నిరుద్యోగులకు బంపర్ ఆఫర్.. రైల్వేలో 2,800కి పైగా అప్రెంటిస్ పోస్టులు, పరీక్ష లేకుండానే ఎంపిక..!!
Central Railway: సెంట్రల్ రైల్వే నిరుద్యోగులకు గుడ్ న్యూస్ చెప్పింది. టెన్త్, ఐటీఐ అర్హతతో భారీ సంఖ్యలో అప్రెంటిస్ పోస్టుల భర్తీకి నోటిఫికేషన్ రిలీజ్ చేసింది.
Central Railway: సెంట్రల్ రైల్వే నిరుద్యోగులకు గుడ్ న్యూస్ చెప్పింది. టెన్త్, ఐటీఐ అర్హతతో భారీ సంఖ్యలో అప్రెంటిస్ పోస్టుల భర్తీకి నోటిఫికేషన్ రిలీజ్ చేసింది. రైల్వే రిక్రూట్ మెంట్ సెల్ ముంబై ఆధ్వర్యంలో మొత్తం 2,861 ఖాళీలను భర్తీ చేయనుంది. వ్రాత పరీక్ష లేకుండానే కేవలం మెరిట్ ఆధారంగానే అభ్యర్ధులను ఎంపిక చేయనుంది. ఆసక్తి ఉన్న అభ్యర్థులు ఆన్ లైన్ లో దరఖాస్తు చేసుకోవచ్చు.
ఈ నోటిఫికేషన్ ద్వారా ముంబై, భుసావల్, పుణె, నాగ్ పూర్, షోలాపూర్ క్లస్టర్ల పరిధిలోని వర్క్ షాపుల్లో ఈ ఖాళీలను భర్తీ చేయనున్నారు. ఫిట్టర్, వెల్డర్, ఎలక్ట్రీషియన్, మెషినిస్ట్, కార్పెంటర్, పెయింటర్, కంప్యూటర్ ఆపరేటర్ అండ్ ప్రోగ్రామింగ్ అసిస్టెంట్ వంటి పలు ట్రేడుల్లో అభ్యర్థులకు ట్రైనింగ్ ఇస్తారు. అత్యధికంగా ముంబై క్లస్టర్ లో 1712 పోస్టులున్నాయి.
ఈ పోస్టులకు దరఖాస్తు చేసుకునే అభ్యర్థులు కనీసం 50శాతం మార్కులతో టెన్త్ ఉత్తీర్ణతతోపాటు సంబంధిత ట్రేడులో ఐటీఐ సర్టిఫికేట్ తప్పనిసరిగా ఉండాలి. 2026 నవంబర్ 3నాటికి అభ్యర్థుల వయస్సు 15 ఏళ్ల నుంచి 24ఏళ్ల మధ్య ఉండాలి. రిజర్వేషన్ వర్గాలకు వయోపరిమిలో సడలింపు ఉంటుంది. అర్హులైన అభ్యర్థులు డిసెంబర్2, 2026లోపు దరఖాస్తు చేసుకోవాలి. జనరల్, ఓబీసీ అభ్యర్థులకు దరఖాస్తు ఫీజు రూ. 100ఉండగా.. ఎస్సీ, ఎస్టీ, మహిళలు, దివ్యాంగులకు ఫీజు నుంచి మినహాంపు ఇచ్చారు.
అభ్యర్థుల ఎంపిక ప్రక్రియలో ఎలాంటి వ్రాత పరీక్ష ఉండదు. టెన్త్, ఐటీఐలో సాధించిన మార్కుల ఆధారంగానే మెరిట్ లిస్టును రూపొందించి.. డాక్యుమెంట్ వెరిఫికేషన్ తర్వాత ఫైనల్ చేస్తారు. సెలక్ట్ అయిన అభ్యర్థులకు ఏడాది పాటు ట్రైనింగ్ ఇస్తారు. ఈ సమయంలో నెలకు రూ. 9,600 చొప్పున స్టైఫండ్ అందిస్తారు.
Also Read: