Vijay Rashmika: ఫిబ్రవరి 26 కాదు.. అంతకముందే పెళ్లి చేసుకున్న విజయ్, రష్మిక.. అసలు సీక్రెట్ ఇదే!

రణబాలి సినిమా

విజయ్ దేవరకొండ, రష్మిక మందన్న జంటగా నటిస్తున్న భారీ చిత్రం ‘రణబాలి’. ఈ సినిమాకు రాహుల్ సంకృత్యన్ దర్శకత్వం వహిస్తున్నారు. సినిమా ప్రీ రిలీజ్ ఈవెంట్‌లో మాట్లాడిన ఆయన విజయ్, రష్మిక గురించి ఆసక్తికరమైన విషయాలను పంచుకున్నారు.

రాహుల్ సంకృత్యన్

"రణబాలి సినిమా షూటింగ్ కొంత జరిగిన తర్వాత విజయ్, రష్మిక పెళ్లి చేసుకోబోతున్నారని నాకు తెలిసింది. అప్పటికే మా సినిమాలో వాళ్లిద్దరికీ పెళ్లి చేసిన సన్నివేశాన్ని రూపొందించాం. భార్యాభర్తలుగా ఉన్న వాళ్ల పోస్టర్‌ను కూడా విడుదల చేశాం. అంటే నిజ జీవితంలో వాళ్ల పెళ్లి గురించి నాకు తెలియకముందే సినిమాలో వాళ్లిద్దరికీ పెళ్లి చేశాను" అని రాహుల్ తెలిపారు. ఆ పోస్టర్ చూసినప్పుడు చిత్ర బృందంలోని వారంతా విజయ్, రష్మిక జంటను చూసి మురిసిపోయారని ఆయన గుర్తు చేసుకున్నారు. సినిమాలో వీరిద్దరూ భార్యాభర్తలుగా కనిపించనున్నారని, వారి నటన సినిమాకు ప్రత్యేక ఆకర్షణగా నిలుస్తుందని చెప్పారు.

విజయ్ రష్మిక ఆన్ స్క్రీన్ పెళ్లి

విజయ్ దేవరకొండను హీరోగా ఎంచుకోవడానికి గల కారణాన్ని కూడా రాహుల్ వివరించారు. ఈ కథలో ఒక వీరుడిలా కనిపించే హీరో అవసరమని, అందుకు విజయ్ సరైన ఎంపిక అని భావించినట్లు తెలిపారు.

రష్మిక పెళ్లి వార్తలు

"ఈ సినిమాలో విజయ్ దేవరకొండ నట విశ్వరూపాన్ని చూస్తారు. రాయలసీమ యాసలో డైలాగులు చెప్పడం అంత సులభం కాదు. కానీ రణబాలిగా విజయ్ చెప్పిన డైలాగులు చాలా బాగుంటాయి" అని ప్రశంసించారు. అలాగే జయమ్మ పాత్రలో రష్మిక అద్భుతంగా నటించిందని చెప్పారు. ఆమె నటన కూడా సినిమాకు హైలైట్‌గా నిలుస్తుందని ధీమా వ్యక్తం చేశారు.

విజయ్ దేవరకొండ లేటెస్ట్ న్యూస్

చరిత్రలో మరుగునపడిన కొన్ని విషయాలను ప్రేక్షకులకు చెప్పాలనే ఉద్దేశంతో ‘రణబాలి’ కథను రూపొందించినట్లు రాహుల్ వెల్లడించారు. ఈ సినిమాకు యు/ఏ సర్టిఫికెట్ లభించింది.