Jagtial: జగిత్యాల మూడేళ్ల బాలుడి దత్తత వివాదంలో శుభవార్త.. కలెక్టర్ కీలక నిర్ణయం.. ఆనందంలో తల్లిదండ్రులు..

Collector Withdrawal his writ petition over Jagtial child adoption case: జగిత్యాలలో మూడేళ్ల బాలుడి దత్తత వివాదం ప్రస్తుతం రెండు తెలుగు రాష్ట్రాల్లో తీవ్ర చర్చనీయాంశంగా మారింది. అయితే.. కలెక్టర్ సత్య ప్రసాద్ తాజా నిర్ణయంతో ఈ వివాదంకు ఫుల్ స్టాప్ పడింది. జగిత్యాలలోని జంబిగద్దెకు చెందిన సరిత, శ్రీనివాస్ గౌడ్ దంపతులు కొన్నేళ్ల క్రితం పిల్లలు లేకపొవడంతో నెల పసికందును దత్తత తీసున్నారు. అప్పటి నుంచి ఆ బాలుడ్ని కంటికి రెప్పలా కాపాడుకుంటున్నారు. అతనే తమ జీవితంలా బతుకున్నారు. ఈ క్రమంలో బాలుడి కుటుంబ సభ్యుల మధ్య ఆస్తి వివాదం తలెత్తడంతో దత్తత చట్టబద్దంగా తీసుకోలేదని చైల్డ్ వెల్ ఫర్ అధికారులకు ఫిర్యాదు చేశారు. దీంతో బాలుడ్ని సెప్టెంబర్ 16న శిశు సంక్షేమ శాఖ అధికారులు వచ్చి తీసుకెళ్లారు. 

ఆ తర్వాత బాలుడి తల్లిదండ్రులు కోర్టుకు వెళ్లడంతో మరల తల్లిదండ్రులకు అప్పగించాలని  హైకోర్టు  అక్టోబరు 16న మధ్యంతర ఉత్తర్వులు ఇచ్చింది. ఈ పరిణామం తర్వాత కూడా అధికారులు బాలుడ్ని తల్లిదండ్రులకు అప్పగించలేదు. ఈ క్రమంలో బాలుడిని చూసేందుకు వెళ్లినప్పుడు శిశు సంక్షేమ కేంద్రంలో బాలుడు హత్తుకుని తనను తీసుకెళ్లమని ఏడ్వడం వీడియో వైరల్ కావడంతో స్థానిక అధికారులు వారి తల్లిదండ్రులకు అప్పగించారు.

 మరల కలెక్టర్ సత్యప్రసాద్ హైకోర్టులో దీనిపై రిట్ పిటిషన్ దాఖలు చేయడంతో వివాదం తలెత్తింది. తాజాగా.. కలెక్టర్ సత్య ప్రసాద్ తన రిట్ పిటిషన్ ను ఉప సంహరించుకుంటున్నట్లు మూడేళ్ల బాలుడి తల్లిదండ్రుల్ని పిలిచి మాట్లాడారు. దత్తతను చట్టబద్దంగా నిర్వహించుకొవాలని సూచించారు. బాలుడి దత్తత తల్లిదండ్రులకు కలెక్టర్ ఆఫీస్ కు రప్పించి బాలుడికి, వారి తల్లిండ్రులకు బట్టలు పెట్టారు. 

రిజిస్ట్రేషన్  ఆఫీస్ లో చట్ట బద్దంగా దత్తత విధానం పూర్తి చేయాలని అధికారుల్ని ఆదేశించారు. ఈ పరిణామంతో దీపావళికి ముందు కలెక్టర్ తమకు శుభవార్త చెప్పారని, ఇదే తమకు దీపావళికి కానుక అంటూ దత్తత తల్లిదండ్రులు భావొద్వేగంకు గురయ్యారు. ఈ ఘటనతో మూడేళ్ల బాలుడి దత్తత వివాదం పరిష్కారం కావడంతో స్థానికులు, నెటిజన్లు సైతం ఆనందం వ్యక్తం చేస్తున్నారు.