Gujarat Two Headed Snake Video: లక్షల్లో ఒకటి.. గుజరాత్‌లో బైటపడ్డ అరుదైన రెండు తలల పాము.. వీడియో వైరల్..

Rare Two headed wolf snake rescued in Gujarat video: గుజరాత్ లోని  దాహోద్ జిల్లాలో అరుదైన రెండు తలల పాము బైటపడింది. ఈ క్రమంలో ధన్‌పూర్ పరిధిలోని అగస్వాణి గ్రామంలోని  పొలంలో ఈ వింత పాము కనిపించింది.  ఈ పాము రెండు తలలను కల్గి  ఉంది. అదే విధంగా నాలుగు కళ్లను కల్గి ఉండి, సుమారు 6 అంగుళాల పొడవు ఉందని గుర్తించారు. వెంటనే స్థానికులు అటవీ శాఖ అధికారులకు సమాచారం అందించారు. 

🚨 RARE TWO-HEADED SNAKE RESCUED IN GUJARAT A rare two-headed Wolf Snake has been rescued in Dahod’s Dhanpur range in what has been reported as the first such case in Gujarat. The condition known as bicephaly is a rare developmental abnormality in which two heads develop on a single body. Both heads function independently. The non-venomous snake is reportedly the fifth such case documented in India. 🎥 Visuals From The Rescue #Gujarat #Dahod #Snake

— contentkikamii (@contentkikamii) October 6, 2026

ఆ తర్వాత పాములను గుర్తించే నిపుణులు అక్కడకు చేరుకున్నారు. దీనికి  రెండు తలలు విడివిడిగా ఉండి, స్వతంత్రంగా పనిచేస్తున్నాయి. దీన్ని అరుదైన తోడేలు పాము (Wolf Snake) అని పిలుస్తారని శాస్త్రవేత్తలు చెబుతున్నారు.

ఇది లక్షలో ఒకటైన  అరుదైనపామని  శాస్త్రవేత్తలు సైతం దీన్ని చూసి ఆశ్చర్యపోతున్నారు. కానీ ఈ విశిష్టమైన పాము ఎక్కువ కాలం జీవించదని తెలిపారు.ఈ అరుదైన రెండు తలల పామును అటవీశాఖ అధికారులు సురక్షితంగా  కాపాడారు. ఈ రెండు తలల పాము జాతి గుజరాత్‌లో మొదటిసారిగా కనిపించింది. 

వన్యప్రాణి నిపుణుల ప్రకారం, ఇది ఒక "తోడేలు పాము లేదా సాధారణ వాడుకలో "వరుదంతి" అని కూడా పిలుస్తారు. ఇది పూర్తిగా విషరహితమైన పాము అని, మానవులకు ఎలాంటి ముప్పును కలిగించదని నిపుణులు చెబుతున్నారు. ఇది బల్లులు, చిన్న కీటకాలను ఆహరంగా తీసుకుంటుందని చెబుతున్నారు.    

శాస్త్రీయంగా, దీనిని బైసెఫాలీ అంటారని, ఇది ఒక జన్యుపరమైన రుగ్మత, ఇది పది లక్షల జాతులలో ఒకదానిలో మాత్రమే కనిపిస్తుందని నిపుణులు చెబుతున్నారు. ఈ పాములు ముందుకు  వెళ్లడంలోను, ఆహారంను పట్టుకొవడంలో కూడా తీవ్ర ఇబ్బందులు పడతాయి. 

అదే విధంగా శత్రువుల బారి నుంచి తమను తాము కాపాడు కోవడంతో ఇబ్బందులు ఎదుర్కొంటాయని నిపుణులు చెబుతున్నారు. అందుకే ఇలాంటి జీవులు ప్రకృతిలో ఎక్కువ కాలం జీవించలేవని చెబుతున్నారు.  ప్రకృతి యొక్క ఈ అద్భుతమైన రెండు తలల పామును చూసేందుకు స్థానికంగా ఉన్న వన్యప్రాణి ప్రేమికులు భారీగా తరలివస్తున్నారు. ఈ వీడియో ప్రస్తుతం నెట్టింట వైరల్ గా మారింది.