‘డియర్ ఆస్ట్రోనాట్’ ఎవరినీ నిరాశ పరచదు.. సాంగ్ లాంచ్ ఈవెంట్‌లో డైరెక్టర్ శేఖర్ కమ్ముల ఇంట్రెస్టింగ్ కామెంట్స్..

Sekhar Kammula Comments on Dear Astronaut:  ‘డియర్ ఆస్ట్రోనాట్’ అనేది అంతరిక్షంలోకి ప్రయాణించాలనే ఓ యువతి స్టోరీ. చిన్నప్పటి నుంచి అంతరిక్షంలోకి వెళ్లాలని, నక్షత్రాల మధ్య  విహరించాలని కలలు కనే ఒక మహిళ కథగా  "డియర్ ఆస్ట్రోనాట్" చిత్రం తెరకెక్కుతోంది.  ఎవరు ఊహించని  కలను సాకారం చేసుకోవడానికి ఆమె సాగించే ప్రయాణాన్ని  ఈ మూవీలో చూపించబోతున్నారు.  ఆకాశాన్ని అందుకోవాలనే ఆమె ఆశయం వెనుక ఉన్న సవాళ్లు, పట్టుదల, ఆశ, భావోద్వేగాలను ఇందులో గొప్పగా  తెరపై చూపించనున్నారు. తాజాగా పాట విడుదల కార్యక్రమంలో శేఖర్ కమ్ముల సహా ఈ సినిమాకు సంబంధించిన యూనిట్ పాల్గొంది. అంతేకాదు ఈ చిత్రాన్ని నవంబర్ 20న విడుదల చేయాలనే ప్లాన్‌లో ఉన్నారు. ఈ నేపథ్యంలో గురువారం నాడు పాటను విడుదల చేశారు.

ఈ సందర్బంగా శేఖర్ కమ్ముల మాట్లాడుతూ .. ‘‘ఆస్ట్రోనాట్ అవ్వాలనే కోరిక ఉండటం, ఆ కోరిక చుట్టూ కథను సినిమాను తీయడం మాములు విషయం కాదు.  ఈ అమ్మాయి చక్కగా నటించింది. ఇది చాలా మంచి ప్రయోగాత్మక చిత్రం. ఎవరైనా సరే ఎంత పెద్ద కలలైనా కనొచ్చు. కానీ వాటిని సాకారం చేసుకోవచ్చు అనే గొప్ప సందేశాన్ని ఇచ్చేలా సినిమాని రూపొందించారన్నారు. టెక్నికల్లీ ఈ చిత్రం ఎంతో క్వాలిటీగా ఉందన్నారు. ఇదొక గొప్ప సినిమాగా నిలుస్తుందనే ఆశాభావం వ్యక్తం చేశారు. ఈ మూవీ నవంబర్ 20న రిలీజ్ కాబోతోంది. అందరూ తప్పకుండా చూడండని పిలుపు నిచ్చారు.

కమల్ కామరాజ్ మాట్లాడుతూ .. ‘‘డియర్ ఆస్ట్రోనాట్’ లాంటి చిత్రాన్ని తెర మీదకు తీసుకు రావడమే గొప్ప సాహసం లాంటి కథ. కథకు ప్రాధాన్యమున్న చిత్రమిది. ఓ అమ్మాయి, వారి భావోద్వేగాలను చూపించే సినిమా. కలలు కంటే సాకారం అవుతాయా? లేదా? అన్నది మనకు తెలీదు. కానీ పెద్ద కలలు కనాలి, వాటిని సాకారం చేసుకోవాలని చెప్పే గొప్ప సందేశంతో ఈ మూవీని తెరకెక్కించారని చెప్పుకొచ్చారు.  అందరికీ స్పూర్తినిచ్చే చిత్రం మంచి విజయం సాధిస్తుందనే నమ్మకాన్ని వ్యక్తం చేశారు.  

నటి శరణ్య ప్రదీప్ మాట్లాడుతూ .. ‘శేఖర్ కమ్ముల గారి వల్లే నేను ఈ స్థాయిలో ఉన్నాను. భాగ్యరాజా నన్ను నమ్మి ఈ ఛాన్స్ ఇచ్చారు. సౌమిత్  అద్భుతంగా నటించారు. ఆకాశ్, అంజలికి ఆల్ ది బెస్ట్ చెబుతున్నాను. నవంబర్ 20న ఈ చిత్రం రాబోతోంది. ఇందులో అన్ని రకాల అంశాలుంటాయి. అందరూ తప్పక చూసి ఆదరించాలని కోరాు. ఈ కార్యక్రమంలో ఈ సినిమాకు సంబంధించిన ఇతర నటీనటులు సాంకేతిక నిపుణులు పాల్గొని ఈ సినిమా విజయం సాధించాలని ఆకాంక్షించారు.