జీ తెలుగు న్యూస్
/ఫోటోలు
/Telugu Actress: షారుక్ ఖాన్ డాన్స్ టీచర్ మన తెలుగు స్టార్ హీరోయిన్ అన్న విషయం మీకు తెలుసా..?

Telugu Actress: షారుక్ ఖాన్ డాన్స్ టీచర్ మన తెలుగు స్టార్ హీరోయిన్ అన్న విషయం మీకు తెలుసా..?

Published: Oct 11, 2026, 03:52 PM IST|Updated: Oct 11, 2026, 04:01 PM IST

Telugu Actress: బాలీవుడ్ బాద్‌షా షారుక్ ఖాన్‌తో కలిసి తెరపై కనిపించాలని చాలామంది నటీనటులు కోరుకుంటారు. అలాంటి స్టార్ హీరోతో కలిసి పనిచేయడమే కాకుండా, ఆయన డాన్స్ విషయంలో ప్రత్యేకంగా ప్రశంసలు అందుకున్న తెలుగు ప్రేక్షకులకు సుపరిచితమైన హీరోయిన్ ప్రియమణి. షారుక్ ఖాన్ స్వయంగా ఆమెను తన డాన్స్ టీచర్‌గా పరిచయం చేయడం విశేషం. అసలు వీరిద్దరి మధ్య ఇంత మంచి అనుబంధం ఎలా ఏర్పడింది? తెలుసుకుందాం.

1/5

జవాన్ సినిమా

ప్రియమణి తెలుగు, తమిళం, మలయాళం, కన్నడ, హిందీ భాషల్లో నటిస్తూ మంచి గుర్తింపు తెచ్చుకున్నారు. ముఖ్యంగా తన నటనతో పాటు డాన్స్‌తోనూ ప్రేక్షకులను ఆకట్టుకున్నారు. బాలీవుడ్ స్టార్ షారుక్ ఖాన్‌తో ఆమెకు రెండు సినిమాల ద్వారా మంచి అనుబంధం ఏర్పడింది. అందులో మొదటిది చెన్నై ఎక్స్‌ప్రెస్ కాగా, రెండోది జవాన్. చెన్నై ఎక్స్‌ప్రెస్ సినిమాలోని ‘వన్ టూ త్రీ ఫోర్ గెట్ ఆన్ ది డాన్స్ ఫ్లోర్’ పాటలో ప్రియమణి, షారుక్ ఖాన్ కలిసి డాన్స్ చేశారు. ఈ పాటలో దక్షిణ భారతీయ శైలికి సంబంధించిన కొన్ని స్టెప్పులు ఉన్నాయి. వాటిని ప్రాక్టీస్ చేయడంలో ప్రియమణి షారుక్‌కు సాయం చేశారు.

2/5

ప్రియమణి

అయితే, తాను షారుక్ ఖాన్‌కు పూర్తిగా డాన్స్ నేర్పించలేదని, కొన్ని స్టెప్పుల విషయంలో మాత్రమే సహకరించానని ప్రియమణి చెప్పుకొచ్చారు. షారుక్ ఖాన్ వంటి పెద్ద స్టార్ కొత్త తరహా డాన్స్‌ను నేర్చుకోవడానికి చూపించిన ఆసక్తి తనకు నచ్చిందని ఆమె తెలిపారు. షారుక్ ఖాన్ ఎంత పెద్ద స్టార్ అయినా, తన పనిపై ఎంతో శ్రద్ధ చూపిస్తారని ప్రియమణి గుర్తు చేసుకున్నారు. సినిమా షూటింగ్ పూర్తయిన తర్వాత కూడా ఆయన డాన్స్ ప్రాక్టీస్ చేసేవారని చెప్పారు. మరుసటి రోజు చిత్రీకరణలో ఎలాంటి తప్పులు లేకుండా స్టెప్పులు వేయాలనే ఉద్దేశంతో రాత్రి వేళల్లోనూ సాధన చేసేవారట.

3/5

జిందా బందా పాట

ఈ విషయం షారుక్ ఖాన్‌కు సినిమాల పట్ల ఉన్న అంకితభావాన్ని తెలియజేస్తుంది. ఎంతటి స్థాయికి చేరుకున్నా కొత్త విషయాలు నేర్చుకోవడానికి సిద్ధంగా ఉండటం ఆయన ప్రత్యేకత అని చెప్పవచ్చు. అట్లీ దర్శకత్వంలో వచ్చిన జవాన్ సినిమాలోని ‘జిందా బందా’ పాట చిత్రీకరణ సమయంలో కూడా ఓ ఆసక్తికరమైన సంఘటన జరిగింది. డాన్స్ సమయంలో ప్రియమణి వెనుక వరుసలో ఉండటాన్ని గమనించిన షారుక్ ఖాన్, ఆమెను ముందుకు రావాలని సూచించారు. అంతేకాదు, ఆమె తన డాన్స్ టీచర్ అని సరదాగా చెబుతూ ఆమెకు ప్రత్యేక స్థానం ఇచ్చారు.

4/5

ప్రియమణి తాజా వార్తలు

షారుక్ ఖాన్ అలా చెప్పడంతో ప్రియమణి సంతోషంతో పాటు కొంత ఇబ్బందిగా కూడా భావించారట. ఒక స్టార్ హీరో తనకు ఇచ్చిన గౌరవాన్ని ఆమె ఎంతో ప్రత్యేకంగా గుర్తు చేసుకున్నారు. చెన్నై ఎక్స్‌ప్రెస్ షూటింగ్ సమయంలో షారుక్ ఖాన్, ప్రియమణి కలిసి ఐప్యాడ్‌లో ప్రశ్నలు, సమాధానాలతో కూడిన ఆట కూడా ఆడేవారు. అందులో ప్రియమణి సరైన సమాధానం చెప్పడంతో షారుక్ ఆమెకు రూ.100 బహుమతిగా ఇచ్చారట. అలాగే, ఒకసారి తన వ్యానిటీ వ్యాన్‌లో భోజనం చేయడానికి కూడా ఆహ్వానించారు.