PF Investment Rules 2026: PF డబ్బులపై కేంద్రం కీలక నిర్ణయం.. ఇక ఈ బాండ్లలోనూ పెట్టుబడులు!

ఎగ్జెంప్టెడ్ PF ట్రస్టులు

ప్రస్తుతం ఉద్యోగుల ప్రావిడెంట్ ఫండ్‌ను నిర్వహించే సంస్థల్లో కొన్ని నేరుగా EPFO పరిధిలో ఉంటాయి. మరికొన్ని సంస్థలు ప్రత్యేక అనుమతితో సొంతంగా PF ట్రస్టులను నిర్వహిస్తున్నాయి. వీటినే ఎగ్జెంప్టెడ్ ఎస్టాబ్లిష్‌మెంట్స్ అంటారు. ఉద్యోగులకు EPFO పథకానికి సమానమైన లేదా అంతకంటే మెరుగైన ప్రయోజనాలు అందిస్తే ఇలాంటి సంస్థలకు సొంత PF ట్రస్టులను నిర్వహించుకునే అవకాశం ఉంటుంది.

ఏషియన్ డెవలప్‌మెంట్ బ్యాంక్

ఇప్పటి వరకు ఈ ట్రస్టులకు పెట్టుబడుల విషయంలో కొన్ని పరిమితులు ఉన్నాయి. తాజాగా కేంద్ర ప్రభుత్వం వాటికి మరిన్ని డెట్ ఇన్వెస్ట్‌మెంట్ అవకాశాలను కల్పించింది. దీని వల్ల తమ వద్ద ఉన్న PF నిధులను వివిధ రకాల పెట్టుబడుల్లో పెట్టుకునే అవకాశం లభిస్తుంది. కొత్త నిబంధనల ప్రకారం నాలుగు ప్రముఖ అంతర్జాతీయ ఆర్థిక సంస్థలు జారీ చేసే రూపాయి ఆధారిత బాండ్లలో పెట్టుబడి పెట్టవచ్చు. అయితే ఆ బాండ్లకు కనీసం మూడు సంవత్సరాల మిగిలిన కాలపరిమితి ఉండాలి.

ఇంటర్నేషనల్ ఫైనాన్స్ కార్పొరేషన్

ఈ నాలుగు సంస్థల్లో ఇంటర్నేషనల్ బ్యాంక్ ఫర్ రీకన్‌స్ట్రక్షన్ అండ్ డెవలప్‌మెంట్ (వరల్డ్ బ్యాంక్‌లో భాగం), ఇంటర్నేషనల్ ఫైనాన్స్ కార్పొరేషన్, ఏషియన్ డెవలప్‌మెంట్ బ్యాంక్, న్యూ డెవలప్‌మెంట్ బ్యాంక్ ఉన్నాయి.

PF పెట్టుబడి నిబంధనలు 2026

EPFO పెట్టుబడి విధానం ప్రకారం.. తన మొత్తం నిధుల్లో 20 శాతం నుంచి 45 శాతం వరకు వివిధ డెట్ ఇన్‌స్ట్రుమెంట్లలో పెట్టుబడి పెట్టవచ్చు. ఇందులో ప్రభుత్వ సంస్థలు, కార్పొరేట్ సంస్థలు, అంతర్జాతీయ ఆర్థిక సంస్థలు జారీ చేసే సాధనాలు ఉంటాయి.కొత్త నిబంధనలతో ఎగ్జెంప్టెడ్ PF ట్రస్టులు కేవలం దేశీయ కార్పొరేట్ డెట్‌పై ఆధారపడకుండా తమ పెట్టుబడులను విభజించుకోవచ్చు. దీని ద్వారా దీర్ఘకాలంలో స్థిరమైన రాబడులను పొందే అవకాశాలు పెరుగుతాయని భావిస్తున్నారు.

న్యూ డెవలప్‌మెంట్ బ్యాంక్

దేశవ్యాప్తంగా దాదాపు 1,000 ఎగ్జెంప్టెడ్ PF ట్రస్టులకు ఈ మార్పు ఉపయోగపడే అవకాశం ఉంది. వీటిలో ఎక్కువ భాగం ప్రభుత్వ రంగ సంస్థలకు చెందినవే. ఈ ట్రస్టుల పరిధిలో సుమారు 30 లక్షల మంది సభ్యులు ఉన్నట్లు సమాచారం. అయితే PF ట్రస్టులు ఉద్యోగులకు ప్రకటించే వడ్డీ రేటుపై కూడా పరిమితి ఉంది. EPFO ప్రకటించే వార్షిక వడ్డీ రేటు కంటే రెండు శాతం పాయింట్లకు మించి వడ్డీని ప్రకటించడానికి వీలు లేదు.