SOCIAL MEDIA

Newsletter

PARTNER SITES
Select Language Select State

కాశీ వెళ్లే భక్తులకు బంపర్ ఆఫర్.. తెలుగురాష్ట్రాల మీదుగా ప్రత్యేక రైళ్లు, పూర్తి షెడ్యూల్ ఇదే!

భారతీయ రైల్వే రద్దీ అనుగుణంగా ప్రత్యేక రైళ్లను ప్రకటిస్తుంది. కాశీ వెళ్లాలనుకునే ప్రయాణీకులకు కూడా బంపర్‌ గుడ్‌న్యూస్‌. రెండు తెలుగు రాష్ట్రాల మీదుగా కూడా బనారస్‌ ప్రత్యేక రైలును ప్రకటించింది. ఈ రైలు స్టాపేజీలు ఏంటి? ఆ పూర్తి వివరాలు తెలుసుకుందాం.

Written By Renuka Godugu
Published: Nov 17, 2026, 15:02 IST | Updated: Nov 17, 2026, 15:08 IST
Image Credit: Banaras Special Train:
Join

Banaras Special Train: తెలుగు రాష్ట్రాల ప్రజలకు బంపర్‌ గుడ్‌న్యూస్‌.. కాశీకి వెళ్లాలనుకునే వారు ఇక వెయిటింగ్‌ లిస్ట్‌లో ఉండే అవసరం లేదు. తమిళనాడు నుంచి కాశీకి ప్రత్యేక రైలును ప్రకటించారు. ఇది రెండు తెలుగురాష్ట్రాల మీదుగా కూడా వెళ్తుంది. ఇది వరకు కాశీ వెళ్లాలంటే ఉదయం 8 గంటలకు 60 రోజులు ముందుగా టిక్కెట్‌ బుక్‌ చేద్దామన్నా.. పూర్తిగా దొరకడం కష్టంగా మారేది. కేవలం రెండు నిమిషాల్లో టిక్కెట్ల బుకింగ్‌ కూడా అయిపోయేంది. అంతేకాదు ఒక్కోరోజు అయితే, రిగ్రెట్‌ కూడా చూపిస్తుంది.

తాజాగా భారతీయ రైల్వే కన్యాకుమారి నుంచి బనారస్‌కు ప్రత్యేక రైలును ప్రకటించింది. 
ట్రైన్‌ నెంబర్‌ 06041 కన్యాకుమారి నుంచి బనారస్‌ ఎక్స్‌ప్రెస్‌ రైలు నడవనుంది. కన్యాకుమారి నుంచి మధ్యాహ్నం 2:30 గంటకు నవంబర్‌ 25వ తేదీ బుధవారం ప్రారంభం అవుతే శుక్రవారం రాత్రి 8 గంటలకు బనారస్‌ చేరుకుంటుంది.

అదేవిధంగా ట్రైన్‌ నెంబర్‌ 06042 బనారస్‌ నుంచి కన్యాకుమారి ఎక్స్‌ప్రెస్‌ రైలు మంగళవారం రాత్రి 10:30 గంటలకు బయలుదేరుతుంది. కన్యాకుమారికి శుక్రవారం ఉదయం 4:45 గంటలకు చేరుకుంటుంది. ప్రధానంగా ఈ ప్రత్యేక రైలును కాశీ తమిళ సంగం 5.0 రైలు ప్రయాణీకులకు అదనంగా కన్యాకుమారి నుంచి బనారస్‌ రైలు కనెక్టివిటీ పెంచేందుకు ప్రారంభించారు. దక్షిణాది నుంచి మరో రైలు ఇలా కాశీకి వెళ్లనుంది. దీంతో మరింత మంది ప్రయాణీకులు కాశీకి వెళ్లే అవకాశం ఉంది.

ఇక ఈ రైలు తమిళనాడు నుంచి ప్రారంభమై తెలుగు రాష్ట్రాల మీదుగా వెళ్తుంది. నెల్లూరు, ఒంగోలు, విజయవాడ, వరంగల్‌, మంచిర్యాల, సిర్పూర్‌ కాగజ్‌నగర్‌ గుండా వెళ్తుంది. ఇందులో మొత్తం 4 ఏసీ 2టైర్‌ కోచ్‌లు 5 ఏసీ 3 టైర్‌, ఆరు ఏసీ 3 టైర్‌ ఎకానమీ కోచ్‌, మూడు స్లీపర్‌ క్లాసులు, రెండు లాగ్గేజీ, బ్రేక్‌ వ్యాన్స్‌ ఉంటాయి.

Read Also: రైల్వే శాఖ సంచలన నిర్ణయం.. త్వరలోనే RAC టికెట్ల రద్దు? ప్రయాణికులకు ఇకపై ఫుల్ బెర్త్ గ్యారెంటీ!
 

Read Also: Video: వందే భారత్ స్లీపర్‌లో టికెట్ ప్రింట్ తీసుకెళ్లకపోతే ఫైన్ పడుతుందా? రూల్స్‌ ఇవే..!!

భారతీయ రైల్వేలో ప్రయాణం చేయాలంటే రిజర్వేషన్‌ తప్పనిసరి. ఇది కాకుండా తత్కాల్‌ టిక్కెట్లు కూడా అందుబాటులో ఉంటాయి. 60 రోజులు ముందుగా బుక్‌ చేసుకుంటే సీట్‌ రిజర్వేషన్‌ లభిస్తుంది. ప్రతిరోజూ ఉదయం 8 గంటలకు ఈ రిజర్వేషన్‌ ఓపెన్‌ అవుతుంది. రద్దీ ఎక్కువగా ఉన్న స్టేషన్‌లకు ముందుగానే రిజర్వ్‌ చేసుకోవాలి. ఒక్కోసారి టిక్కెట్‌ దొరకడం కూడా కష్టతరంగా మారుతుంది.

 

 

కేవలం రైలు టిక్కెట్‌ ఉన్నవారు మాత్రమే ప్రయాణం చేయాల్సి ఉంటుంది. లేకపోతే భారీ జరిమానా విధిస్తారు. బోర్డింగ్‌ పాయింట్స్‌ మార్చుకునే సదుపాయం కూడా భారతీయ రైల్వే కల్పించిన సంగతి తెలిసిందే. టిక్కెట్లు బుక్‌ చేసుకుని కొన్ని కారణాల వల్ల మీరు ట్రైన్‌ ఎక్కే సమయంలో కొన్ని కారణాలు వల్ల బోర్డింగ్‌ పాయింట్స్‌ మార్చుకోవచ్చు. దీంతో ట్రైన్‌ టిక్కెట్‌ కేన్సల్‌ చేయకుండానే స్టేషన్‌ మార్చుకోవచ్చు. ఇక కాశీ నుంచి హైదరాబాద్‌కు ప్రతిరోజూ సికింద్రాబాద్‌ నుంచి ప్రత్యేక రైలు ఉంది. 

Add Zee News as a Preferred Source
TAGS:

About the Author

రేణుక గొడుగు జీ తెలుగు డిజిటల్ మీడియాలో సబ్ ఎడిటర్‌గా 2024 నుంచి పనిచేస్తున్నారు. హెల్త్‌, లైఫ్‌స్టైల్‌, ఆస్ట్రోలజీ, బ్రేకింగ్, వైరల్‌ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన 6 ఏళ్ల అనుభవం ఉంది.
Read More

ZEENEWS TRENDING STORIES