బెంగళూరులో ఘోరం.. భార్యతోపాటు ఏడుగురిని గ్రైండింగ్ రాయితో కొట్టి చంపిన క్యాబ్ డ్రైవర్! సహకరించిన కూతురు?

Bengaluru Mass Murder Case: బెంగళూరులో 7 గురు కుటుంబ సభ్యుల హత్య సంచలనం రేపుతోంది. వీరంతా ఒకే కుటుంబానికి చెందినవారు. మొదటగా క్యాబ్‌ డ్రైవర్‌పై అనుమానపడ్డ పోలీసులు ఆ తర్వాత తమదైన స్టైల్‌ విచారిస్తే సంచలన విషయాలు వెలుగులోకి వచ్చాయి.

పోలీసుల ప్రకారం.. బెంగళూరు రాజాజీ నగర్‌ ప్రాంతానికి చెందిన క్యాబ్ డ్రైవర్‌ ఇందు శేఖర్‌కు సునీతకు 20 ఏళ్ల కిందటే వివాహం జరిగింది. అయితే, వీరి మధ్య తరచూ గొడవలు జరిగేవి. ఆ సమయంలో కూతురుకు మద్ధతుగా పుట్టింటివారు ఉండేవారు. శ్రీరాంపురానినిక చెందిన సునీత పుట్టింటివారు అడ్డుగా ఉన్నారని వారిపై కక్ష పెంచుకున్నాడు ఇందుశేఖర్‌. తనతో గొడవలు పడుతూనే తనకు నచ్చని భార్య పుట్టింటివారితో సన్నిహిత సంబంధాలు కొనసాగించడం నచ్చలేదు. సునీత తల్లి, సోదరులపై కక్ష కూడా పెంచుకున్నాడు. దీంతో ముందస్తు ప్లాన్‌ కూడా వేసుకున్నాడు. మొదట తన భార్యను గ్రైండింగ్‌ రాయితో తల పగులగొట్టి హత్య చేశాడు. ఏమీ తెలియనట్లు ఆమె స్నేహితులను విహారయాత్రకు వెళ్లిందని చెప్పసాగాడు. వెంటనే మళ్లీ అనుమానం రాకుండా భార్య సోదరులను కూడా మందు పార్టీ ఇస్తా అని ఇంటికి పిలిపించి వారిని కూడా అలాగే హత్య చేశాడు. ఆ తర్వాత అత్త, సునీత వదినలు అయిన నళిని, దివ్యతోపాటు ఏడేళ్ల బాబు అయిన పునీత్‌ను కూడా అత్యంత దారుణంగా హత్య చేసినట్లు పోలీసుల విచారణలో ఈ క్యాబ్‌ డ్రైవర్‌ ఒప్పుకున్నాడు.

అయితే, ముందుగా నళిని కూడా ఇలా కనిపించకపోవడంతో ఆమె తల్లి వెంటనే పోలీసులకు ఫిర్యాదు చేసింది. దీంతో కేసుల నమోదు చేసుకున్న పోలీసులు ఆమెను వెతకడం ప్రారంభించినప్పుడు అసలు విషయం బయటపడింది. నంది హిల్స్‌ సమీపంలో బాలుడు పునీత్‌ మృతదేహం కనిపించింది. దీంతో వెంటనే పోలీసులు ఇందు శేఖర్‌ను ప్రశ్నించారు. అయితే, విచారణ సమయంలో పొంతనలేని సమాధానం చెప్పాడు. అనుమానం వచ్చిన పోలీసులు తమదైన స్టైల్‌లో విచారిస్తే అసలు విషయం వెలుగులోకి వచ్చాయి.

ఇక ఈ ఏడుగురు కుటుంబసభ్యులను హత్య చేసిన తర్వాత నిందితుడు ఆ మృతదేహాలను చిక్కబళ్లాపూర్‌లోని నంది హిల్స్‌ ప్రాంతంలో పడేసినట్లు సమాచారం. దీంతో వెంటనే పోలీసులు ఆ డెడ్‌బాడీల కోసం గాలింపు చర్యలు చేపట్టారు. హత్యకు వాడిన కారు, వస్తువులను కూడా పోలీసులు స్వాధీనం చేసుకున్నారు.

అయితే, ఇందులో మరో సంచలన విషయం ఏంటంటే? నిందితుడి కుమార్తె కూడా తండ్రికి సహకరించి ఉండవచ్చని పోలీసులు అనుమానిస్తున్నారు. ప్రస్తుతం ఆమె ఇంటర్‌ చదువుతోంది. ఎందుకంటే ఇందు శేఖర్‌ కూతురును హత్య చేయలేదు. బెంగళూరువ్యాప్తంగా ఈ హత్యలు సంచలనంగా మారడంతో పోలీసు ఉన్నతాధికారులు సైతం లోతైన దర్యాప్తు చేసి సరైన ఆధారాలు కూడా వెలికి తీసే ప్రయత్నం చేస్తున్నారు.