Mla Paidi Rakesh Reddy: నాకు చాన్స్ ఇవ్వకుంటే రాజీనామా చేస్తా.!. అసెంబ్లీలో బీజేపీ ఎమ్మెల్యే రాకేష్ రెడ్డి సంచలన ప్రకటన..

Bjp mla Paidi rakesh reddy sensational speech Telangana assembly session: తెలంగాణలో అసెంబ్లీ సమావేశాలు వాడివేడిగా నడుస్తున్నాయి. ఈ క్రమంలో సీఎం రేవంత్  రెడ్డి ప్రభుత్వంపై బీఆర్ఎస్,   బీజేపీ పార్టీలకు చెందిన నేతలు తీవ్ర విమర్శలు చేస్తున్నారు. ఇప్పటికే బీఆర్ తమ మహిళ ఎమ్మెల్యేలపై పోలీసులు అనుచితంగా ప్రవర్తించారని రచ్చచేసింది. ఇక కాంగ్రెస్ పార్టీ నేతలు దళిత స్పీకర్ గడ్డం ప్రసాద్ ను పట్టుకుని ఆయన తల్లిపై అనుచిత వ్యాఖ్యలు చేశారని ఇద్దరు ఎమ్మెల్సీలపై పోలీసులకు ఫిర్యాదు చేశారు. ఈ క్రమంలో  దీనిపై  బీఆర్ఎస్ , కాంగ్రెస్ ల మధ్య వివాదం రాజుకుంది. 

నన్ను మాట్లాడనివ్వకపోతే రాజీనామా చేస్తాను

– బీజేపీ ఎమ్మెల్యే పైడి రాకేష్ రెడ్డి pic.twitter.com/zZZXp7HPFM

— Telugu Scribe (@TeluguScribe) September 16, 2026

దీంతో అసెంబ్లీలో పొడియం వద్ద నినాదాలు చేయడంతో బీఆర్ఎస్ కు చెందిన 22 మంది ఎమ్మెల్యేలపై స్పీకర్ ఈ సెషన్ వరకు సస్పెండ్ చేశారు. మరోవైపు బీజేపీ కూడా 22ఏ వివాదం, ఫీజు రీయింబర్స్ మెంట్, ఉపాధ్యాయుల బెనిఫిట్స్ మొదలైన అంశాలపై ప్రభుత్వంపై అసెంబ్లీ వేదికగా విమర్శలు చేస్తుంది. 

ఈ నేపథ్యంలో నిజామాబాద్ ఎమ్మెల్యే పైడి రాకేష్ రెడ్డి అసెంబ్లీలో మాట్లాడుతూ.. సీఎం రేవంత్ రెడ్డి ప్రభుత్వంపై విమర్శలు గుప్పించారు. నిజామాబాదు జిల్లా అంటే ప్రభుత్వానికి చిన్న చూపులా ఉందని మండిపడ్డారు. ప్రభుత్వం చేసే చర్యల వల్ల అవసరం అయితే రాజీనామా చేస్తానంటూ సంచలన ప్రకటన చేశారు. తనకు మాట్లాడేందుకు ఒక పది నిమిషాలు మాట్లాడే అవకాశం ఇవ్వాలని లేకుంటే.. తాను రాజీనామా  చేస్తానని ప్రకటించారు. 

అంతే కాకుండా.. కొడంగల్ తో పాటు మంత్రుల నియోజకవర్గాలకు ఎన్ని నిధులు తీసుకెళ్తున్నారు .. మరీ మా జిల్లాకు ఎన్ని నిధులు ఇచ్చారో బైటపెడతానంటూ మండిపడ్డారు.  అసెంబ్లీ వేదికగా అన్ని లెక్కలు చెప్పి అసరమైతే రాజీనామా చేస్తానని ఫైర్ అయ్యారు.

Read more: ప్రధానిగా 12 యేళ్లు.. ప్రభుత్వాధినేతగా@25ఇయర్స్.. మోడీ ఖాతాలో రేర్ రికార్డులు..

 తనకు పది నిమిషాలు మాట్లాడే అవకాశం ఇవ్వాలని స్పీకర్  గడ్డం ప్రసాద్ ను ఎమ్మెల్యే పైడి రాకేష్ రెడ్డి డిమాండ్ చేశారు.  ఈ  క్రమంలో పైడి రాకేష్ రెడ్డి చేసిన కామెంట్స్ తెలంగాణ రాజకీయాల్లో హాట్ టాపిక్ గా మారాయి.