పెళ్లి పీటలెక్కాల్సిన వధువు బురద పొలంలోకి.. ఏం జరిగింది?

Bride Falls Into Rice Field Video: పెళ్లి రోజు అంటే.. ప్రతి అమ్మాయి జీవితంలో ఒక మధురమైన కలగా భావిస్తూ ఉంటారు. అందమైన దుస్తులతో పాటు అద్భుతమైన మేకప్, బంధుమిత్రుల కోలాహలం మధ్య కొత్త జీవితంలోకి అడుగుపెట్టాలని ఎన్నో ఆశలు ఉంటాయి.. కానీ.. వియత్నాంలోని ఒక పెళ్లికూతురు పెళ్లి ముహూర్తానికి కొద్ది నిమిషాల ముందే.. ఊహించని, వింతైన అనుభవం ఎదురైందట.. ఆనందంగా అత్తారింటికి వెళ్లాల్సిన ఆమె.. అనుకోని ప్రమాదంతో నిలువెల్లా బురదలో మునిగిపోయింది.. ఇప్పుడు దీనికి సంబంధించిన ఘటన సోషల్ మీడియాలో విపరీతంగా వైరల్ అవుతోంది. అయితే, దీనికి సంబంధించిన అన్ని వివరాలేంటో ఇప్పుడు మనం తెలుసుకుందాం..

వియత్నాంలోని తుయెన్ క్వాంగ్‌లో నవంబర్ 10వ తేదీ ఉదయం ఈ ఘటన చోటుచేసుకుందట.. 21 ఏళ్ల వరుడు  లీ వాన్ వియత్, 19 ఏళ్ల వధువు డామ్ థీ జువాన్ వివాహ చేసుకునేందుకు వరుడి ఇంటికి కారులో బయలుదేరారట.. మరికొద్ది నిమిషాల్లో పెళ్లి మండపానికి చేరుకుంటారనగా.. వారి కారు అకస్మాత్తుగా అదుపుతప్పి రోడ్డు పక్కనే వరి పొలంలోకి బోల్తా పడింది..

వరుడు అందించిన సమాచారం ప్రకారం.. పెళ్లి కారు బానెట్‌పై అందంగా పూలతో అలంకరించారు.. అయితే.. ప్రయాణం చేసే క్రమంలో బలమైన గాలులు వీచడంతో ఆ పూల డిజైన్‌ ఉన్నట్లుండి.. లేచి కారు ముందు విండ్‌షీల్డ్ పూర్తిగా కప్పుకుపోయిందట.. దీంతో డ్రైవర్‌కు ఎదురుగా ఉన్న రోడ్డు ఏమాత్రం కనిపించలేదట.. దీంతో కారు దాదాపు ఒక మీటరు లోతులో ఉన్న బురద వరి పొలంలోకి పడిపోయిందట..

కారు బోల్తా పడగానే వెనుక వస్తున్న బంధువులతో పాటు స్థానికులు వెంటనే సహాయక చర్యలు చేపట్టారట.. కారు బరువుగా ఉండటంతో మొదట పైకి లేపడం ప్రయత్నించారట.. స్థానికుల సాయంతో వధూవరులను సురక్షితంగా బయటకు తీశారు.. అయితే.. వధువు కూర్చున్న వైపు కారు ఒరగడంతో కిటికీ లోంచి బురదంతా ఆమెపై పడింది.. బయటకు వచ్చిన వధువును చూసి అక్కడున్న వారంతా నవ్వుకున్నారట.. ఆమె ధరించిన మెరిసే తెల్లటి పెళ్లి గౌను, జుట్టు, శరీరం మొత్తం బురదతో నిండిపోయి.. అచ్చం మట్టి బొమ్మలా మారిపోయింది. ప్రస్తుతం ఈ దృశ్యాలే సోషల్ మీడియాలో విపరీతంగా వైరల్ అవుతున్నాయి. ఈ వీడియో చూసిన చాలా మంచి అయ్యే పాపం అంటూ కామెంట్స్‌ చేస్తున్నారు.