Video: టిక్కెట్‌ లేకుండానే ఏసీ కోచ్‌లోకి ప్రవేశం.. చిర్రెత్తుకొచ్చి రిజర్వ్‌డ్‌ ప్యాసింజర్లు ఏం చేశారంటే?
టిక్కెట్‌ లేని ప్రయాణం నేరం. అంతేకాదు కొందరు వెయిటింగ్‌ లిస్ట్‌లో ఉన్నా కూడా రైల్వే ప్రయాణం చేస్తారు. అయితే, ఇదే విధంగా టికెట్‌ లేకుండానే తాజాగా కొంతమంది ఏసీ కోచ్‌లోకి ప్రవేశించారు. దీంతో అది జనరల్‌ కోచ్ మాదిరి తలపించింది. ఇక చిర్రెత్తుకొచ్చిన రిజర్వ్‌డ్‌ ఏసీ కోచ్ ప్రయాణీకులు ఏకంగా చైన్‌ లాగేశారు. ఆ తర్వాత ఏం జరిగింది వీడియో మీరే చూడండి.
Ticketless Passengers In AC Coach: భారతీయ రైల్వే దేశానికే ఒక వెన్నుముఖ వంటిది. సుదీర్ఘ గమ్యస్థానానికి తక్కువ సమయంలోనే చేరవేస్తుంది. ఇందులో ప్రయాణం కూడా ఈజీ. కేవలం ప్రయాణీకులు మాత్రమే కాదు వస్తువులను కూడా ఒక ప్రాంతం నుంచి మరో ప్రాంతానికి తరలిస్తారు. అయితే, రైలులో ప్రయణించే సమయంలో కొందర చేస్తున్న పనులు ఇతరులకు చాలా చిరగ్గా అనిపిస్తుంది. అలాంటి వీడియో సోషల్ మీడియాలో వైరల్‌ అవుతుంది.
సాధారణంగా రైలు ప్రయాణంలో రెండు నెలలు ముందుగానే టిక్కెట్‌ రిజర్వ్‌ చేసుకోవాల్సి ఉంటుంది. ఇది కాకుండా కొన్ని తత్కాల్‌ టిక్కెట్లు ఒకరోజు ముందు ప్రతి రోజు ఉదయం 10 గంటలు, నాన్‌ ఏసీ అయితే, 11 గంటలకు బుక్‌ చేసుకోవచ్చు. కొన్ని టిక్కెట్లు మాత్రం రద్దీ దృష్ట్యా వెయిటింగ్‌ లిస్ట్‌లో ఉండిపోతాయి. అవి దాదాపు కేన్సల్ అయినట్లే. అయితే, టిక్కెట్‌ లేని వారు కూడా సులభంగా రైలు ఎక్కి ఏకంగా ఏసీ కోచ్‌లోకి ప్రవేశించి అందులోని ప్రయాణీకులకు ఇబ్బంది కలిగిస్తున్నారు. సాధారణంగా ఏసీ టిక్కెట్‌ అంటేనే ఖర్చుతో కూడుకుంది. అందులో ప్రయాణం కాస్త సులభతరం కాబట్టి ఎక్కువ డబ్బు ఖర్చు పెట్టి మరీ ప్రయాణం చేస్తారు. అయితే, సోషల్ మీడియాలో ఉదయం నుంచి ఒక వీడియో వైరల్‌ అవుతోంది.
ఈ వీడియోలో టిక్కెట్‌ లేకుండానే రైలు ఏసీ కోచ్‌లోకి ప్రవేశించారు. దీంతో అది ఏకంగా జనరల్‌ కోచ్‌ను తలపించింది. ఇక ఇలాంటి సంఘటనలు జరుగుతున్నా కొందరు పట్టనట్టుగానే వ్యవహరిస్తున్నారు. దీంతో చిర్రెత్తుకొచ్చిన రిజర్వ్‌డ్‌ కోచ్ ప్రయాణీకులు ఏకంగా ఎమర్జెన్సీ చైన్‌ లాగి ట్రైన్‌నే ఆపేశారు. ఇక టిక్కెట్‌ లేకుండా ఇలా వారు కూడా ప్రయాణిస్తే తాము ముందుగా బుక్‌ చేసుకుని ఏం లాభమని ఫైరవుతున్నారు. అంతేకాదు ఏసీ కోచ్ అనేది ఫ్రీ ఎంట్రీ కోసం కాదని.. టిక్కెట్‌ చెక్‌ చేయాలని అధికారులను కోరారు. ఇంత డబ్బు పెట్టి ఏసీ టిక్కెట్‌ కొనుగోలు చేస్తే ఇలానే రైల్వే పట్టకుండానే చేస్తారా? అని ప్రశ్నిస్తున్నారు. ఈ వీడియో సోషల్ మీడియాలో షేర్‌ చేశారు. దీంతో రకరకాలుగా కామెంట్లు కూడా వస్తున్నాయి.
సాధారణంగా టిక్కెట్‌ లేకుండా ప్రయాణం చేసినా.. వెయిటింగ్‌ లిస్ట్‌ ఉన్నప్పుడు ప్రయాణం చేసిన టీటీఈ భారీ జరిమానా విధిస్తారు. అంటేకాదు జనరల్‌ టిక్కట్‌తో ఏసీ కోచ్ ప్రయాణం కూడా చేయకూడదు. ఇలా చేయడం వల్ల కూడా ఫైన్‌ విధిస్తారు. అయితే, కొంతమంది టీటీలు పట్టనట్టుగా వ్యవహరిస్తారు. దీంతో టిక్కెట్‌ కొనుగోలు చేసి, ఏసీ కోచ్‌లో ప్రయాణం చేస్తున్నవారికి ఇలా ఇబ్బందులు ఎదురవుతాయి. కుంభమేళ సమయంలో కూడా ఇలాంటి ఘటనలు పెద్ద ఎత్తునే జరిగాయి. కొన్ని రైల్వే స్టేషన్‌లో అయితే, రైలు ఎక్కలేకపోతున్నామని ఏకంగా అద్దాలను కూడా ధ్వంసం చేశారు. కానీ, ఇలా చేయడం చట్టరీత్యా నేరం. ఇలాంటి పనులు చేస్తే భారీ ఫైన్‌, శిక్ష కూడా విధించే అవకాశం ఉంది.
