Rohit Bigg Boss Elimination: బిగ్‌బాస్‌ 10 హౌస్ నుంచి రోహిత్ ఎలిమినేషన్..కారణం ఇదే? ఎంత సంపాదించాడంటే?

Bigg Boss 10 Rohit Elimination: రోహిత్ 'అగ్ని పరీక్ష సీజన్ 2'లో తన ప్రతిభను చాటుకుని కామనర్ కేటగిరీలో బిగ్ బాస్ 10 హౌస్‌లోకి అడుగుపెట్టారు. ప్రారంభంలో తన సూటి సంభాషణ, టాస్కుల్లో చూపిన ప్రతిభతో త్వరగానే ప్రేక్షకులను ఆకట్టుకున్నారు. సెలబ్రిటీ కంటెస్టెంట్లు ఆయనను లక్ష్యంగా చేసుకుని నామినేట్ చేయడంతో, రోహిత్‌కు బయట సానుభూతితో పాటు భారీ ఫ్యాన్ బేస్ ఏర్పడింది. రోహిత్ కచ్చితంగా టాప్ - 5 కంటెస్టెంట్లలో ఒకరిగా నిలుస్తారని విశ్లేషకులు, అభిమానులు భావించారు.

ఎలిమినేషన్‌కు దారితీసిన ప్రధాన కారణాలు..
ప్రారంభంలో మంచి ఆటతీరు కనబరిచినప్పటికీ, రోజులు గడిచేకొద్దీ రోహిత్ గేమ్‌లో పలు లోపాలు స్పష్టంగా కనిపించాయి. హౌస్‌లో గొడవల వల్ల స్క్రీన్ టైమ్ వచ్చినా.. ప్రాధాన్యత కలిగిన టాస్కుల నిర్వహణలో తీవ్రంగా నిరాశపరిచారు.

అలాగే తోటి సభ్యులపై అనవసరంగా కోపం ప్రదర్శించడం, అతిగా వైఖరి (ఓవర్ యాటిట్యూడ్) చూపించడం ప్రేక్షకులకు ప్రతికూల సంకేతాలను పంపింది. మరోవైపు తోటి కంటెస్టెంట్ షాలినితో మితిమీరిన సాన్నిహిత్యం పెంచుకోవడం, త్రిగుణ్‌పైనే ఎక్కువ దృష్టి పెట్టడంతో తన సొంత గేమ్‌ను పూర్తిగా విస్మరించారు.

కంటెస్టెంట్ల ఓటింగ్, అభిమానుల ఆగ్రహం
రోహిత్‌ను సీక్రెట్ రూమ్‌కు పంపుతారని చాలామంది భావించినప్పటికీ, బిగ్ బాస్ నేరుగా కంటెస్టెంట్ల ఓట్ల ద్వారా ఎలిమినేట్ చేశారు. ఎలిమినేషన్ సమయంలో రోహిత్ బిగ్ బాస్ ప్రయాణానికి సంబంధించిన వీడియో (AV) ప్రదర్శించకపోవడం గమనార్హం. దీనితో ఆయన తిరిగి రీ - ఎంట్రీ ఇచ్చే అవకాశం ఉందని అభిమానులు ఆశిస్తున్నారు. కాగా, ఓటింగ్‌లో ముందున్న రోహిత్‌ను ఎలిమినేట్ చేస్తున్నారంటూ అతని అభిమానులు సోషల్ మీడియా వేదికగా హోస్ట్ నాగార్జున, మేనేజ్‌మెంట్‌పై ఫ్యాన్స్ ఆగ్రహం వ్యక్తం చేస్తున్నారు.

రోహిత్ పారితోషికం లెక్కలు
సుమారు 8 వారాల పాటు హౌస్‌లో కొనసాగిన రోహిత్‌కు వారానికి రూ. 70 వేల చొప్పున మొత్తం రూ. 5.60 లక్షల పారితోషికం దక్కినట్లు సమాచారం. దీనికి తోడు 'అగ్ని పరీక్ష' సీజన్‌లో పాల్గొన్నందుకు లభించిన రూ. 50 వేలతో కలిపి రోహిత్ మొత్తం రూ. 6.10 లక్షల వరకు ఆర్జించినట్లు సామాజిక మాధ్యమాల్లో వార్తలు వెలువడుతున్నాయి.