బంగారం ప్రియులకు గుడ్‌న్యూస్.. భారీగా తగ్గిన పసిడి, వెండి ధరలు.. నేటి రేట్లు ఇవే..!!

Gold Rate: అంతర్జాతీయ మార్కెట్ ధోరణులు..  డాలర్ ఇండెక్స్ కదలికలు అలాగే ఇన్వెస్టర్ల నుంచి పెరుగుతున్న కొనుగోలు ఆసక్తి కారణంగా దేశీయ మార్కెట్‌లో పసిడి ధరలు ఎప్పటికప్పుడు మారుతున్నాయి. ఈ నేపథ్యంలో హైదరాబాద్‌తో సహా దేశంలోని ముఖ్యమైన నగరాల్లో 22 .. 24 క్యారెట్ల బంగారం ధరల నేడు భారీగా దిగివచ్చాయి.

హైదరాబాద్ బులియన్ మార్కెట్‌లో 6 రోజుల తర్వాత బంగారం ధరలు నేడు తగ్గుముఖం పట్టాయి.  24 క్యారెట్ల 10 గ్రాముల బంగారం రూ.1,690 తగ్గి రూ. 1,42,260కి చేరింది. అటు 22 క్యారెట్ల 10 గ్రాముల గోల్డ్ రేటు రూ.1,550 తగ్గి రూ. 1,30,400 పలుకుతోంది. మరోవైపు కిలో వెండి ధర రూ.5వేలు తగ్గి రూ.2,10,000కు చేరింది. ప్రాంతాలను బట్టి ధరల్లో చిన్నపాటి మార్పులు ఉంండే అవకాశం ఉంది.  ఈ రేట్లపై 3శాతం GST అదనంగా ఉంటుందన్న సంగతి గుర్తుంచుకోవాలి.

బంగారం ధరల తగ్గుదల కొనుగోలుదారులను ప్రోత్సహించింది. గత మూడు వారాలుగా.. బులియన్ మార్కెట్.. కమోడిటీ ఎక్స్ఛేంజీలలో బంగారం, వెండి ధరలు నిరంతరం హెచ్చుతగ్గులకు లోనవుతున్నాయి. ఈ పండుగ సీజన్‌లో, బంగారం, వెండి కొనడానికి ఇది సరైన సమయమా, లేక ధరలు మరింత తగ్గే వరకు వేచి ఉండాలా అని చాలా మంది ఆలోచిస్తున్నారు. ప్రస్తుతం బంగారం, వెండి ధరల గురించి నిపుణులు ఏమంటున్నారో తెలుసుకుందాం.

శుక్రవారం మార్కెట్ ప్రారంభం కావడానికి ముందు..  మల్టీ కమోడిటీ ఎక్స్ఛేంజ్ (MCX)లో 24-క్యారెట్ గోల్డ్ ఫ్యూచర్స్ 10 గ్రాములకు రూ.1,42,260 వద్ద ట్రేడ్ అవుతున్నాయి.  ఇది 0.13శాతం (₹183) స్వల్ప తగ్గుదలను సూచిస్తుంది. గత ట్రేడింగ్ సెషన్‌లో.. ఇది 10 గ్రాములకు రూ. 1,43,705 వద్ద ముగిసింది. అంతర్జాతీయ మార్కెట్‌లో బంగారం ధర ఔన్సుకు $4,044 వద్ద ట్రేడ్ అవుతోంది.

బంగారం ధరలు తగ్గడానికి గల కారణాలు ఇవే:
ప్రపంచ పరిణామాలు బంగారం మార్కెట్‌పై తీవ్ర ప్రభావాన్ని చూపుతున్నాయి. గురువారం నాడు రూపాయి అమెరికన్ డాలర్‌తో పోలిస్తే 3 పైసలు బలపడి, డాలరుకు 95.25 స్థాయికి చేరుకుంది. అయితే.. సౌదీ అరేబియాలోని రాస్ తానూరా చమురు కర్మాగారంపై హౌతీ తిరుగుబాటుదారులు జరిపిన దాడి తర్వాత పెరుగుతున్న ముడి చమురు ధరలు, బలపడుతున్న డాలర్ కూడా రూపాయిపై ఒత్తిడిని పెంచాయి. రూపాయి బలహీనపడటంతో దేశానికి బంగారం దిగుమతులు మరింత ఖరీదైనవిగా మారాయి. ఫలితంగా, అంతర్జాతీయ మార్కెట్‌లో బలహీనత ఉన్నప్పటికీ దేశీయ బులియన్ ధరలకు బలమైన మద్దతు లభిస్తోంది.

మార్కెట్ నిపుణుల అభిప్రాయం ప్రకారం.. పెట్టుబడిదారులు ప్రస్తుతం యూఎస్ ఫెడరల్ రిజర్వ్.. ఫెడరల్ ఓపెన్ మార్కెట్ కమిటీ (FOMC) విధాన నిర్ణయాల కోసం జాగ్రత్తగా ఎదురుచూస్తున్నారు. ఈ ముఖ్యమైన నిర్ణయానికి ముందు ప్రపంచ మార్కెట్ పరిమిత శ్రేణిలో ట్రేడ్ అవుతోందని హెచ్‌డిఎఫ్‌సి సెక్యూరిటీస్ సీనియర్ కమోడిటీ అనలిస్ట్ సౌమిల్ గాంధీ అన్నారు.  ముడి చమురు ధరల పెరుగుదలను ఉదహరిస్తూ.. షేర్‌ఖాన్, మైఅసెట్‌కు చెందిన ప్రవీణ్ సింగ్ మార్కెట్ ధోరణిని వివరించారు. మరోవైపు, ఆనంద్ రాఠీ షేర్స్ & స్టాక్ బ్రోకర్స్‌లో కమోడిటీ కరెన్సీ రీసెర్చ్ అనలిస్ట్ అయిన వేదికా నర్వేకర్ డిమాండ్ గురించి వివరిస్తూ...  చైనాలోని వినియోగదారులు తక్కువ ధరలను సద్వినియోగం చేసుకుని కొనుగోలు చేస్తుండగా.. భారతదేశంలోని కొనుగోలుదారులు పండుగ సీజన్‌కు ముందు ధరలు మరింత తగ్గుతాయనే ఆశతో వేచి చూసే ధోరణిని అవలంబిస్తున్నారని తెలిపారు. 

Also Read: 

తెలంగాణ ప్రభుత్వ పాఠశాలల్లో నవంబర్ 5న మెగా పీటీఎం.. విద్యాశాఖ డైరెక్టర్ ఉత్తర్వులు..!!