Invest Telangana: రండి పెట్టుబడులు పెట్టండి.. ఢిల్లీలో తెలంగాణ ప్రభుత్వం ఆహ్వానం
Telangana Representatives Invites Come And Invest In Telangana: తెలంగాణలో పెట్టుబడులు పెట్టేందుకు పారిశ్రామికవేత్తలు ముందుకు రావాలని తెలంగాణ ప్రభుత్వం ఆహ్వానం పలికింది. న్యూఢిల్లీ వేదికగా ప్రభుత్వం ఏర్పాటుచేసిన కార్యక్రమంలో తెలంగాణ ప్రతినిధులు, ముఖ్యమంత్రి కీలక ప్రసంగం చేశారు. ఆ వివరాలు ఇలా ఉన్నాయి.
Invest Telangana Global Summit 2026: ఢిల్లీలో ఇన్వెస్ట్ తెలంగాణ గ్లోబల్ సమ్మిట్ -2026 కర్టెన్ రైజర్ కార్యక్రమం నిర్వహించగా కేంద్ర వాణిజ్య, పరిశ్రమల శాఖ మంత్రి పీయూష్ గోయల్ కార్యక్రమానికి ముఖ్య అతిథిగా హాజరయ్యారు. వివిధ రంగాల్లో హైదరాబాద్ సాధించిన విజయాలు, ప్రభుత్వం అందిస్తున్న మద్దతుపై తెలంగాణ రాష్ట్ర ప్రభుత్వ ప్రధాన కార్యదర్శి సంజయ్ జాజు ప్రజంటేషన్ ఇచ్చారు. 3 ట్రిలియన్ డాలర్ల ఆర్థిక వ్యవస్థ లక్ష్యంగా తెలంగాణ ప్రభుత్వం అడుగులు వేస్తోందని ఐటీ శాఖ మంత్రి శ్రీధర్ బాబు తెలిపారు.
'ఇప్పటికే ఐటీ, ఫార్మా రంగాల్లో నాయకత్వ స్థానంలో హైదరాబాద్, తెలంగాణ ఉన్నాం. రక్షణ రంగం, అంతరిక్ష రంగాల్లోనూ హైదరాబాద్ ముందు ఉంది. వచ్చే తరాలను నైపుణ్య శక్తిగా తీర్చిదిద్దేందుకు యంగ్ ఇండియా స్కిల్ యూనివర్సిటీ ప్రారంభించాం. భారత్ ఫ్యూచర్ సిటీలో జరగనున్న ఇన్వెస్ట్ తెలంగాణ గ్లోబల్ సమ్మిట్‌కు హాజరు కావాలని పారిశ్రామికవేత్తలకు ఆహ్వానం పలుకుతున్నాం' అని ఐటీ శాఖ మంత్రి శ్రీధర్ బాబు వెల్లడించారు.
