Gold Rate Today: దేశీయ బులియన్ మార్కెట్లో బంగారం ధరలు మరోసారి తగ్గుముఖం పట్టాయి. పండగల సీజన్లో గోల్డ్ రేట్స్ క్రమంగా దిగిరావడం కొనుగోలుదారులకు ఊరటనిస్తుందని చెప్పాలి. గుడ్ రిటర్న్స్ వెల్లడించిన గణాంకాల ప్రకారం దేశంలోని పలు ప్రధాన నగరాల్లో బంగారం ధరలు స్వల్పంగా తగ్గాయి. నేడు అక్టోబర్ 23వ తేదీ శుక్రవారం దేశవ్యాప్తంగా పలు నగరాలతో పాటు తెలుగు రాష్ట్రాల్లోని ప్రధాన నగరాలు ధరలు ఎలా ఉన్నాయో చూద్దాం.
హైదరాబాద్ బులియన్ మార్కెట్లో బంగారం ధరలు ఇవాళ కూడా తగ్గాయి. 24 క్యారెట్ల 10 గ్రాముల బంగారం రూ.1,900 తగ్గి రూ.1,42,480కి చేరింది. అటు 22 క్యారెట్ల 10 గ్రాముల గోల్డ్ రేటు రూ.1,750 తగ్గి రూ.1,30,600 పలుకుతోంది. మరోవైపు కిలో వెండి ధర రూ.2,25,000 వద్ద స్థిరంగా కొనసాగుతోంది. ప్రాంతాలను బట్టి ధరల్లో చిన్నపాటి మార్పులు ఉండవచ్చు. ఈ రేట్లకు 3శాతం GST అదనంగా ఉంటుందని గుర్తుంచుకోవాలి.
దేశంలోని ఇతర మెట్రో నగరాలతో పోలిస్తే, జాతీయ రాజధాని ఢిల్లీలో ధరలు కొద్దిగా ఎక్కువగా ఉన్నాయి. ఢిల్లీలో 10 గ్రాముల 24 క్యారెట్ల బంగారం ధర రూ.1,44,520 కాగా, 22 క్యారెట్ల బంగారం ధర రూ.1,32,490గా ఉంది. ముంబై, బెంగళూరు, కోల్‌కతా వంటి నగరాల్లో ధరలు తెలుగు రాష్ట్రాల్లోని ధరల మాదిరిగానే ఉన్నాయి.
బంగారం ట్రెండ్‌ను అనుసరించి, వెండి ధరలు కూడా స్వల్పంగా తగ్గాయి. హైదరాబాద్.. విజయవాడ మార్కెట్లలో కిలో వెండి ధర రూ.100 మేర తగ్గి, రూ.224,900 మేర పెరిగింది. అయితే, అంతర్జాతీయ పరిణామాల కారణంగా ఈ ధరలు రోజంతా హెచ్చుతగ్గులకు లోనయ్యే అవకాశం ఉన్నందున, కొనుగోలుదారులు లావాదేవీలు జరిపే ముందు ధరలను ఒకటికి రెండుసార్లు సరిచూసుకోవాలని నిపుణులు సూచిస్తున్నారు.
 "పసిడి ప్రియులకు మరో గుడ్‌న్యూస్.. మళ్లీ పడిపోయిన బంగారం ధరలు..!!")
)