విజయ దశమి నుంచి ఈ రాశులకు అన్ని విజయాలే.. వృత్తి, వ్యాపారాల్లో పురోగతి.. డబ్బే డబ్బు..

Dasara Lucky Zodiac Signs: నవరాత్రి పండుగ దుర్గాదేవి ఆరాధనకు అంకితం చేయబడిన సమయం. భక్తులు తొమ్మిది రోజుల పాటు అమ్మవారి వివిధ రూపాలను పూజిస్తూ ఆనందం, శాంతి,  శ్రేయస్సు కోసం పూజిస్తారు. నవరాత్రికి జ్యోతిష్య శాస్త్రంలో కూడా ఒక ప్రత్యేక స్థానం ఉంది. ఈ సమయంలో, గ్రహాల కదలిక వాటి కలయిక ఆధారంగా వివిధ రాశుల భవిష్యత్తు బంగారు మయంగా మారబోతున్నట్టు జ్యోతిష్య శాస్త్రంలోని గ్రహ గోచారం చెబుతున్న మాట.

జ్యోతిష్య గణనల ప్రకారం, విజయదశమి రోజే మూడు ప్రధాన రాజయోగాలు ఏర్పడుతున్నాయి. సూర్య, బుధ గ్రహాల కలయికను బుధాదిత్య యోగం అని, బుధ, శుక్ర గ్రహాల కలయికను లక్ష్మీనారాయణ యోగంగా పరిగణిస్తారు. అదేవిధంగా, గురు, చంద్రుల ఒక నిర్దిష్ట కలయిక వల్ల గజకేసరి యోగం ఏర్పడుతుంది.

జ్యోతిష్య నమ్మకాల ప్రకారం, ఈ యోగాలు కొందరికి విద్యా, ఉద్యోగాలతో పాటు వ్యాపారం కుటుంబ విషయాలలో అనుకూలమైన మార్పులను తీసుకురాబోతున్నట్టు తెలుస్తుంది. జ్యోతిష్య శాస్త్ర అంచనాల ప్రకారం, ఈ కాలం మేషం, కర్కాటకం, సింహం,  తులారాశి వారికి ప్రత్యేకంగా ఉండబోతున్నట్టు తెలుస్తుంది. అయితే  ఈ నాలుగు రాశుల వారికి ఎలాంటి ఫలితాలు రాబోతున్నాయో చూద్దాం.
తులా రాశి..

తుల రాశి వారికి విజయ దశమి నుంచి విద్యా,  వ్యాపార రంగాల  పరంగా కొత్త అవకాశాలు లభించనున్నాయి. పనిలో మరింత బాధ్యతలు తీసుకుంటారు. తమ కెరీర్‌లో తదుపరి స్థాయికి వెళ్లాలనుకునే వారు తమ నైపుణ్యాలను మెరుగుపరచుకోవడంపై దృష్టి పెట్టాలి. వ్యాపార రంగంలో ఉన్నవారు కొత్త ప్రాజెక్టులు, భాగస్వామ్యాలను పరిశీలించవచ్చు. కుటుంబ సభ్యులు, బంధువులతో మంచి సంబంధాలను కొనసాగించడానికి అనుకూలమైన వాతావరణాన్ని సృష్టించుకోవచ్చు. ఇల్లు కట్టుకోవాలని, ఆస్తి కొనాలని లేదా వాహనం కొనాలని ఆలోచిస్తున్నవారు తమ బడ్జెట్, దీర్ఘకాలిక అవసరాలను దృష్టిలో ఉంచుకుని సరైన నిర్ణయం తీసుకోవచ్చు. పుణ్యక్షేత్రాలను సందర్శించాలనే ప్రణాళికలను కూడా సాకారం చేసుకోవచ్చు.

కర్కాటక రాశి..  

