వామ్మో.. అంత ఎత్తులో దున్నపోతు.. వాటర్ ట్యాంక్‌పైకి ఎలా ఎక్కింది?

Buffalo On Water Tank Video: సోషల్ మీడియాల్లో జంతువులకు సంబంధించిన చిత్రవిచిత్రమైన వీడియోలు రోజు వైరల్ అవుతూ ఉంటాయి. అయితే, తాజాగా వెలుగులోకి వచ్చిన ఓ దృశ్యం చూస్తే మాత్రం ప్రతి ఒక్కరూ ఆశ్చర్యపోవాల్సిందే. సాధారణంగా నేలపై నెమ్మదిగా నడిచే ఓ భారీ దున్నపోతు.. ఏకంగా ఊరి మధ్యలో ఉన్న ఎత్తయిన భారీ నీటి ట్యాంక్ పైభాగంలో ప్రత్యక్షమై అందరికీ ఊహకందని షాక్ ఇచ్చింది.. కొన్ని అడుగుల ఎత్తు ఉన్న ఆ వాటర్ ట్యాంక్‌పైకి అది ఎలా ఎక్కింది? అని అందరూ ఆశ్చర్యపోయి చూస్తున్నారు. ఈ ఘటనకు సంబంధించిన పూర్తి వివరాలేంటో ఇప్పుడు మనం తెలుసుకుందాం..

వైరల్ అవుతున్న ఈ వీడియో వివరాల్లోకి వెళితే.. భారీ ఆకారంతో ఉన్న దున్నపోతు ఎత్తయిన వాటర్ ట్యాంక్ పైభాగంలో కనిపించడం మీరు చూడొచ్చు.. అంత ఎత్తులో ఉన్నప్పటికీ.. దాని ముఖంలో ఎలాంటి బెరుకు గానీ.. భయం గానీ కనిపించకపోవడం విశేషం.. సాధారణంగా మనుషులే అంత ఎత్తుకు వెళ్లినప్పుడు కిందికి చూసి వణిపోతూ ఉంటారు. కానీ.. ఈ దున్నపోతు మాత్రం ఎంతో నిబ్బరంగా.. అటూఇటూ చూస్తూ చుట్టుపక్కల పరిసరాలను చాలా అద్భుతంగా ఆస్వాదిస్తున్నట్లు కనిపించడం మీరు చూడోచ్చు. ఏదో వ్యూ పాయింట్ వద్ద నిలబడి నగరాన్ని మొత్తం చూస్తున్నట్లు అది నిలబడిన తీరు స్థానికులను ఆశ్చర్యపరిచేలా చేస్తోంది..

ఈ విచిత్ర దృశ్యాన్ని చూసిన కొందరు స్థానికులు ఆశ్చర్యంతో తమ మొబైల్ ఫోన్లలో దూరం నుంచి వీడియో తీశారు. అయితే, ఈ వీడియోను సోషల్‌ మీడియాల్లో పోస్ట్ చేయడంతో అది నిమిషాల వ్యవధిలోనే వైరల్‌ అవుతోంది. అంత బరువైన జంతువు నిచ్చెనల వంటి ఇరుకైన మెట్లను ఎక్కి అంత పైకి ఎలా చేరుకుంది..? పైకి వెళ్లేందుకు ఎవరు దారి చెప్పారు? అనే ప్రశ్నలు ఇప్పుడు నెటిజన్లకు నిద్రలేకుండా చేస్తున్నాయి..

అయితే, ఈ వీడియో చూసిన సోషల్ మీడియా వినియోగదారులు ఆసక్తికరమైన కామెంట్లతో స్పందిస్తూ వస్తున్నారు. బాహుబలి దున్నపోతు అంటే ఇదేనేమో.. అంటూ.. భూమిపై బోర్ కొట్టి కాసేపు స్వచ్ఛమైన గాలి పీల్చుకోవడానికి పైకి ఎక్కినట్లుంది.. అంటూ కామెంట్లు పెడుతూ వస్తున్నారు. అయితే, అంత ఎత్తు నుంచి అది సురక్షితంగా కిందకు దిగిందా లేదా అనే విషయం ఇంకా తెలిదు.. ఈ వీడియో చూసిన వారు AI వీడియో అంటూ కూడా కామెంట్లు పెడుతున్నారు..

 

 

 

 

View this post on Instagram

 

 

 

 

 

 

 

 

 

 

 

A post shared by official Azad Khan (@azadkhan44546)