Court Sridevi Boyfriend: లవ్‌లో పడిన 'కోర్ట్' హీరోయిన్ శ్రీదేవి..ప్రియుడి గురించి ఎట్టకేలకు బయటపెట్టేసింది!

Court Sridevi Apalla Boyfriend: తెలుగు చిత్ర పరిశ్రమలో ప్రతిభ కలిగిన నటీనటులకు సరైన అవకాశాలు రావడం.. ఆ అవకాశాలతో నటనలో రాణిస్తూ ప్రజల్లో మంచి గుర్తింపు తెచ్చుకోవడం ఎంతో శ్రమతో కూడిన పని. అయితే కాకినాడకు చెందిన శ్రీదేవి ఆపళ్ల హీరోయిన్‌గా ఎంట్రీ ఇచ్చిన తన తొలి చిత్రం 'కోర్టు'తో ఓవర్‌నైట్ స్టార్‌గా ఎదిగిపోయింది.

మారిన ఇన్‌స్టాగ్రామ్ పోస్ట్ వైరల్‌..
ఇదిలా ఉండగా.. టాలీవుడ్ యంగ్ హీరోయిన్ శ్రీదేవి తన అధికారిక ఇన్‌స్టాగ్రామ్ ప్రొఫైల్‌లో తాజాగా ఓ ఫొటో షేర్ చేసింది. అందులో ఆమె చేతిలో ఓ యువకుడి చేయిని కలిపి పెట్టినట్లు కనిపించింది. ఆ ఫొటో పోస్ట్‌కు 'జర్నీ బిగిన్స్' అని క్యాప్షన్ ఇస్తూ '/SS'తో లవ్ సింబల్ జతచేయడం విశేషం. ఈ ఒక్క పోస్టుతో ఆమె ప్రేమలో పడినట్లు చెప్పకనే చెప్పిందని ఫ్యాన్స్ చర్చించుకుంటున్నారు. అయితే మరికొందరు అది రాబోయే సినిమా తాలుకూ ప్రమోషన్ అని భావిస్తున్నారు. ఏదిఏమైనా ఇప్పుడు ఆమె పోస్ట్ చేసిన ఫొటోకు పలు అర్థాలతో సోషల్ మీడియాలో చర్చనీయాంశంగా మారింది.

2025లో విడుదలైన 'కోర్ట్' చిత్రంలో 'జాబిల్లి' పాత్రలో నటించి, తన అద్భుతమైన నటనతో ప్రేక్షకులను అలరించింది. రామ్ జగదీష్ దర్శకత్వంలో హీరో నాని నిర్మాణ సంస్థలో ప్రశాంతి తిపిర్నేని, దీప్తి గంటా సంయుక్తంగా నిర్మించారు. ఈ సినిమాలో నటుడు, ప్రియదర్శి, సాయికుమార్, శివాజీ కీలక పాత్రలు పోషించారు.

ఆ సినిమా తర్వాత హీరోయిన్ శ్రీదేవికి ఆఫర్లు క్యూ కట్టాయి.'బ్యాండ్ మేళం' సినిమాలో శ్రీదేవి, యంగ్ హీరో హర్ష్ రోషన్ ల కెమిస్ట్రీ బాగా ఆకట్టుకోవడంతో వీరిద్దరి కాంబినేషన్‌లో విపరీతంగా అలరించింది. కోర్టు సినిమా తర్వాత వీరిద్దరి కాంబోలో వచ్చిన ఈ సినిమా కూడా విజయం సాధించడం విశేషం. సతీష్ జవ్వాజి దర్శకత్వంలో, శివ ముప్పరాజు స్క్రీన్ ప్లే, విజయ్ బుల్గానిన్ సంగీతంతో రూపొందిన ఈ సినిమా మార్చి 26న విడుదలైనా.. 'కోర్ట్' సినిమా స్థాయి విజయాన్ని సాధించలేకపోయింది.

ప్రస్తుతం యంగ్ హీరోయిన్ శ్రీదేవి 'హైకూ' అనే మరో కొత్త చిత్రంలో లీడ్ రోల్‌లో నటిస్తోంది. యువరాజ్ చిన్నసామి దర్శకత్వంలో డా. డీ. అరుళానందు, మాథేవో అరుళానందు నిర్మాణంలో ఏగన్, ఫెమినా జార్జ్ లతో కలిసి నటిస్తున్న ఈ చిత్రం షూటింగ్ పూర్తి చేసుకుంది. ప్రస్తుతం ఈ సినిమా పోస్ట్ ప్రొడక్షన్ పనులు జరుగుతున్నాయి.