ఈ సమయంలో కుటుంబంలో సంతోషకరమైన వాతావరణం నెలకొంటుంది. జ్యోతిష్య పరంగా, కర్కాటక రాశి వారికి ఉద్యోగం,  కుటుంబ విషయాలలో మంచి పరిణామాలు ఉండనున్నాయి. పని ప్రదేశంలో అదనపు బాధ్యతలు స్వీకరిస్తారు. వ్యాపారవేత్తలు తమ ప్రణాళికలను అమలు చేయడానికి కొత్త మార్గాలను కనుగొనే అవకాశం ఉంది. కుటుంబంలో సంతోషకరమైన వాతావరణం నెలకుంటుంది. ఇల్లు లేదా ఆస్తి కొనాలని ఆలోచిస్తున్న వారు తమ ఆర్థిక సామర్థ్యానికి అనుగుణంగా ప్రణాళికలు వేసుకోవాలి. పిల్లల చదువు లేదా విజయాలకు సంబంధించిన విషయాలు ఆనందాన్ని కలిగిస్తాయి. వివాహాం కానీ స్త్రీ పురుషులకు ఈ సమయంలో పెళ్లి సంబంధాలు కుదిరే అవకాశాలున్నాయి.

మేష రాశి.. 
మేష రాశి వారు తమ వృత్తిలో పురోగతి సాధించడానికి మంచి తరుణం.  కొత్త అవకాశాలను పొందే అవకాశాలున్నాయి.  ఉద్యోగంలో ఉన్నవారు తమ సామర్థ్యాన్ని ప్రదర్శించడానికి మంచి అవకాశాలు లభిస్తాయి.  పదోన్నతి కోసం ఎదురుచూస్తున్న వారికి ఇది అనుకూలమైన సమయం.  కొత్త ఉద్యోగం కోసం చూస్తున్నవారు అందుబాటులో ఉన్న అవకాశాలను పరిశీలించవచ్చు. వ్యాపార విస్తరణకు ఇదే సరైన సమయం.  పాత వ్యాపారాల నుండి రావలసిన డబ్బు చేతికి అందుతుంది. ఆర్థిక నిర్ణయాలు తీసుకునేటప్పుడు ప్రణాళిక ముఖ్యం.

సింహ రాశి.. 
సింహ రాశి వారికి విజయ దశమి విజయాలను తీసుకు రోబుతుంది.ఒక కొత్త ప్రారంభానికి సన్నద్ధం కావాల్సిన తరుణం ఇది. ఈ కాలంలో మీకు పూర్వీకుల ఆస్తి కలిసొచ్చే అవకాశాలున్నాయి. పాత అడ్డంకులు తొలిగిపోతాయి. వ్యాపారంలో నష్టాలు చవిచూసిన వారు తమ వ్యూహాన్ని మార్చుకోవాలి. కొత్త వ్యాపారాన్ని ప్రారంభించాలని లేదా ఉన్న వ్యాపారాన్ని విస్తరించాలనుకునే వారి  ప్రణాళికలు ఫలమిస్తాయి. ఉద్యోగంలో ఉన్నవారు తమ పని ద్వారా ఉన్నత స్థానానికి చేరుకునే అవకాశాలున్నాయి. క్రమమైన పొదుపు,ఖర్చుల నియంత్రణ ఆర్థిక విషయాలలో సహాయపడతాయి. ఈ రాశి వారు కొత్త ప్రయత్నాలను ఆత్మవిశ్వాసంతో చేపట్టడం అత్యంత ముఖ్యం. నిర్ణయాలను వాస్తవికంగా పరిశీలించి యుక్తా యుక్తా విచక్షణతో మెలగాలి.

Disclaimer (గమనిక):ఈ వ్యాసంలోని సమాచారం పూర్తిగా నిజం లేదా ఖచ్చితమైనదని జీ మీడియా న్యూస్ చెప్పడం లేదు. ఇవి ఆయా గ్రహాల సంచారంతో పాటు ఆయా వ్యక్తుల వ్యక్తిగత జాతకం ఆధారంగా ఇది మారుతు ఉంటుంది. ఇతర వివరాల కోసం.. జ్యోతిష్య పండితులు తంజావూర్ నాగరాజ శర్మ, ఈ మెయిల్‌ ID: tanarsharma@gmail.com, ఫోన్: 9395354502 సంప్రదించండి.