Tanushree Dutta: ఈవిల్ చనిపోయింది.. నానా పటేకర్ మరణంపై తనుశ్రీ దత్తా మాటలు కలకలం..!

నానా పటేకర్ తాజా వార్తలు

నానా పటేకర్ మృతికి సినీ ప్రముఖులు, రాజకీయ నాయకులు సంతాపం వ్యక్తం చేస్తున్నారు. అయితే నటి తనుశ్రీ దత్తా చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. తనుశ్రీ దత్తా మోడలింగ్‌తో కెరీర్ ప్రారంభించారు. 2004లో ఫెమినా మిస్ ఇండియా టైటిల్ గెలుచుకున్నారు. ఆ తర్వాత సినిమాల్లోకి వచ్చారు. 2005లో వచ్చిన ‘ఆషిక్ బనాయా ఆప్నే’ సినిమాతో ఆమెకు మంచి గుర్తింపు వచ్చింది. తెలుగులో బాలకృష్ణతో కలిసి ‘వీరభద్ర’ సినిమాలో కూడా నటించారు.

నానా పటేకర్ మరణంపై స్పందన

అయితే కొంతకాలం తర్వాత తనుశ్రీ సినిమాలకు దూరమయ్యారు. అనంతరం ఆమె చేసిన కొన్ని వ్యాఖ్యలు బాలీవుడ్‌లో పెద్ద చర్చకు కారణమయ్యాయి. ముఖ్యంగా 2008లో ‘హార్న్ ఓకే ప్లీజ్’ సినిమా షూటింగ్ సమయంలో నానా పటేకర్ తనను లైంగికంగా వేధించారని ఆమె ఆరోపించారు. నానా పటేకర్ ఈ ఆరోపణలను ఖండించారు. ఈ వివాదం తర్వాత తనుశ్రీ పేరు మీటూ ఉద్యమంతో బాగా వినిపించింది.

తనుశ్రీ దత్తా నానా పటేకర్

నానాపటేకర్ తన పరిస్ధితిని అసలు అర్ధం చేసుకోకుండా అసభ్యకరమైన డ్యాన్స్ మూవ్‌మెంట్స్ చేయాలని ఒత్తిడి చేశారని అప్పట్లో వ్యాఖ్యానించింది తనుశ్రీ దత్తా. నానాతో పాటు దర్శకుడు వివేక్ అగ్నిహోత్రిపైనా ఇదే రకమైన ఆరోపణలు చేసింది. ఆమె ఈ విషయాలు మీ టు ఉద్యమంలో చెప్పిన తర్వాత.. పలువురు హీరోయిన్లు, మహిళా నటులు తమకు జరిగిన అన్యాయాలను బయటపెట్టారు. తనుశ్రీ దత్తా ఆరోపణలపై పోలీసులు కేసు నమోదు చేసి దర్యాప్తు చేశారు.

నానా పటేకర్ వివాదం

ఇప్పుడు నానా పటేకర్ మరణం తర్వాత తనుశ్రీ ఒక వీడియోను సోషల్ మీడియాలో పంచుకున్నారు. నానా మరణ వార్త తనకు తెలిసిందని, దీనిపై వెంటనే ఎలా స్పందించాలో తనకు అర్థం కావడం లేదని ఆమె చెప్పారు. తాను లక్నోలో ఒక ముఖ్యమైన కార్యక్రమానికి వెళ్లాల్సి ఉందని, ప్రస్తుతం తన దృష్టి ఆ కార్యక్రమంపైనే ఉందని ఆమె తెలిపారు. తాను ముందుగా లైవ్ సెషన్లు నిర్వహించాలని, కంటెంట్ పోస్ట్ చేయాలని అనుకున్నానని చెప్పారు. కానీ ఇప్పుడు పరిస్థితి మారిపోయిందని అన్నారు.

తనుశ్రీ దత్తా వివాదం

తనుశ్రీ మాట్లాడుతూ, సాయంత్రం సమయానికి మీడియా దృష్టి మొత్తం ‘ఈవిల్ డెడ్’పైనే ఉంటుందని వ్యాఖ్యానించారు. అనంతరం నానా కుటుంబానికి సానుభూతి తెలియజేయాలని అనుకుంటున్నానని చెప్పి వీడియోను ముగించారు. ఆమె వ్యాఖ్యలపై సోషల్ మీడియాలో కొందరు నెటిజన్లు విమర్శలు చేస్తున్నారు. నానా పటేకర్ మరణం భారతీయ సినిమాకు తీరని లోటుగా పలువురు ప్రముఖులు పేర్కొన్నారు. ఆయన ఐదు దశాబ్దాలకు పైగా సినిమాల్లో నటించి ప్రత్యేక గుర్తింపు సంపాదించారు.