తెలుగు సీనియర్ హీరోస్‌లో ఎవరి రెమ్యునరేషన్ ఎంత.. ? ఎవరెంత తీసుకొంటున్నారంటే..!!

చిరంజీవి.. (Chiranjeevi)..
మెగాస్టార్ చిరంజీవి ఒక్కో చిత్రానికి దాదాపు రూ.40 కోట్ల వరకు రెమ్యునరేషన్ తీసుకుంటున్నట్టు సమాచారం. ‘కాకా’ సినిమా ఏకంగా దాదాపు రూ.50 కోట్ల వరకు అందుకోబోతున్నట్టు  సమాచారం. ఇక నెట్‌ఫ్లిక్స్ కోసం చేస్తోన్న ‘మెగావర్స్’ కోసం ఒక్కో ఎపిసోడ్‌కు రూ. 10 కోట్ల వరకు ఛార్జ్ చేస్తున్నట్టు సమాచారం.

బాలకృష్ణ (Balakrishna Nandamuri)..
నందమూరి బాలకృష్ణ.. వరుస సక్సెస్‌ల నేపథ్యంలో ఒక్కసారిగా తన రెమ్యునరేషన్ ను రూ. 25 కోట్లకు పెంచారు. ప్రస్తుతం చేస్తోన్న ‘దాదా’ కోసం గోపీచంద్ మలినేని సినిమా కోసం ఏకంగా రూ. 40 కోట్ల వరకు ఛార్జ్ చేస్తున్నట్టు ఆయన సన్నిహిత వర్గాలు చెబుతున్న మాట.  

నాగార్జున (Nagarjuna Akkineni)..

అక్కినేని నాగార్జున ఒక్కో చిత్రం కోసం దాదాపు రూ. 7 కోట్ల వరకు రెమ్యునరేషన్ తీసుకుంటున్నట్టు సమాచారం. తాజాగా ‘కింగ్ 100’ కోసం దాదాపు రూ. 20 కోట్ల రెమ్యునరేషన్ తీసుకున్నట్టు సమాచారం.

వెంకటేష్ (Venkatesh.)..
విక్టరీ వెంకటేష్ ఒక్కో సినిమా కోసం రూ. 10 కోట్ల నుంచి రూ. 15 కోట్ల వరకు ఛార్జ్ చేస్తున్నట్టు సమాచారం. రీసెంట్‌గా ‘ఆదర్శ కుటుంబం’  కోసం రూ. 20 కోట్లు తీసుకున్నట్టు సమాచారం.  

రవితేజ (Ravi Teja)..

రవితేజ ప్రస్తుతం ఒక్కో సినిమా కోసం రూ. 10 కోట్ల నుంచి రూ. 15 కోట్ల వరకు పారితోషకం తీసుకుంటున్నారు.‘ఇరుముడి’ సక్సెస్ తర్వాత తన రెమ్యునరేషన్‌ను మరో రూ. 5 కోట్ల వరకు  పెంచినట్టు సమాచారం.