చెల్లి చేసిన పనికి తండ్రి కీలక నిర్ణయం.. బతికుండగానే పిండ ప్రదానం, అసలు కథ ఇదే!

Up Woman Marries Rakhi Brother: గత 15 ఏళ్లగా సోదరుడిగా భావించి రాఖీ కట్టిన యువకుడినే ఓ యువతి పెళ్లి చేసుకున్న విచిత్ర ఘటన ఉత్తరప్రదేశ్‌లోని ప్రయాగ్‌రాజ్ సమీప గ్రామంలో చోటు చేసుకుంది. అంతేకాకుండా సోషల్ మీడియాలో కూడా ఈ ఘటన ఇప్పుడు తీవ్ర చర్చనీయాంశమైంది. తమ రక్తసంబంధాన్ని, కుటుంబ గౌరవాన్ని మంటగలిపిందని ఆగ్రహంతో యువతి కుటుంబసభ్యులు ఆమెతో శాశ్వతంగా సంబంధాలు తెంచుకోవడమే కాకుండా.. బతికుండగానే ఆమెకు అంత్యక్రియలు నిర్వహించారు. దీనికి సంబంధించిన ఫోటోలతో పాటు వీడియోలు కూడా ఇప్పుడు సోషల్ మీడియాలో ఊహించని స్థాయిలో వైరల్ అవుతున్నాయి. అయితే, ఈ ఘటనకు సంబంధించిన పూర్తి వివరాలేంటో ఇప్పుడు మనం తెలుసుకుందాం..

ఈ ఘటనకు సంబంధించిన పూర్తి వివరాల్లోకి వెళ్తే.. ప్రయాగ్‌రాజ్ ప్రాంతంలోని ఓ గ్రామానికి సంబంధించిన నందినీ పాండే (20)తో పాటు అదే గ్రామానికి.. చెందిన శశ్వత్ గుప్తా (22) కొన్నేళ్లుగా ఒకరికొకరు బాగా తెలుసు.. శశ్వత్ తరచూ.. నందిని ఇంటికి వస్తూ ఉండేవాడు.. చిన్నప్పటి నుంచి అంటే దాదాపు 15 సంవత్సరాలుగా నందిని అతడిని సోదరుడిగా భావించి.. ప్రతి రాఖీ పండగకి.. రాఖీ కట్టేదని కుటుంబ సభ్యులు తెలిపారు.. అయితే, సెప్టెంబర్ 20న వీరిద్దరూ అకస్మాత్తుగా ఇళ్ల నుంచి జంప్‌ అయి వివాహం చేసుకున్నారట..

అయితే, వీరి ఈ పెళ్లి విషయం తెలిసిన వెంటనే నందిని కుటుంబ సభ్యులు తీవ్ర దిగ్భ్రాంతికి గురైనట్లు తెలుస్తోంది.. సోదరుడిగా భావించిన వ్యక్తితోనే పెళ్లి కావడంతో ఆ యువతి తండ్రి తీవ్ర ఆగ్రహానికి గురైనట్లు తెలుస్తోంది. సమాజంలో తమ పరువు పోయిందని.. ఇకపై ఆమె తమకు కూతురు కాదని వెల్లడించారు.. హిందూ సంప్రదాయం ప్రకారం... ఆమెకు అంతిమ సంస్కారాలు కూడా ఇటీవలే నిర్వహించారు. ఆమె తమకు చనిపోయిందని అందిరితో చెప్పారట.. అంతేకాకుండా, శశ్వత్ తమ కుమార్తెను మాయమాటలతో బురిడీ కొట్టించాడని.. ఇంట్లో ఉన్న దాదాపు రూ.2 లక్షల డబ్బులను తీసుకుని వెళ్లారని ఈ సమయంలో బంధువులు ఆరోపించారు..

కుటుంబ సభ్యుల ఒత్తిడితో నందిని సోషల్ మీడియాలో ఒక వీడియో విడుదల చేసి స్పందించింది.. వారిద్దరూ పరస్పర అంగీకారంతో.. ప్రేమించే పెళ్లి చేసుకున్నారని.. ఆమె ఆ వీడియోలో స్పష్టం చేసింది. అంతేకాకుండా తాను ఇంట్లో నుంచి ఎంలాంటి డబ్బులు తీసుకువెళ్లలేదని.. చెబుతూ వారి తండ్రి ఆరోపణలను ఖండించింది. ఇంట్లో తనపై శారీరక, మానసిక వేధింపులు ఎక్కువయ్యాయని.. అందుకే ఇల్లు వీడాల్సి వచ్చిందని వీడియోలో తెలిపింది.. ప్రస్తుతం ఈ వీడియో మాత్రం సోషల్ మీడియాలో విపరీతంగా వైరల్ అవుతోంది.