Oppo అభిమానులకు గుడ్ న్యూస్.. Reno 17, Pro, Reno 17c ఫోన్ల ఫీచర్లు లీక్!

Oppo Reno 17 Series: ప్రముఖ స్మార్ట్‌ఫోన్‌ తయారీ కంపెనీ ఒప్పో మార్కెట్‌లోకి అద్భుతమైన స్మార్ట్‌ఫోన్స్‌ను విడుదల చేస్తూ వస్తోంది. దిమ్మతిరిగే ఫీచర్స్‌తో ఎప్పుడూ వినియోగదారులను ఆకట్టుకుంటూ ఉంటుంది.  ఒప్పో నుంచి కొత్త సిరీస్‌ స్మార్ట్‌ఫోన్‌ త్వరలోనే భారత మార్కెట్‌లోకి విడుదల కాబోతున్నట్లు తెలుస్తోంది. దీనిని కంపెనీ ఒప్పో రెనో 17 సిరీస్‌ పేరుతో అందుబాటులోకి తీసుకు రాబోతున్నట్లు తెలుస్తోంది. అయితే, దీనిని కంపెనీ మొదట వచ్చే నెలలో చైనాలో విడుదల చేసి.. ఆ తర్వాత భారత మార్కెట్‌లోకి అందుబాటులోకి తీసుకు రాబోతున్నట్లు తెలుస్తోంది. అయితే, విడుదల కంటే ముందే ఈ స్మార్ట్‌ఫోన్‌ సిరీస్‌కి సంబంధించిన ఫీచర్స్‌, స్పెషిఫికేషన్స్‌ లాంచ్‌ అయ్యాయి. అవేంటో ఇప్పుడు మనం తెలుసుకుందాం..

ఒప్పో రెనో 17 సిరీస్‌ను కంపెనీ మొత్తం మూడు వేరియంట్లలో అందుబాటులోకి తీసుకు రాబోతున్నట్లు తెలుస్తోంది. ఈ స్మార్ట్‌ఫోన్‌లు ఆండ్రాయిడ్ 17 ఆధారిత కలర్‌ఓఎస్ 17 ఆపరేటింగ్‌ సిస్టమ్‌తో విడుదలవ్వడం విశేషం.. టిప్‌స్టర్ దేబయన్ రాయ్ సోషల్ మీడియాలో విడుదల చేసిన వివరాల ప్రకారం.. ఈ సిరీస్‌లోని స్టాండర్డ్ మోడల్‌తో పాటు, ఒప్పో రెనో 17c కూడా భారతదేశంలో విడుదల కాబోతున్నట్లు వెల్లడించారు.. ఒప్పో రెనో 17 స్మార్ట్‌ఫోన్‌ స్నాప్‌డ్రాగన్ 7 జెన్ 4 ప్రాసెసర్‌ను కూడా కలిగి ఉంటుంది. అంతేకాకుండా ఒప్పో రెనో 17c స్మార్ట్‌ఫోన్‌ మోడల్‌లో మాత్రంలో మీడియాటెక్ డైమెన్సిటీ 7300 చిప్‌సెట్ ప్రాసెసర్‌ అందుబాటులో ఉండబోతున్నట్లు తెలుస్తోంది.. ఒప్పో రెనో 17 స్మార్ట్‌ఫోన్‌ థాయ్‌లాండ్ నేషనల్ బ్రాడ్‌కాస్టింగ్ అండ్ టెలికమ్యూనికేషన్స్ కమిషన్ (NBTC) వెబ్‌సైట్‌లో CPH2975 మోడల్ నంబర్‌తో నమోదు చేసిన్నట్లు తెలుస్తోంది.

అంతేకాకుండా ఈ సిరీస్‌లో కొన్ని మోడల్స్‌కి సంబంధించిన స్మార్ట్‌ఫోన్స్‌కి సంబంధించిన ఫోటోస్‌ కూడా లీక్‌ అయిన్నట్ల తెలుస్తోంది. ఒప్పో రెనో 17 ఫ్లాట్ రియర్ ప్యానెల్‌తో పాటు చాలా ప్రత్యేకమైన కెమెరా మాడ్యూల్‌తో లాంచ్‌ కాబోతున్నట్లు తెలుస్తోంది.. ఈ స్మార్ట్‌ఫోన్ కెమెరా యూనిట్‌లో మూడు కెమెరాలతో పాటు, చాలా స్పెషల్ LED ఫ్లాష్ లభిస్తోంది. ఒప్పో రెనో 17 సిరీస్ నవంబర్‌లో చైనా మార్కెట్‌లోకి అందుబాటులోకి రాబోతున్నట్లు తెలుస్తోంది..

ఇందులోని అన్ని మోడల్స్‌ ఆండ్రాయిడ్ 17 ఆధారిత కలర్‌ఓఎస్ 17తో ఆపరేటింగ్‌ సిస్టమ్‌పై రన్‌ కాబోతున్నట్లు సమాచారం.. ఈ స్మార్ట్‌ఫోన్ సిరీస్ వచ్చే ఏడాది మొదటి నెలలో భారతదేశంలో లాంచ్‌ కాబోతున్నట్లు తెలుస్తోంది.. అయితే, ఈ స్మార్ట్‌ఫోన్ సిరీస్ విడుదలకు సంబంధించిన వివరాలను ఒప్పో ఇంకా అధికారికంగా వెల్లడించలేదు.. ఈ సిరీస్‌లో ఒప్పో రెనో 17 ప్రో మోడల్‌ కూడా అందుబాటులోకి రాబోతోంది.. ఈ మోడల్‌ 6.32-అంగుళాల 1.5K ఫ్లాట్ OLED డిస్‌ప్లేను కూడా కలిగి ఉంటుంది.. ఈ స్మార్ట్‌ఫోన్ వెనక భాగంలో 200-మెగాపిక్సెల్ ప్రధాన కెమెరాను కూడా కలిగి ఉంటుంది. అంతేకాకుండా 50-మెగాపిక్సెల్ అల్ట్రా-వైడ్ కెమెరాతో పాటు 50-మెగాపిక్సెల్ టెలిఫోటో కెమెరాతో లభిస్తోంది.