‘రణబాలి’తో రాయలసీమ గడ్డ ఋణం తీర్చుకున్నా.. విజయోత్సవ సభలో విజయ్ దేవరకొండ ఎమోషనల్..

Vijay Devarakonda Emotional About Ranabaali Success: నిన్న రాయలసీమ గడ్డ మీద జరిగిన ‘రణబాలి’విజయోత్సవ సభలో విజయ్ దేవరకొండ ఎమోషనల్ అయ్యారు. ఈ సందర్భంగా తెలుగు గడ్డ ఎంతో గొప్పది, అందమైనది. ఈ గడ్డ పై  ఎంతో చరిత్ర దాగి ఉంది. వివిధ ప్రాంతాల్లో  రకరకాల పండుగలు, పద్దతులు, యాసలు, మనుషులు ఉన్న నేల మనది. నేను పుట్టిన తెలంగాణలో ఒక ఆవేశం ఉంటుందన్నారు. తిరగబడే పోరాట నైజం ఈ మట్టి సొంతమన్నారు. మరోవైపు  ఫోక్ సాంగ్స్ లో మజా ఉంటుంది.

నేను చూసిన థియేటర్‌లో నా సినిమా ఆడటం ఆనందంగా ఉంది..

ఆంధ్ర వెళ్తే చక్కటి వాతావరణం, మంచి మనుషులు, ఆప్యాయత, వాళ్లు జరుపుకునే అందమైన పండుగలు, మంచి జానపదాలుంటాయన్నారు.  సీమకు వస్తే ‘రణబాలి’లో రాయలు ఏలిన సీమ గడ్డ అంటూ ఒక పాట ఉంది. అది నా మనసుకు నచ్చింది.  ఈ నాలుగు లైన్ల పాట మన సీమ ఎలాంటిదో చూపిస్తాయన్నారు.  ఈ రాయలసీమ నాకు ఎంతో ఇచ్చింది. నేను చదువుకుంది ఇక్కడే. ఇక్కడ కొత్త చెరువు అనే ఊరిలో ఒక థియేటర్ ఉండేది. ఆ థియేటర్ లో చాలా సినిమాలు చూశాను. ఇప్పుడు మా ‘రణబాలి’ సినిమా అదే కొత్త చెరువు థియేటర్ లో హౌస్ ఫుల్స్ అవుతుంటే ఎంత అనందంగా ఉందో చెప్పలేనన్నారు.

రాయలసీమ ఋణం..

నేను ప్రయాణం చేసిన అనంతపురం, కర్నూలు, కడప లోనే మా సినిమా షూటింగ్ చేసిన విషయాన్ని గుర్తు చేసుకున్నారు. చిత్రీకరణ సమయంలో చదువుకున్నప్పటి జ్ఞాపకాలన్నీ గుర్తుకొచ్చేవన్నారు. రణబాలి సినిమాను ఒక నటుడిగా చేయలేదు. ఈ నేల కథను చెప్పాలనే బాధ్యతతో చేశాను. నాకు ఎంతో ప్రేమను పంచిన రాయలసీమ ఋణం తీర్చుకోవాలనే కృతజ్ఞతతో రణబాలి సినిమా చేశాను. ఒక పెద్దాయన మా వీరుల కథ చెప్పావు బిడ్డా అని చేయి పట్టుకుని మాట్లాడుతుంటే ఎంతో ఆనందం వేసిందన్నారు.

మీ ఆదరణ మరవలేనిది.. 
మమ్మల్ని మేము తెరపై చూసుకున్నట్లు ఉందని మీరంతా చెబుతున్నారు. మీ ఆదరణతో వచ్చే తృప్తి ఏ డబ్బూ, ఏ అవార్డు ఇవ్వదని కాస్త భావోద్వేగానికి గురయ్యారు. రణబాలి సినిమాను మీరు ఇంతగా అక్కున చేర్చుకోవడం నటుడిగా నా జీవితానికి ఒక అర్థాన్ని ఇచ్చిందన్నారు.  తెలుగు సినిమా గర్వపడేలా రణబాలి ఉంటుందని చెప్పాను. ఆ మాటను మీరు నిజం చేశారు. రాహుల్ ఎంత గొప్ప సినిమా చేశాడో భవిష్యత్ లో అందరికీ అర్థమవుతుంది. జయమ్మపై మీరు ఎంతో ప్రేమ చూపిస్తున్నారు. తెలుగు ప్రేక్షకులు నాపై పదేళ్లుగా ప్రేమ చూపిస్తున్నారు. ఇటీవల ఆ ప్రేమను మరింతగా చూస్తున్నామన్నారు.