కలియుగ దైవానికి భారీ విరాళం.. శ్రీవారికి లక్షలు విలువ చేసే వజ్రాల లాకెట్, ముత్యాల హారాన్ని సమర్పించిన రాజస్థాన్ భక్తులు!

తిరుమల శ్రీవారికి విరాళం

తిరుమల శ్రీవారికి భక్తుల నుండి విరాళాల వరద కొనసాగుతోంది. ఈరోజు లక్షల విలువ చేసే ఆభరణాలను భక్తులు శ్రీవారికి సమర్పించారు. శనివారం నాడు శ్రీమతి ఆర్తి బిందాల్‌ దంపతులు రూ.51.5 లక్షల విలువ చేసే 174 గ్రాముల బంగారు లాకెట్, ముత్యాల హారాన్ని విరాళంగా ఇచ్చారు.

తిరుమల తిరుపతి దేవస్థానం

ఇందులో వజ్రాలు, రత్నాలు పొదిగిన 147 గ్రాముల బంగారు లాకెట్ విలువ రూ.44.35 లక్షలు కాగా, వజ్రాలు, కెంపులు ఉన్న 27 గ్రాముల మూడు వరుసల ముత్యాల హారం విలువ రూ.7.20 లక్షలు.

టీటీడీ చైర్మన్

దాతలు ఈ ఆభరణాలను రంగనాయకుల మంటపంలో టీటీడీ చైర్మన్ శ్రీ బి.ఆర్. నాయుడుకు స్వయంగా అందజేశారు. అలాగే, తాడిపత్రికి చెందిన భక్తుడు శ్రీ హర్షవర్ధన్ రెడ్డి శనివారం టీటీడీ భక్తుల ట్రస్టుకు రూ.10 లక్షల రూపాయల విరాళం అందించారు.

టీటీడీ

దాత తరఫున టీటీడీ బోర్డు సభ్యులు శ్రీ నన్నపనేని సదాశివరావు, శ్రీవారి ఆలయ రంగనాయకుల మంటపంలో చైర్మన్ బి.ఆర్. నాయుడుకు ఈ విరాళాలను అందజేశారు. అదేవిధంగా, శ్రీవారి సాలగట్ల బ్రహ్మోత్సవాల సందర్భంగా భక్తులకు మెరుగైన సౌకర్యాలు అందించాలని కోరుతూ, హైదరాబాద్‌కు చెందిన ఎస్.ఎస్.కె ఫార్మా డిస్ట్రిబ్యూటర్స్ యజమాని రూ.15 లక్షల విలువైన ఔషధాలను విరాళంగా అందించారు.

తిరుపతి

వీరిలో డ్రగ్స్ ప్రైవేట్ లిమిటెడ్ అధినేత తలశీల వెంకటేశ్వరరావు మూడు లక్షల విలువైన ఔషధాలను శనివారం విరాళంగా ఇచ్చారు. అలాగే, తిరుపతికి చెందిన శ్రీ విష్ణు ప్రసాద్ అనే భక్తుడు కూడా శ్రీవారికి 10 లక్షల 1116 విరాళాన్ని అందించారు.