Khushbu weight loss: 98.6 కిలోల నుంచి 40 కిలోలు తగ్గిన ఖుష్బూ.. అన్నిటికీ కారణం అతనే అంటూ కామెంట్స్!

ఖుష్బూ డైట్ ప్లాన్

తమిళ సినీ నటి ఖుష్బూ తన అద్భుతమైన బరువు తగ్గింపు ప్రయాణంతో ఇప్పుడు అందరి దృష్టిని ఆకర్షిస్తున్నారు. దాదాపు 40 కిలోల బరువు తగ్గడం ఒక్క రోజులో జరిగిన మార్పు కాదని ఆమె వెల్లడించారు. ఆరోగ్య సమస్యలు, కుటుంబం ఇచ్చిన ప్రోత్సాహం, ఆహారంలో చేసిన మార్పులు తన ప్రయాణంలో ముఖ్యమైన పాత్ర పోషించాయని చెప్పారు.

సుందర్ మోటివేషన్

ఒక సమయంలో ఖుష్బూ బరువు 98.6 కిలోలకు చేరింది. అయితే అధిక బరువు కారణంగా ఆమెకు మోకాళ్లలో తీవ్ర నొప్పి మొదలైంది. నడవడం, పరుగెత్తడం మాత్రమే కాకుండా మెట్లు ఎక్కడం కూడా చాలా కష్టంగా మారింది. షూటింగ్ సమయంలో మోకాలికి గాయం కావడంతో ఆమెకు శస్త్రచికిత్స కూడా జరిగింది. ఆ తర్వాత వైద్యులు బరువు తగ్గడంపై దృష్టి పెట్టాలని సూచించారు.

ఖుష్బూ తాజా వార్తలు

2021లో ఖుష్బూ తన ఆరోగ్యంపై ప్రత్యేకంగా దృష్టి పెట్టడం ప్రారంభించారు. దాదాపు ఐదేళ్ల పాటు క్రమంగా ప్రయత్నిస్తూ 38 నుంచి 40 కిలోల వరకు బరువు తగ్గారు. ప్రస్తుతం ఆమె తన లక్ష్యానికి చేరువయ్యారు. ఈ మార్పుకు తన భర్త సుందర్ కూడా ఒక కారణమని ఖుష్బూ తెలిపారు. సుందర్ ముందుగానే బరువు తగ్గే ప్రయత్నం ప్రారంభించారు. ఆయనలో వచ్చిన మార్పును చూసి ఖుష్బూకు కూడా తన ఆరోగ్యంపై శ్రద్ధ పెట్టాలనే ఆలోచన వచ్చింది. ఆమె పిల్లలు కూడా ఫిట్‌నెస్‌పై దృష్టి పెట్టడం ఆమెకు మరింత ప్రోత్సాహం ఇచ్చింది.

తమిళ నటి ఖుష్బూ

ఆహారంలో కూడా ఖుష్బూ కీలకమైన మార్పులు చేశారు. వైద్యులను సంప్రదించిన తర్వాత తనకు గ్లూటెన్‌ను తట్టుకోలేని సమస్య ఉందని తెలుసుకున్నారు. దీంతో చపాతీ, మైదా వంటి గ్లూటెన్ ఉన్న ఆహారాలను తన డైట్ నుంచి తొలగించారు.

ఖుష్బూ బరువు తగ్గిన విధానం

తనకు ప్రస్తుతం డయాబెటిస్ లేదా బీపీ వంటి సమస్యలు లేవని ఖుష్బూ తెలిపారు. అయితే వయసు పెరిగే కొద్దీ ఇలాంటి సమస్యలు వచ్చే అవకాశం ఉండటంతో ముందుగానే జాగ్రత్త పడాలని నిర్ణయించుకున్నట్లు చెప్పారు. ఖుష్బూ బరువు తగ్గడం కేవలం అందం కోసం చేసిన ప్రయత్నం కాదు. ఆరోగ్యంగా ఉండటం, భవిష్యత్తులో వచ్చే సమస్యలను నివారించడం తన ప్రధాన లక్ష్యమని ఆమె వెల్లడించారు. కుటుంబం ఇచ్చిన మద్దతు, ఆహారంలో మార్పులు, క్రమశిక్షణతో చేసిన ప్రయత్నం తనకు ఈ మార్పును సాధించడంలో సహాయపడ్డాయని చెప్పారు.