బెంగాల్‌లో నవరాత్రుల్లో అమ్మవారికి చేపల కూర నైవేద్యం.. అసలు కథ ఇదేనా?

Fish Offering During Durga Puja Telugu: దేశవ్యాప్తంగా నవరాత్రి వేడుకలు అత్యంత భక్తిశ్రద్ధలతో ఎంతో ఘనంగా జరుగుతున్నాయి. సాధారణంగా దేవీ నవరాత్రుల్లో తొమ్మిది రోజులపాటు భక్తులు కఠినమైన ఉపవాసాలు ఉంటూ.. అమ్మవారికి పూర్తిగా శాకాహారం పిండివంటలు, పండ్లను ప్రసాదంగా సమర్పిస్తూ వస్తారు. కానీ పశ్చిమ బెంగాల్లో మాత్రం ఎందుకు భిన్నంగా.. శతాబ్దాలుగా ఒక ప్రత్యేకమైన సాంప్రదాయం కొనసాగుతూ వస్తోంది. అక్కడ దుర్గామాత పూజల్లో భాగంగా రకరకాల చేపలను అత్యంత భక్తితో నైవేద్యంగా సమర్పిస్తారు.

దుర్గాదేవికి నివేదించే చేపల వంటకాల తయారీలో నిర్దిష్టమైన పద్ధతులను పాటిస్తూ వస్తారు.. అమ్మవారి నైవేద్యం కోసం తయారు చేసే చేపల కూరల్లో ఉల్లిపాయలతో పాటు వెల్లుల్లిని అస్సలు వినియోగించారట.. అంతేకాకుండా సాంప్రదాయ సుగంధ ద్రవ్యాలతో పాటు ఆవనూనె, అల్లం, పచ్చిమిర్చి వంటి సాత్విక పద్ధతికి దగ్గరగా ఉండే పదార్థాలతోనే ఈ చేపల కూర వండుతారు. పూజా నిబంధనల ప్రకారం ఎంతో నిష్టతో వంటచేసి దుర్గామాత విగ్రహం ఎదుట పవిత్రంగా సమర్పిస్తారట..

బెంగాలీ సాంస్కృతిలో చేపలకు అత్యున్నతమైన స్థానం ఉంటుంది. చేపలను కేవలం ఆహారంగా మాత్రమే కాకుండా శుభానికి, శ్రేయస్సుకు, దీర్ఘాయుష్షు కు సూచికగా భావిస్తూ ఉంటారట. శుభకార్యాలలోనూ.. ముఖ్యంగా పెళ్లిలోనూ, కొత్త పనుల్లో చేపలను చూడటాన్ని, వండతాన్ని మంగళప్రదంగా భావిస్తారట. అలాగే తాంత్రిక సాంప్రదాయాల ప్రకారం చేపలను సమర్పించడం అనేది ప్రకృతి పరిపూర్ణతకు నిదర్శనంగా చెబుతూ వస్తారు.. మాంసాహారాన్ని జీవిత సంపూర్ణతను వ్యక్తీకరించే ఒక సాధనంగా చూసే ఈ దృక్పథం వల్లే.. అమ్మవారికి పెట్టే నైవేద్యం అత్యంత పవిత్రమైనదిగా భావిస్తారు..

బెంగాల్ ప్రజలు దుర్గాదేవిని కేవలం లోక రక్షక దేవతనే కాకుండా.. తమ కన్న కూతురు పుట్టింటికి వచ్చినంత ఆపేయాతగా చూసుకుంటారట.. కుమార్తె తమ ఇంటికి వచ్చినప్పుడు ఆమెకు ఇష్టమైన ఆహారాన్ని ఎంత ప్రేమతో వండి పెడతారో.. జగన్మాతకు కూడా తమ సాంస్కృతిలోని అత్యంత ప్రీతికరమైన చేపలను భక్తితో వండి పెడతారట.. దేశంలోని విభిన్న ప్రాంతాల్లో విభిన్నమైన ఆచారాలు ఉన్నప్పటికీ.. భగవంతుడి పట్ల భక్తితో పాటు ప్రేమానురాగాలు ఒకే తీరుగా ఉంటాయ్.. అనడానికి బెంగాల్ లో కొనసాగుతున్న ఈ సాంప్రదాయం ఒక అద్భుతమైన నిదర్శనంగా భావించవచ్చు..