంలో హిట్ ‘టాక్సీవాలా’ వంటి హిట్ ఇచ్చిన దర్శకుడు. తన జీవిత భాగస్వామితో కలిసి నటించడం వంటి అంశాలు ఈ సినిమాకు పాజిటివ్ బజ్ క్రియేట్ చేశాయి. ఏది ఏదైనా  జయాపజయాలతో సంబంధం లేకుండా విజయ్ దేవరకొండ ఓ వైపు క్రేజీ సినిమాలు చేస్తూనే పలు బ్రాండ్ ఎండార్స్‌మెంట్స్‌తో ఫుల్ బిజీగా ఉన్నాడు.