Balakrishna: పనిచేసే వారికి ఓటెయ్యాలి.. హిందూపురంలో బాలకృష్ణ కీలక వ్యాఖ్యలు..

Balakrishna Casts His Vote in Hindupur: ఆంధ్ర ప్రదేశ్ లో స్థానిక సంస్థల ఎన్నికల తొలి విడత పోలింగ్ ప్రారంభమైంది. ఈ క్రమంలో ఉదయం నుంచి ఓటర్లు తమ ఓటు హక్కుని వినియోగించుకునేందుకు పోలీంగ్ కేంద్రాల వద్ద బారులు తీరారు. కడపలోని పులి వెందులలో పలు చోట్ల ఉద్రిక్త వాతావరణ పరిస్థితులు నెలకొన్నాయి. మరోవైపు ఏపీలోని హిందూపురంలో నందమూరీ బాలకృష్ణ  తన సతీమణి  వసుంధరా దేవీతో కలిసి వచ్చి తన ఓటు హక్కును వినియోగించుకున్నారు. 

హైదరాబాద్ నుంచి వచ్చి హిందూపురంలో ఓటు వేసిన ఎమ్మెల్యే బాలకృష్ణ దంపతులు. https://t.co/UUdxdFKdV5

— greatandhra (@greatandhranews) November 1, 2026

శ్రీ సత్యసాయి జిల్లా హిందూపురం మున్సిపాలిటీ 3వ వార్డు చౌడేశ్వరి కాలనీలో సతీమణితో కలిసి  ఎమ్మెల్యే బాలకృష్ణ తమ ఓటు హక్కు వినియోగించుకున్నారు. మనకు ఓటు హక్కు అనేది రాజ్యాంగం కల్పించిన హక్కు అని చెప్పుకొచ్చారు. ప్రజాస్వామ్యంలో ప్రతి  ఒక్కరు తమ ఓటు హక్కుని వినియోగించుకోవాలన్నారు.  ఓటు హక్కు ప్రజాస్వామ్యం ప్రసాదించిన స్వేచ్ఛ అని చెప్పారు. తమ ప్రాంతాన్ని అభివృద్ధి చేసే సమర్థులైన అభ్యర్థులకే ఓటు వేయాలని బాలకృష్ణ  ప్రజలకు సూచించారు.

ఏపీలోని స్థానిక సంస్థల ఎన్నికల్ని కూటమి ప్రభుత్వంతో పాటు, వైసీపీ సైతం ప్రతిష్టాత్మకంగా తీసుకున్నాయి. ముఖ్యంగా పలు చోట్ల ఉదయం నుంచి  పోలింగ్ కేంద్రాల ఓటర్లు తమ ఓటు హక్కుని వినియోగించుకొవడానికి బారులు తీరారు. కొన్ని చోట్ల ఉద్రిక్తతనెలకొంది. కడప, పులివెందులలో ఓటింగ్ కేంద్రాల వద్ద కూటమి వర్సెస్ వైసీపీ నేతల మధ్య తోపులాట జరిగింది. 

ఏపీలో పలువురు వైసీపీ ఏజెంట్లుతమను పోలీసులు అడ్డుకున్నారని ఆవేదన వ్యక్తం చేశారు. కొన్ని చోట్ల పోలీసులు తమను అడ్డుకుంటున్నారని వాపోతున్నారు. పులివెందులలో పోలింగ్ ప్రారంభమైన తర్వాత టీడీపీ, వైసీపీ శ్రేణుల మధ్య పలు చోట్ల రాళ్ల దాడి జరిగింది. పోలీసులు రంగంలోకి దిగి ఇరు వర్గాల్ని చెదరగొట్టారు.