Rajasthan: ఓర్నాయనో.. జైలర్ గా పనిచేసిన చోటే ఖైదీగా వెళ్లిన అధికారిణి.!. ఏంచేసిందో తెలిస్తే మైండ్ బ్లాంక్.!.

Former jailer sent to same prison as inmate in ajmer central jail: సాధారణంగా సమాజంలో పోలీసులను ఎంతో గౌరవంగా చూస్తుంటారు. ముఖ్యంగా ఎక్కడ అన్యాయం జరిగిన, శాంతి భద్రతలకు విఘాతం కలిగిన వెంటనే పోలీస్ స్టేషన్ కు వెళ్లి ఫిర్యాదు చేస్తారు. చాలా మంది పోలీసులు వెంటనే స్పందించి బాధితులకు న్యాయం చేస్తారు. కానీ మరికొంత మంది మాత్రం దీనికి భిన్నంగా ఉంటారు. పోలీసుల ముసుగులో ఉండి బాధితుల కష్టాలను ఆసరాగా చేసుకుని వారిని వేధిస్తారు. ఈ క్రమంలో  రాజస్థాన్ లోని ఒక లేడీ జైలర్ నిర్వాహకం కాస్త  ప్రస్తుతం వార్తలలో నిలిచింది.

రాజస్తాన్ లోని అజ్మీర్ లోని సెంట్రల్ జైల్లో ఈ ఘటన వెలుగులోకి వచ్చింది. దివ్యచౌదరీ  (37) అజ్మీర్ సెంట్రల్ జైల్‌లో మహిళా విభాగం జైలర్‌గా పనిచేసేవారు. ఇటీవల జులై 12న ఆమె కిరణ్, సానా అనే జైల్లో ఉన్న ఇద్దరు ఖైదీలను కోర్టు అనుమతిలేకుండా, జైలు రికార్డులో రాయకుండా తన ఇంటికి తీసుకెళ్లారు. 

అక్కడ తన ఇంట్లో పనులు చేయించుకొవడంతో నియమించారు.  దీంతో ఈ ఘటన కాస్త ఆలస్యంగా వెలుగులోకి వచ్చింది. దీంతో పోలీసులు దీనిపై విచారణ చేపట్టి, సీసీ ఫుటేజీని పరిశీలించగా అసలు విషయం బైటపడింది. దీంతో పోలీసులు కేసు నమోదు చేసుకుని విచారణ చేపట్టారు.  ఈ ఘటనలో జైలర్ దివ్యతో పాటు, సోనియా అనే అధికారిణిలను ఉన్నతాధికారులు సస్పెండ్ చేశారు. అప్పటి నుంచి వీరు పరారీలో ఉన్నారు. 

తాజాగా.. దివ్య చౌదరీని పోలీసులు ఫోన్ తో లొకెషన్ గుర్తించి ఆమెను అరెస్ట్ చేశారు. కోర్టులో హాజరుపరచగా, న్యాయస్థానం ఆమెకు జ్యుడీషియల్ కస్టడీ విధించింది. ఈ క్రమంలో ఏజైలులో అయితే ఆమె జైలర్ గా విధులు నిర్వహించారో అదే జైలుకు ఆమెను ఖైదీలా పోలీసులు తరలించారు.ఈ కేసులో మరో నిందితురాలైన సోనియా చౌధరి ఇంకా పరారీలో ఉన్నారు. ఈ ఘటన రాజస్తాన్ పోలీసు డిపార్ట్ మెంట్ లో తీవ్ర సంచలనంగా మారింది.