మీ ఖాతాలో రూ.2000 పడలేదా? మొబైల్ నంబర్, వివరాలు ఇలా వెంటనే అప్‌డేట్ చేయండి!

PM Kisan Big Alert: ప్రధానమంత్రి కిసాన్ సమ్మాన్ నిధి వివరాలు ఎప్పటికప్పుడు అప్‌డేట్‌గా ఉండాలి. కేవైసీ వంటి పనులను పూర్తి చేసినట్లయితేనే మీరు ప్రతి విడత రూ. 2000 మీ ఖాతాలో పొందగలుగుతారు. 24వ విడత కోసం ఎదురుచూస్తున్న రైతులకు ఒక చిన్న అప్‌డేట్ ఏంటంటే, దీపావళి లోపు ఈ నిధులు విడుదలయ్యే అవకాశం ఉంది. కాబట్టి, అంతకంటే ముందే మీరు కేవైసీ, ఆధార్ ,బ్యాంక్ సీడింగ్ వంటి పనులను పూర్తి చేసుకోవాలి. అలాగే మీ వివరాల్లో ఏవైనా తప్పులు ఉంటే వెంటనే సరిచేసుకోవడం మంచిది.

వివరాలను పూర్తిగా అప్‌డేట్ చేయండి:
ప్రధానమంత్రి కిసాన్ సమ్మాన్ నిధి ద్వారా లబ్ధి పొందుతున్న వారు తమ వివరాల్లో ఏవైనా లోపాలు ఉంటే తప్పకుండా అప్‌డేట్ చేయాలి. పిఎం కిసాన్ పోర్టల్‌లో 'Missing Information' అనే ఆప్షన్‌ను ఎంచుకోవడం ఉత్తమం. అక్కడ ఒక కొత్త పేజీ ఓపెన్ అవుతుంది. అందులో మీ ఆధార్ రిజిస్ట్రేషన్ నంబ, క్యాప్చా కోడ్‌ను నమోదు చేసి సెర్చ్ చేయాలి. అక్కడ మీ వివరాల్లో ఏవైనా తక్కువగా ఉంటే, వాటిని సరిగ్గా నమోదు చేసి అప్‌డేట్ చేయండి.

మొబైల్ నంబర్:
ఏవైనా కారణాల వల్ల మీ మొబైల్ నంబర్ మారితే, వెంటనే దాన్ని కూడా అప్‌డేట్ చేయండి. పిఎం కిసాన్ నిధులు పొందడానికి ఇది చాలా అవసరం. మీరు సెర్చ్ చేసేటప్పుడు రిజిస్ట్రేషన్ నంబర్ లేదా ఆధార్ నంబర్ ద్వారా వివరాలను పొందవచ్చు. మీ ఆధార్‌తో మొబైల్ నంబర్ లింక్ అయి ఉండేలా చూసుకోండి.

ఆన్‌లైన్ రిఫండ్:
ఒకవేళ అర్హత లేని వారు పొరపాటున ఈ పథకం ద్వారా నిధులు పొందితే, 'Ineligible Refund' ఆప్షన్‌ను క్లిక్ చేయాలి. అక్కడ మీ రిజిస్ట్రేషన్ నంబర్ లేదా ఆధార్ నంబర్ ద్వారా వివరాలను నమోదు చేసి, ఓటీపీ ద్వారా వెరిఫై చేయాలి. మీరు అనర్హులని తేలితే, ఆ రిఫండ్ ఇన్‌స్టాల్‌మెంట్‌ను తిరిగి చెల్లించాల్సి ఉంటుంది.

వివరాలను నమోదు చేయడం చాలా సులభం:
పీఎం కిసాన్ యోజన పోర్టల్‌లో 'Search Your Point of Contact' అనే ఆప్షన్‌ను ఎంచుకోండి. అక్కడ 'State Nodal Contact Details' పై క్లిక్ చేస్తే నోడల్ ఆఫీసర్ పేరు, అడ్రస్, నంబర్ కనిపిస్తాయి. అలాగే 'District Nodal' ఆప్షన్ ద్వారా మీ జిల్లాను సెలెక్ట్ చేసుకుని సబ్మిట్ చేస్తే, మీ జిల్లా నోడల్ ఆఫీసర్ ఫోన్ నంబర్, ఈమెయిల్ ఐడి కూడా తెలుస్తుంది. ఏదైనా సమాచారం సరిగ్గా అర్థం కాకపోయినా లేదా వివరాలు అప్‌డేట్ చేయాలన్నా వారి ద్వారా సంప్రదించి తెలుసుకోవచ్చు.